Nshɛ 66:3 - EBƆRƐ BE KAWƆL

³ Men kaŋɛ Ebɔrɛ fanɛ mbe aworbi kikɛ kɔ kufu nna, nɛ mbe eleŋgboŋ na bee shin nɛ mo doŋana bee chicha a jɔŋɛ mo ase kufuso.

Nshɛ 66:3 ပူးပေါင်းရင်းမြစ်များ

Job be kawɔl 25:2

“Ebɔrɛ shi ga nseŋ daga keŋana, ŋkpal manɛ so, mo e naa ji kuwura ebɔrɛso, nɛ kusɔ kama bee nite nɛnɛ ndoŋ.

Nshɛ 18:44

Efuli pɔtɛ so ebi bee jɔŋɛ ma ase nna. M baŋ yili kesheŋ n sa bumo, baa bɛ so nna.

Nshɛ 18:45

Bumo be aba pɔ bumo, nɛ baa lar bumo be ekuŋkpa lempoana to a chicha kufuso a ba.

Nshɛ 47:2

Enyɛnpetale Ebɔrɛ na be asheŋ woraso kɔ mamachi nɛ kufu nna. Mo e la ewurgboŋ, a ji durnya kikɛ so kuwura.

Nshɛ 65:5

An be Ebɔrɛ, fo mɔlga anyi, nɛ fo aworbi nɛ a bee keta kufu na shin nɛ an pin fanɛ fo nu kekule nɛ anyee kule a fin kashenteŋji na. Fo e naa sa durnya ere be basa kikɛ tama, hale bumo nɛ b wɔ teku be kaba nɛ anyi maŋ nyi na kikɛ gba.

Nshɛ 68:30

Gberge kusɔbɔya nɛ k wɔ ketaŋɛ to na kusoe. Gberge efuliana na be basa nɛ bumo be bejuŋkparpo du fanɛ apuntona na kusoe, n shin nɛ b ta gbiti be ŋkɛ ŋ gbeye amuli so m ba. Shin nɛ efuliana nɛ amo be basa bee sha kebaa ku kena na e pesaŋ to.

Nshɛ 76:12

Mo e naa bar bewura kama nɛ baa boo kenyɛn na kaseto; a shin nɛ baa ki befupo.

Nshɛ 81:15

Bekama nɛ b kishi ma, Enyɛnpe Ebɔrɛ na, beeŋ ta kufu m ba jɔŋɛ ma ase; bumo alɛ be kasogberge beeŋ baa wɔtɔ mbaanaayɔ.

Ɛksodɔs 15:21

Nɛ Miriam bee boŋ kashɛ a wɔtɔ bumo to a kaŋɛ: “Men boŋ kashɛ n sa Enyɛnpe Ebɔrɛ na, ŋkpal mbe kekɔmpɔɔso be eleŋ nɛ kemaŋkura ka shi ga so. Mo e shin nɛ egbaŋɛturko nɛ amo be bediipo mur teku to na.”

Aizaaya 2:19

Jemanɛ nɛ Enyɛnpe Ebɔrɛ na beeŋ shin nɛ durnya e gbuŋgbuŋ na, basa beeŋ shile n ya ŋana abeelaŋ to, ŋko n ya kur kasawule n luri to ŋ ŋana, a fin keshile ŋ ŋana Enyɛnpe Ebɔrɛ na be agbo nɛ mbe eleŋgboŋ nɛ kemaŋkura so.

Aizaaya 25:3

Basa nɛ b wɔ efuli lempoana so beeŋ kpaŋ fo; nɛ bumo nɛ b wɔ ndegboŋana nɛ a wɔ efuliana nɛ b maa wu kuwɔr na to e ŋana fo.

Aizaaya 40:26

Maŋ anishi so ŋ keni awɔlpa so! Wanɛ e to achɛkpabi nɛ fee wu ere? Mo ere Ebɔrɛ nɛ e bee juŋkpar amo fanɛ benapo be ejuŋkparpo na, e nyi kananɛ amo kikɛ sa nɛ amo be kekama be ketre! Enyɛnpe Ebɔrɛ na be yuku shi ga, nɛ achɛkpabi na be kekama maa foe mo so.

Aizaaya 64:3

Jemanɛ ko daŋ fo nɛ fo wora asheŋgboŋ nɛ a bee mɔ kɔnɔ nɛ anyi daa maa fɛ fanɛ feeŋ wora amo. Abee ka wu fo nɛ kufu pɛ amo nɛ e bee chicha.

Jɛremaya 10:10

Ama fo, Enyɛnpe Ebɔrɛ na, e la Ebɔrɛ kashenteŋto. Fo e naa sa ŋkpa nsaa wɔ ŋkpa to na; fo alɛ e la ewura nɛ e wɔtɔ mbaanaayɔ na. Fo baŋ nya agbo, durnya kikɛ bee gbuŋgbuŋ to nna, nɛ efuliana bee mur.