Nshɛ 69:36 - EBƆRƐ BE KAWƆL

³⁶ Kasawule na beeŋ ki bumo be mbia be kapetɛ kachako. Nɛ esa kama nɛ e bee sha Ebɔrɛ e chena kumo so.

Nshɛ 69:36 ပူးပေါင်းရင်းမြစ်များ

Nshɛ 102:28

Basa nɛ baa shuŋ fo be mbia beeŋ baa wɔ fo kutɔ, nɛ fo baa kuŋ bumo nɛ bumo be kaman to ebi kikɛ.”

Nshɛ 37:29

Kasawule ere beeŋ baa la basa nɛ baa wora asheŋ nɛ a niŋi na peya, nɛ b chena kumo so mbaanaayɔ.

Nshɛ 91:14

Enyɛnpe Ebɔrɛ yɛ: “Nɛ fee sha ma nsaa nyi esa nɛ e la ma kashenteŋto, meeŋ mɔlga fo nsaa kuŋ fo.

Aizaaya 44:26

Ama ma e naa shin nɛ ma anebiana be abɔya bee wora a bɔlɔ so kashenteŋto. Le nɛ baa kaŋɛ: ‘Basa beeŋ ba bɔlɔ Jerusalɛm to, nɛ Enyɛnpe Ebɔrɛ na malɛ e lɔŋɛ nde bureso nɛ a wɔ Juda be efuli so na m pɔr.’

Aizaaya 61:9

Bumo be ketre beeŋ dii a chɔ efuli pɔtɛana peya. Ekama nɛ e wu bumo beeŋ pin fanɛ b la basa nɛ Enyɛnpe Ebɔrɛ nɛfa nna.

Baru lela nɛ Jɔn kute na 14:23

Nɛ Yesu kaŋɛ mo le: “Esa kama nɛ e bee sha ma beeŋ ta ma mmalga n wɔtɔ mbe kagbene to. N Tuto malɛ gba beeŋ baa sha mo nɛ ma nɛ n Tuto na kikɛ e ba mo kutɔ m ba ta mo ŋ ki anyi be kowu.

Ashuŋ Shunso 2:39

Ŋkpal manɛ so, kumo be loŋ be kɔnɔ nɛ Enyɛnpe Ebɔrɛ daŋ nase n sa menyi nɛ menyi be mmantoebi nɛ basa pɔtɛ nɛ b maŋ taga to nfe ere na kikɛ, bumo e la bumo nɛ Enyɛnpe Ebɔrɛ bee tre a ba mo kutɔ na.”

Romebi 8:28

Anyi alɛ nyi fanɛ asɔ kikɛ to, Ebɔrɛ bee wora asheŋ nna nɛ a bee ba abar so m ba kaa ki asɔ lela a sa mbe beshapo nɛ e tre m ba mo kutɔ fanɛ b ba kaa wora mbe aparsheŋ na.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

Kelaraŋŋini 21:27

Eyurpi be kusɔ kikɛ maaŋ luri ndoŋ kikɛ. Esa kama malɛ gba nɛ e bee wora anishinyɔrsheŋ ŋko a fule, e maaŋ luri ndoŋ kikɛ. Bumo nɛ b sibɛ bumo be atre n wɔtɔ Kpakpafɔlbi na be ŋkpa be kawɔl na to na nawule e naaŋ luri ndoŋ.