Nshɛ 68:13 - EBƆRƐ BE KAWƆL

¹³ Abɛlso be ali nɛ b ta gbiti m mata amo be aba so nseŋ ta shuwa nɛ a bee kpa edɛ n wora amo be atɛ e ki basa nɛ b shir kaman a keni mbolpɔ so na peya.

Nshɛ 68:13 ပူးပေါင်းရင်းမြစ်များ

Jɛnesis 49:14

Isakar, fo du fanɛ kurma lempo nɛ e teŋi to a dese mbe esulɔ gbɛgbɛso be nferinto nna.

2 Bewura 7:16

Ndoŋ nna nɛ Samɛriaebi na shile n yaa muu Siriyaebi na be asɔ ashi bumo be keeyi to. Nɛ kusɔ nɛ Enyɛnpe Ebɔrɛ kaŋɛ na fanɛ, baaŋ baa fa ayu lela kurwa asa asa nɛ ayu peper kurwa ashe ashe gbiti be kadɛrbi koŋwule na bɔlɔ so.

Nshɛ 105:37

Kumo be kaman nɛ e juŋkpar Israɛlebi na n lar Ijipt be efuli so. Bumo be eyiriana na to be esa koŋwule gba daa maŋ ka kaman. B daŋ sulɔ shuwa nɛ gbiti nna n lar.

Nshɛ 149:4

Ŋkpal manɛ so, mbe basa be asheŋ bee par mo nna. Mo alɛ bee ta kemaŋkura nna a buu bekama nɛ baa bar bumo be amu kaseto so nsaa mɔlga bumo.

Nshɛ 74:19

Sa maŋ yige fo basa nɛ b du fanɛ alepɔ na n sa bedoŋ nɛ b du fanɛ kupuŋ to be asɔbɔya lubi na. Fo alɛ e sa maŋ teŋ basa nɛ baa ji awurfoŋ na so.

Nshɛ 81:6

“Ma e daŋ bɛge esulɔ gbɛgbɛso na ashi menyi so, nseŋ sɔ nlantaŋɛ gbɛgbɛso na menyi be enɔana to.

Ɛksodɔs 1:14

nɛ kebaawɔtɔ ki nyaŋnyaŋ n sa bumo ŋkpal loŋ so. B daa shin nɛ baa baga eshii a kuya ebirkesi a pɔr nwu nsaa shuŋ ndɔana to nna. Bumo alɛ daa maa wu Israɛlebi na kuwɔr kikɛ.

Aizaaya 33:23

Ama asɔ nɛ efuli pɔtɛana ta n chɛ bumo be nchu so be ekuloŋgboŋ so na maŋ chɛ nɛnɛ a kɔ eleŋ; Ewajɛ nɛ b ta n chɛ ekuloŋgboŋ na so nɛ afu e baa ber amo a nite nchu so na maŋ parga to. Anyeeŋ suge bedoŋ be benapo be asɔ damta, hale nɛ ebobi gba e nya asɔ n sɔ bumo kutɔ.

Nɔmbɛs 31:27

nseŋ barga amo to ntuŋ anyɔ dede, n ta katuŋ koŋwule n sa benapo na nseŋ ta kukoŋwule malɛ n sa Israɛlebi nɛ b ka na.

Luuk 15:16

Ndoŋ nna nɛ akoŋ pɛ kebia na loŋ hale nɛ e ya kaa yɛlga keji asɔrso be afɔfɔ nɛ epreku na daa ji na, ama esa kama maŋ sa mo amo.

Luuk 15:22

Nɛ etuto na kplaŋ mo so nseŋ kaŋɛ mbe anya le: ‘Men nya manaŋ n ya lara piŋi lela chɔɛŋ na m ba buu mo nseŋ ta kepinibi n wɔtɔ mbe enɔ to nseŋ ta asɛbta n wɔtɔ mo.

1 Kɔrintebi 12:2

Men nyi fanɛ saŋɛ nɛ men daa maŋ nyi Ebɔrɛ na, Setani e daŋ fuli menyi ekpa kama nɛ men daŋ bɔla so nɛ men bɛ agbir nɛ a la asɔ wuso na so.

Taites 3:3

Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.

Joshuwa 10:16

Saŋɛ nɛ b daa kɔ kena na, Amɔriebi be bewura anu na bre daŋ shile nna n ya ŋana Makɛda be kebeelaŋ to.

Demujipoana 5:16

Manɛ e ba nɛ bumo ere shir a wɔ bumo be mbolpɔ ase? Mbolpɔkpapoana be kafoli nɛ baa sha kenu a? Kashenteŋ, Ruben be yiri to ebi maŋ kɔ kɔnɔkoŋwule abar so. Amoso, b daŋ maŋ tiŋ ŋ kre fanɛ b ba ŋko b sa maŋ ba.

Demujipoana 5:19

Keenan be bewura kɔ anyi kena ashi kade nɛ baa tre Taanak nɛ k mata kabombi nɛ k dese kade nɛ baa tre Mɛgido na nna; ama bumo alɛ maŋ tiŋ ŋ kɔ n suge anyi be gbiti gba.