Nshɛ 66:2 - EBƆRƐ BE KAWƆL

² Men boŋ nshɛ m maŋkura mbe ketre nseŋ ta kapandi n fur mo.

Nshɛ 66:2 ပူးပေါင်းရင်းမြစ်များ

Nehemaya 9:5

Ndoŋ nna nɛ Joshuwa nɛ Kadmiɛl nɛ Bani nɛ Hashabnaya nɛ Sherebia nɛ Hodia nɛ Shebania nɛ Petahiya nɛ b shi Livai be yiri to na kaŋɛ basa le: “Men koso n yili nseŋ boŋ to m maŋkura Enyɛnpe menyi be Ebɔrɛ nɛ e wɔ ŋkpa to mbaanaayɔ na. Men maŋkura mbe mamachi be Ketre na, E shi ga nɛ kɔnɔ to be mmalga maaŋ tiŋ n ji mbe asheŋ.”

Nshɛ 106:2

Esa kikɛ maaŋ tiŋ m malga mbe asheŋgboŋ be asheŋ n ya loge kikɛ. Esa kikɛ malɛ maaŋ tiŋ ŋ kpaŋ mo gba n ya loge.

Nshɛ 107:15

A daga fanɛ men di Ebɔrɛ epaŋ ŋkpal mbe kasha nɛ k maa loge nɛ emamachisheŋ nɛ e bee wora a sa edimɛdi kikɛ so.

Nshɛ 107:22

A daga fanɛ men lara esarga n di mo epaŋ a boŋ nshɛ kagbenefuliso a kaŋɛ asheŋ nɛ e wora be asheŋ.

Nshɛ 68:33

Men fur emo nɛ e yili dra na kikɛ a dii awɔlpa na. Men kaŋ kusoe n nu mbe ebɔl nɛ k bee gbri fanɛ bɔrɛ ka bee ponte na.

Nshɛ 72:18

Anyee kpaŋ fo, Enyɛnpe, Israɛl be Ebɔrɛ na nna. Fo nawule e naa tiŋ a wora emamachisheŋ.

Nshɛ 79:9

O Ebɔrɛ nɛ fo la anyi be emɔlgapo, chɛ anyi to! Ŋkpal fo ketre be kemaŋkura so, mɔlga anyi nseŋ ta anyi be alubi m paŋ anyi.

Aizaaya 42:12

Menyi basa nɛ men wɔ mboŋ wɔfɔ e kpaŋ Enyɛnpe Ebɔrɛ n ta kemaŋkura n sa mo!

Aizaaya 49:13

Kaŋɛ asɔ nɛ a wɔ ebɔrɛso nɛ kasawule so kikɛ nɛ a baa boŋ nshɛ a ji amo be amu! Nseŋ shin nɛ abee gba e baa shuli so a boŋ nshɛ na! Enyɛnpe Ebɔrɛ na be basa ji awurfoŋ ga; mo alɛ naaŋ wu bumo kuwɔr.

Aizaaya 6:3

Bumo alɛ daa ponte awɔrso nna a shoŋi abar a kaŋɛ le: “Enyɛnpetale Ebɔrɛ na nawule e du cheembi! Mbe kemaŋkura e bɔlɔ durnya kikɛ nyam to.”

Kelaraŋŋini 5:13

Ndoŋ nna nɛ n nu kusɔtoso kikɛ nɛ k wɔ ebɔrɛso nɛ kasawule so nɛ kasawule be kaseto nɛ etekuana so nɛ amo nɛ a wɔ amo to kikɛ verr ka bee boŋ a kaŋɛ le: “Kapandi nɛ bunyaŋ nɛ kemaŋkura nɛ eleŋ e baa la emo nɛ e tase mbe kuwurputi so na nɛ Kpakpafɔlbi na peya mbaanaayɔ.”