Nshɛ 69:13 - EBƆRƐ BE KAWƆL

¹³ Ama fo Enyɛnpe na nɛ mee shu a tre. Nu ma kekule saŋɛ nɛ k par fo nseŋ yili fo kashagboŋ na so m mɔlga ma.

Nshɛ 69:13 ပူးပေါင်းရင်းမြစ်များ

Jɛnesis 24:27

ŋ kaŋɛ: “Kapandi e baa la Enyɛnpetale n nyɛnpe Eebraham be Ebɔrɛ na peya, ŋkpal manɛ so e maŋ teŋ mbe kelela be kɔnɔ naseso nɛ e sa n nyɛnpe na so. Mo e juŋkpar ma le m ba luri n nyɛnpe mo kurgepoana gbagba pe.”

Ɛsta 5:2

Ewura na ka wu ewurche Ɛsta ka yil kabuna to na, nɛ mbe asheŋ par mo ga, nɛ e teŋi mbe shuwa be kuwurkpabi na ŋ shoŋi mo. Nɛ Ɛsta ya pɛ kuwurkpabi na be kɔnɔso.

Ɛsta 5:6

B ka bee nuu nsa nɛ ewura na kaŋɛ Ɛsta le: “Kaŋɛ kusɔ kama nɛ fee sha nɛ n sa fo kumo. Manɛ bre e tir fo? Hale ma efuli ere be bargato gba nɛ fee sha, meeŋ sa fo kumo.”

Ɛsta 7:2

B kaa tase a nuu nsa kejigboŋ nyɔsopo na to na, nɛ ewura na naŋ bishi Ɛsta le: “Manɛ bre e tir fo? Kusɔ kama nɛ k tir fo, fo kaŋɛ ma nɛ n sa fo kumo. Hale ma efuli ere be bargato gba nɛ fee sha, feeŋ nya kumo.”

Nshɛ 32:6

Amoso fo kama nɛ fee ŋana Ebɔrɛ, nsaa wɔ tɔrɔ to, fo kule mo. Saŋɛ na so, tɔrɔ be awɔrfoŋ nɛ k du fanɛ nchu ka to chufulgboŋ a ba eleŋso na maaŋ sulɔ fo n yɔ.

Nshɛ 51:1

Enyɛnpe Ebɔrɛ, wu ma kuwɔr ŋkpal fo kasha nɛ k maa loge na so. Kpra ma alubi ŋkpal fo kuwɔrwu na so.

Nshɛ 91:15

Nɛ fo luri asheŋ to nseŋ shu n tre ma, meeŋ nu fo kekule m ba mɔlga fo nseŋ ta kemaŋkura m buu fo so.

Nshɛ 98:3

E nyiŋi mbe kasha nɛ kashenteŋji nɛ e kɔ n sa Israɛlebi na be asheŋ. Bekama nɛ b wɔ kasawule so be kaplɛkama wu anyi be Ebɔrɛ na be kumɔlga.

Aizaaya 49:8

Ade be kaman nɛ Enyɛnpe Ebɔrɛ na naŋ kaŋɛ mbe basa le: “Menyi be kumɔlga be jemanɛ kaŋ fo, meeŋ wu menyi kuwɔr nseŋ nu menyi be kabɔrɛkule. Meeŋ kuŋ menyi nseŋ mɔlga menyi. Meeŋ shin nɛ men ta kɔnɔ nɛ n nase nɛ k kɔ tama na n ya sa efuli pɔtɛana so ebi. Ma alɛ beeŋ naŋ shin nɛ men bɛta m ba chena menyi be kasawule nɛ k dese jiga na so.”

Aizaaya 55:6

Men fin Enyɛnpe Ebɔrɛ na nseŋ kule mo saŋɛ nɛ e taga menyi to ere.

Nfabel 3:63

Kusɔ kama nɛ baa wora, baa boŋ nshɛ nna a wora ma eyurto.

Maika 7:20

Feeŋ lara fo kashenteŋji nɛ kasha nɛ k maa loge na ŋ ŋini fo basa nɛ b la an nananyɛnana Eebraham nɛ Jeekɔb be kaman to ebi na, fanɛ kananɛ fo chɛr n nase kumo be kɔnɔ n sa bumo na.

Luuk 1:72

E yɛ e beeŋ wu an nanaana kuwɔr n nyiŋi mbe kɔnɔ naseso cheembi na.

Luuk 22:44

Mbe kagbene ka jija mo alegaiso nɛ e bugi kagbene ŋ kule Ebɔrɛ ga hale nɛ kebleŋ ya kaa lar mo so a do kasawule so fanɛ ŋklaŋ.

2 Kɔrintebi 6:2

Ŋkpal manɛ so, Ebɔrɛ bee kaŋɛ fanɛ: “Ma kepar be kachɛ nɛ n nu men be ebɔl, nseŋ naŋ chɛ menyi to kumɔlgaachɛ na.” To, ma alɛ e naa kaŋɛ menyi na fanɛ naniere e la Ebɔrɛ be kepar be kachɛ, kabre e la kumɔlga be kachɛ na.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.

1 Pita 2:23

B daŋ tege mo, ama mo alɛ daa maŋ laŋɛ katege n sa bumo. B daŋ tɔrɔ mo, ama e daa maŋ nyaŋɛ to n tu bumo. Ama e daŋ ta mbe kumu nna m bɔɔ esa nɛ e bee ji asheŋ amo be ekpa so na enɔ.

1 Samuɛl 25:8

Fo bishi fo mbolpɔkpapoana na, bumo alɛ gba beeŋ kaŋɛ fo le be kesheŋ koŋwule ere. Kejigboŋ be kachɛ nɛ an ba na, amoso Deevid yɛ, fo keta anyi nɛnɛ. E yɛ kusɔ kama nɛ fo kɔ, fo ta kumo n chɛ fo teri Deevid nɛ fo nyɛrbi to.”