Nshɛ 7:16 - EBƆRƐ BE KAWƆL

¹⁶ Bumo gbagba be alubi beeŋ laŋɛ n deŋi bumo be amu so, nɛ kananɛ baa tintiŋ basa a shin nɛ baa wora asheŋ na e laŋɛ bumo so.

Nshɛ 7:16 ပူးပေါင်းရင်းမြစ်များ

1 Bewura 2:32

Ŋkpal e ka mɔ Abna nɛ e la Israɛl be benapo be enimu nɛ Amasa nɛ mo alɛ la Juda be benapo be enimu nɛ n tuto ewura Deevid maŋ nyi na so, Enyɛnpe Ebɔrɛ beeŋ gberge mo kusoe.

1 Bewura 21:19

n ya kaŋɛ mo fanɛ ma Enyɛnpe Ebɔrɛ na e naa kaŋɛ mo fanɛ naniere fo ka mɔ Nabɔf na, mbe kapetɛ e ka nɛ fo ta ŋko? Kaŋɛ mo fanɛ kakpa nɛ njɔnɔ dente Nabɔf be ŋklaŋ na, ndoŋ gbagba nɛ baaŋ dente mo alɛ gba be ŋklaŋ!”

Ɛsta 7:10

Nɛ b ya chɛ Heman efɔl n shiga kedibi nɛ e yuu fanɛ b chɛ Mɔdikaya n shiga so na so. Nɛ ewura na be kagbene wushi mo.

Ɛsta 9:25

Nɛ Ɛsta yɔ ewura kutɔ nɛ ewura na shin nɛ b sibɛ mbra nɛ k shin nɛ kusɔ nɛ Heman kre fanɛ e beeŋ wora Juwebi na laŋɛ n ji mo. Nɛ b chɛ mo nɛ mbe mbinyɛnsobi kikɛ efɔl n shiga ndibi nɛ b yuu na so.

Job be kawɔl 4:8

Kusɔ nɛ ma ere nyi e la fanɛ basa nɛ baa du kulubi bumo be amu to nɛ k bee kɔr.

Nshɛ 141:10

Shin nɛ bumo gbagba e tɔr bumo be ajigbelɛ to, nseŋ shin nɛ ma ere e bɔla amo ase n choŋ nɛ shɛŋ maŋ wora ma.

Nshɛ 35:8

Ama kemur beeŋ purgi bumo. Bumo gbagba be ajigbelɛ nɛ b fe na beeŋ kilgi m pɛ bumo. Baaŋ tur amaŋ nɛ bumo gbagba kur na to.

Nshɛ 36:12

Keni kakpa nɛ belubiworapoana, tɔr a dese. Bumo alɛ maaŋ naŋ tiŋ n wora shɛŋ kikɛ.

Nshɛ 36:4

B dese bumo be edesekpa gba alubi be kewora be ŋkre nɛ baa kre. B maa wora asheŋ lela kikɛ. Kulubi kama malɛ maa choŋ bumo so.

Nshɛ 57:7

Mee ji kashenteŋ nna a sa fo, nɛ feeŋ tiŋ n yirda ma. Meeŋ boŋ kashɛ nseŋ laŋ alaŋsɔ n sa fo ma, Ebɔrɛ na.

Nshɛ 9:16

Enyɛnpe Ebɔrɛ be kebaaji asheŋ nɛ amo be ekpa so nɛ baa ta a pin mo. Ama alubiworapoana gbagba be alubi e naa kilgi a ji bumo.

Aŋasa 1:19

Kayu to nɛ beyu bee paŋ bumo be ŋkpa. Loŋ nɛ basa kama nɛ baa nyaŋɛ to a buu basa kikɛ bee loge to.

Aŋasa 26:27

Fo baa kur fo barkasa be kemaŋ, fo gbagba e naŋ kilgi n tɔr kumo to. Fo baa gbelti kejembu nɛ fo bɛa fo barkasa, k beeŋ kilgi m bɛa fo gbagba.

Kaŋinichiŋgeliŋ 10:8

Esa kama nɛ e kur kemaŋ n nase nsaa maŋ de so mo gbagba e naŋ tɔr kumo to. Esa kama malɛ nɛ e bure egbal dra n lɛ nsaa maa de so kana e naaŋ duŋ mo.

1 Samuɛl 23:9

Deevid ka nu fanɛ Sɔɔl bee kre nɛ e ba kɔ mo na, nɛ e kaŋɛ bɔrɛmatapo Abiata le: “Ta kabɔrɛmata be piŋi lela nɛ baa tre Ɛfɔd na m ba, saŋɛ na so anyeeŋ bishi Ebɔrɛ kusɔ nɛ k daga an ka wora.”

1 Samuɛl 26:10

Enyɛnpe Ebɔrɛ nɛ e la ma shɛdajipo ere be ketre to, n nyi fanɛ mo ere Enyɛnpe Ebɔrɛ na gbagba beeŋ shin nɛ Sɔɔl e wu saŋɛ ŋko kachɛ nɛ e yili n sa mo ŋko n shin nɛ b mɔ mo kena to.

1 Samuɛl 28:19

Echefo, Enyɛnpe Ebɔrɛ beeŋ shin nɛ Filisti be basa e pɔɔ Israɛl be benapo so, saŋɛ na so, fo nɛ fo mbia beeŋ wu m ba nfe m ba ti ma so.”