Nshɛ 7:10 - EBƆRƐ BE KAWƆL

¹⁰ Fo, Ebɔrɛ e la ma ekumpo. Fo e naa kuŋ kagbene koŋwulewurana kikɛ.

Nshɛ 7:10 ပူးပေါင်းရင်းမြစ်များ

Jɛnesis 15:1

Ade kikɛ be kaman nɛ Eebram ku bɔrɛdare nseŋ nu Enyɛnpe Ebɔrɛ na ka kaŋɛ mo: “Eebram, sa maa lɔ kufu. Ma e la fo ekumpo meeŋ ka fo kukɔ gboŋgboŋi.”

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

2 Kronikɛls 6:30

fo yili esoso n nu bumo be kekule nseŋ ta bumo be alubi m paŋ bumo. Fo nawule e nyi dimɛdi be kagbene to. Shin nɛ ekama e nya mbe asheŋ woraso be kakɔka,

Job be kawɔl 8:6

ŋko nɛ fanɛ fo la esa nɛ fo niŋi nɛ kulubi kikɛ maŋ wɔ fo so nna, kumo ere Ebɔrɛ beeŋ naŋ chɛ fo to nseŋ shin nɛ fo naŋ nya asɔ nɛ fo paŋ na kikɛ.

Nshɛ 112:2

Bumo be kaman to ebi beeŋ baa kɔ eleŋgboŋ ga kasawule so; ŋkpal manɛ so, Enyɛnpe Ebɔrɛ na bee nɛfa bekama nɛ baa wora asheŋ niŋiso na nna.

Nshɛ 125:4

Men shin nɛ an kule Enyɛnpe Ebɔrɛ fanɛ e baa wora bekama nɛ baa wora alelasheŋ nsaa wora mbe mbraana kasonu nɛnɛ na kelela.

Nshɛ 3:3

Ama, fo Enyɛnpe Ebɔrɛ na, e naa kuŋ ma saŋkikɛ. Fo e naa shin nɛ mee kɔ a pɔɔ so, nsaa shin nɛ mee nya bunyaŋgboŋ nɛ keleŋto.

Nshɛ 84:11

Ŋkpal manɛ so, Enyɛnpe Ebɔrɛ na du fanɛ epeŋi nɛ kebɛlso be kusɔ kuŋso nna. Mo e naa wu kuwɔr nsaa ta bunyaŋ a buu esa so, mo alɛ maa ta kusɔ lela a ŋana basa niŋiso so.

Nshɛ 89:18

Kashenteŋto, anyi be kekuŋ bee shi Enyɛnpe Ebɔrɛ na kutɔ nna. Israɛl be Ebɔrɛ cheembi na e la anyi be ewura.

Aŋasa 11:20

Enyɛnpe Ebɔrɛ kishi nfɛra lubiwura ga, ama e bee sha bekama nɛ baa wora asheŋ lela bre ga.

Aŋasa 2:21

Ŋkpal manɛ so basa nɛ baa wora asheŋ niŋiso nɛ basa nɛ b maŋ kɔ mpulɔ e naaŋ nya anyi be kasawule ere so a wɔtɔ.

Aŋasa 28:18

Kashenteŋji bee kuŋ esa nna, ama esa nɛ e maŋ niŋi bre bee tɔr manaŋ manaŋ nna.

Jɛremaya 11:20

Ndoŋ nna nɛ ŋ kule Ebɔrɛ ŋ kaŋɛ le: “Enyɛnpetale Ebɔrɛ, fo e naa ji asheŋ nɛ amo be ekpa so. Fo alɛ nyi basa be ŋgbene nɛ nfɛra kikɛ to. N ta demu ere nna a wɔtɔ fo enɔ to. Amoso ka basa ere kumo be kukɔ n sa ma.”

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”