Nshɛ 69:33 - EBƆRƐ BE KAWƆL

³³ Bumo nɛ b maŋ kɔ epe baŋ shu n tre Enyɛnpe Ebɔrɛ na, e beeŋ nu. Mo alɛ maaŋ teŋ mbe basa nɛ b wɔ kabuti to na so.

Nshɛ 69:33 ပူးပေါင်းရင်းမြစ်များ

Nshɛ 10:17

Enyɛnpe Ebɔrɛ, fo e naa nu bumo nɛ baa ji awurfoŋ be kekule. Feeŋ nu bumo be nfubel nseŋ leŋ bumo to.

Nshɛ 102:17

E beeŋ wu betentaŋasepo kuwɔr nseŋ nu bumo be kabɔrɛkule.

Nshɛ 102:20

E daŋ nu basa nɛ b wɔ kabuti to ka bee shu to nna, nseŋ sɔ bumo nɛ b daŋ daga luwu na n yige.

Nshɛ 107:10

Menyi be beko daa wɔ kabuti to nna, a ji awurfoŋ tentembiri mina to nɛ ŋgbɛlɛbi kre menyi,

Nshɛ 12:5

Ndoŋ nna nɛ Enyɛnpe Ebɔrɛ kaŋɛ le: “Meeŋ koso, ŋkpal bepɔshipo be kamɛaŋ, nɛ basa nɛ asheŋ bee tɔrɔ be kushuto so. Meeŋ sɔ bumo n yige.”

Nshɛ 146:7

Mo e naa ji asheŋ nɛ amo be ekpa so a sa betirpo nsaa sa bumo nɛ akoŋ kɔ kusɔ jiso. Enyɛnpe Ebɔrɛ na e naa lara basa nɛ b ti ebu ashi kabuti to.

Nshɛ 22:27

Efuliana kikɛ so ebi beeŋ nyiŋi Enyɛnpe Ebɔrɛ na, nɛ basa e shi durnya be kaplɛkama, ŋ kilgi m bɛ mo so a bunyaŋ mo.

Nshɛ 34:3

Men ba chɛ ma to nɛ an malga Enyɛnpe na be keshi be asheŋ. Men shin nɛ an cha abar n fur mbe ketre.

Nshɛ 34:6

Mo nɛ betentaŋasepo bee shu a tre, nɛ e bee nu bumo be kushu, nsaa mɔlga bumo ashi bumo be etɔrɔ to na.

Nshɛ 68:6

Mo e naa ta bumo nɛ b maŋ kɔ basa a ki kanaŋ wurana. Mo e naa sɔ basa nɛ b ti ebu a yige, nsaa shin nɛ asheŋ bee nite nɛnɛ a sa bumo. Ama e bee yɛr bumo nɛ b kɔ asoe kpakpaso nsaa maa nu a sa mo na bre epeŋi kpakpaso be kasawule so nna.

Aizaaya 66:2

Ma e to durnya kikɛ nseŋ shin nɛ kusɔ kikɛ wɔtɔ. Basa nɛ bumo be asheŋ bee par ma nɛ mee keni bumo a bɔlɔ kenishi, e la basa nɛ baa bar bumo be amu kaseto nsaa tuba ashi bumo be alubi to ŋko bumo nɛ baa ŋana ma nsaa wora ma kasonu na.

Eemɔs 5:4

Le nɛ Enyɛnpe Ebɔrɛ kra kaŋɛ Israɛl be basa: “Israɛlebi, men bɛta m ba ŋ kutɔ saŋɛ na so menyeeŋ nya ŋkpa.

Eemɔs 5:6

Men bɛta n yɔ Enyɛnpe Ebɔrɛ na kutɔ nseŋ nya ŋkpa. Men baa maŋ ba mo kutɔ, e beeŋ ta edɛ m mur menyi. Menyi Bɛtɛl be basa e naaŋ chɔɔ. Esa kama malɛ maaŋ tiŋ m mɔlga menyi kikɛ.

Luuk 4:18

“Enyɛnpe be Kiyoyu nɛ e kɔ a sa basa kikɛ na wɔ ma so. E lara ma nna n nɛfa ma nɛ m bɔ baru lela na n sa betirpo, mo e shuŋi ma nɛ n ya bɔ kesɔnyige be baru n sa bumo nɛ b ki beko be anya nseŋ bɔ anishi be kebugi be baru n sa betanpo. E yɛ n sɔ bumo nɛ baa mɛaŋ na n yige.

Ɛfesesebi 3:1

Ŋkpal le so nɛ ma Pɔɔl la Kristo Yesu be kabutipo ŋkpal menyi nnyamase so.

Kelaraŋŋini 2:10

Men sa maŋ kaa ŋana asheŋ nɛ a bee shin nɛ a ba menyi so ere. Mee kaŋɛ menyi nna na fanɛ alubipo na beeŋ shin nɛ b ta menyi be beko n ti ebu nɛ e wora menyi ŋ keni nɛ men ji tɔrɔ nchɛ kudu. Ama men baa yil to kpakpa loŋ n ya kaa fo luwu to be keluri to gba nɛ n sa menyi ŋkpa be kuwurwuro na.