Men boŋ nshɛ n sa Ebɔrɛ, men boŋ nshɛ n fur mbe ketre. Mo e dii n chena awɔlpa so, amoso men maŋkura mo. Mbe ketre e la Enyɛnpe na, nɛ anyee tiŋ n ji eyur nseŋ maŋkura mo.
Esa nɛ e daa wɔ bɔrɛlambu na be kowushina be kelɔnɛ na gba so daa nu asɔbɔya keniso na be mbuibi be aba be egbri, ŋkpal manɛ so, a daa gbri nna fanɛ Enyɛnpetale Ebɔrɛ be ebɔl na.
Israɛl be basa, Ebɔrɛ kikɛ maŋ naa wɔtɔ fanɛ menyi be Ebɔrɛ na. Mo e naa lara mbe kemaŋkura a ŋini kuwɔlpa so, nsaa bɔla bɔrɛwɔlpa to a ba menyi be kechɛto to na.
Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”
Ndoŋ nna nɛ Ebɔrɛ be lambu nɛ k wɔ ebɔrɛso na bugi nɛ an wu mbe kɔnɔkoŋwule be ŋkre be deka ashi mbe lambu na to. Nɛ bɔrɛ nyɛkpɛ palpal m ponte to ŋ gbri n wɔtɔ nɛ kasawule gbuŋgbuŋ to nɛ abɔrɛjembubi gbɛgbɛsoana ko ba tɔr.