Nshɛ 68:31 - EBƆRƐ BE KAWƆL

³¹ Shin nɛ basa nɛ efuliana na bee yɛr efuli pɔtɛ so nɛ b ya yili amo be katelamu to a fin kɔnɔkoŋwule na e shi Ijipt be efuli so m ba. Nseŋ shin nɛ Itiopiaebi e ba bunyaŋ fo Enyɛnpe Ebɔrɛ na.

Nshɛ 68:31 ပူးပေါင်းရင်းမြစ်များ

1 Bewura 8:22

Ndoŋ nna nɛ ewura Sɔlɔmɔn yili bɔrɛsure na be anishito Israɛlebi na kikɛ be anishito m maŋ mbe enɔana so ŋ kule Ebɔrɛ le:

Nshɛ 143:6

M maŋ ma enɔana so ashi kabɔrɛkule to a shoŋi fo nna, Kananɛ kasawule wɔlso bee sha nchu na nɛ ma kiyoyu gba bee shu a fin fo.

Nshɛ 44:20

An daŋ teŋ fo so nna, nseŋ ya kaa bunyaŋ efuli pɔtɛana so be agbirana,

Nshɛ 88:9

Ma alɛ shu nna m puŋi anishi, ŋkpal awurfoŋ nɛ kagbenejijaso. O Enyɛnpe Ebɔrɛ, fo nɛ mee maŋ ma enɔana so a shu a tre karechɛ kikɛ.

Aizaaya 45:14

Kede be kaman nɛ Enyɛnpe Ebɔrɛ na naŋ kaŋɛ Israɛlebi na le: “Ijipt nɛ Itiopia be efuliana so be kedamaya beeŋ ki menyeya, nɛ Seba be efuli so be basa tenteŋ na e ki menyi be anya. Menyi beeŋ chɛ bumo ŋgbɛlɛbi ŋ gberge bumo m bɛ menyi be amu so. Baaŋ jɔŋɛ menyi ase nseŋ kaŋɛ le: ‘Ebɔrɛ wɔ menyi kutɔ, mo alɛ nawule e la Ebɔrɛ.’

Aizaaya 66:19

nseŋ pin fanɛ ma e naa gberge bumo kusoe. Ama meeŋ yige bumo be beko nseŋ yɛr bumo efuli pɔtɛana fanɛ Speen nɛ Libiya nɛ Tubal nɛ Griis nɛ nsawule nɛ a wɔ kufɔ kufɔ nɛ b maŋ naŋ nu ma asheŋ ŋko n wu ma keshi nɛ eleŋgboŋ na so. Baaŋ ya bɔ ma kemaŋkura nɛ keshi be kubɔya n sa ndoŋebi.

Zefanaiya 3:10

Ma basa nɛ b pesaŋ to nɛ bumo nɛ baa bunyaŋ ma kashenteŋto beeŋ shi hale Itiopia be efuli so be elɔrana be mba ndoŋ m bar esarga m ba sa ma.