Nshɛ 68:1 - EBƆRƐ BE KAWƆL

¹ Ebɔrɛ koso, n shin nɛ fo doŋana e pesaŋ to n shile.

Nshɛ 68:1 ပူးပေါင်းရင်းမြစ်များ

2 Kronikɛls 6:41

Enyɛnpe Ebɔrɛ, koso m bɔla ŋkre be deka nɛ k yili a sa eleŋ nɛ fo kɔ na so n luri bɔrɛlambu ere to, nsaa wɔ ndoŋ mbaanaayɔ. Nɛfa fo bɔrɛmatapoana ashi kusɔ kama nɛ baa wora to nseŋ shin nɛ fo basa malɛ kikɛ be ŋgbene e fuli bumo ŋkpal fo kelela nɛ fee wora a sa bumo so.

Nshɛ 21:8

Fo ta fo enɔ lempo na ŋ ŋmɛa fo doŋana n lɛ. Fo enɔ jisa nɛ feeŋ ta m pɛ basa nɛ b kishi fo kikɛ.

Nshɛ 44:26

Jande wora kusɔ ko n chɛ anyi to. Mɔlga anyi ŋkpal fo kasha nɛ k maa chɛrga na so.

Nshɛ 59:11

Ama sa maŋ mɔ bumo. Mannɛ aloŋ ekama beeŋ teŋ so. Ta fo eleŋgboŋ na n shin nɛ b chicha n tɔr. Fo e la kusɔ kuŋsogboŋ a kuŋ fo basa.

Nshɛ 68:14

Enyɛnpetale Ebɔrɛ na shin nɛ efuli na so be bewura pesaŋ to, fanɛ kananɛ abɔrɛjembubi bee tɔr kebee nɛ baa tre Zalmɔn na so a pesaŋ to na.

Nshɛ 68:30

Gberge kusɔbɔya nɛ k wɔ ketaŋɛ to na kusoe. Gberge efuliana na be basa nɛ bumo be bejuŋkparpo du fanɛ apuntona na kusoe, n shin nɛ b ta gbiti be ŋkɛ ŋ gbeye amuli so m ba. Shin nɛ efuliana nɛ amo be basa bee sha kebaa ku kena na e pesaŋ to.

Nshɛ 89:10

Fo e daŋ to m pɛ teku to be kusɔbɔya lubi gboŋgboŋi nɛ baa tre Reehab na to kpakpa nseŋ mɔ kumo na. Fo gbagba be eleŋgboŋ nɛ fo ta m pɔɔ fo doŋana so, nseŋ shin nɛ b pesaŋ to n sɔ kaplɛkama.

Ɛksodɔs 20:5

nsaa jɔŋɛ amo ase ŋko a shuŋ amo, ŋkpal manɛ so, ma e la Enyɛnpe Ebɔrɛ men be Ebɔrɛ na. Ma alɛ maa sha kechamana. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.

Aizaaya 33:3

Enyɛnpe Ebɔrɛ, nɛ fo baa kɔ a sa anyi, efuli pɔtɛana be basa beeŋ nu kena be asheŋ nseŋ shile.

Ezikɛl 5:2

Jemanɛ nɛ fo kre kena ŋ kulti Jerusalɛm be foto nɛ fo wora n deŋi kejembu paŋgelambi na so na kaŋ fo ekar, nɛ fo chɔɔ emin na be katuŋ koŋwule kade nɛ fo wora kumo be foto na to, nseŋ ta bɔrfɔ na ŋ kuya emin na be katuŋ nyɔsopo to ŋ kulti kade na. Kumo be kaman nɛ fo ta katuŋ sasopo na n lɛ esoso nɛ ŋ gbagba e ta ma tokobi ŋ kuya amo to.

Danɛl 2:35

Epul na to nɛ kebɛlso na nɛ ebɔ na, nɛ danyaŋ na, nɛ gbiti nɛ shuwa na kikɛ buri to kpachɛrkpachɛrbi ŋ ki fanɛ gbaŋgbaŋ to be kugooro so be shishɛr na. Nɛ afu ba ta amo kikɛ n choŋ nɛ amo kedodobi gba maŋ ka. Ama kejembu nɛ k ŋmɛa kumo m bure to na bre wora kishi nna hale ŋ ki kebeegboŋ m buu kasawule kikɛ so.

Nɔmbɛs 10:35

Saŋkama nɛ Livaiebi na baŋ ta ŋkre be deka na n lar a yɔ, le nɛ Mosis daa kaŋɛ: “Enyɛnpe Ebɔrɛ, koso ŋ kɔ fo doŋana n shin nɛ b pesaŋ to n shile.”

Ditɛronɔmi 7:10

Ama e maa chɛr kegberge bumo nɛ b kishi mo na kusoe.