Nshɛ 66:16 - EBƆRƐ BE KAWƆL

¹⁶ Menyi nɛ menyee bunyaŋ Enyɛnpe Ebɔrɛ na kikɛ e ba, nɛ ŋ kaŋɛ menyi kusɔ kama nɛ Ebɔrɛ wora n sa ma.

Nshɛ 66:16 ပူးပေါင်းရင်းမြစ်များ

Nshɛ 34:11

Ma mbia, men kaŋ kusoe n nu; nɛ n ŋini menyi kananɛ menyeeŋ baa bunyaŋ Enyɛnpe na.

Nshɛ 34:2

Meeŋ fur mo ŋkpal kusɔ nɛ e wora so, nɛ bekama nɛ baa ji awurfoŋ na e nu kumo be loŋ nɛ bumo be ŋgbene e fuli bumo.

Nshɛ 66:5

Ba keni kusɔ nɛ Ebɔrɛ wora; nɛ ashuŋ nɛ a bee keta kufu nɛ e shuŋ dimɛdi be kaplɛa so.

Nshɛ 71:15

Karechɛ kikɛ meeŋ baa malga fo alelasheŋ nɛ fo kumɔlga be asheŋ; ŋkpal manɛ so, fo wora asheŋgboŋ nɛ a baŋ ma kepinto so.

Nshɛ 71:18

Naniere, nɛ m bel n fuli kumu, sa maŋ pal kaman n sa ma, O Ebɔrɛ. Shin nɛ m baa kraa wɔtɔ a malga fo eleŋgboŋ be asheŋ a sa kaman to ebi nɛ baa ba na.

Nshɛ 71:20

Fo shin nɛ n ji awurfoŋ damta, ama fo naŋ wɔtɔ ma eleŋ; nseŋ kuŋ ma nɛ m maŋ wu n yɔ nchaŋ to.

Nshɛ 71:24

Meeŋ malga fo kebaawɔtɔ niŋiso be asheŋ kachɛ lelemu. Ŋkpal manɛ so, basa nɛ baa kɔrfɛ ma na kɔ n tɔr nseŋ ji anishinyɔr.

Jɛremaya 51:10

Ndoŋ nna nɛ Israɛl be basa na malɛ kaŋɛ le: “Enyɛnpe Ebɔrɛ na sɔ anyi be kɔnɔ so ŋ ka Babilɔnebi na kukɔ a ŋini fanɛ an ji n lar ashi kusɔ nɛ Babilɔn wora anyi na to. Amoso men shin nɛ an ya kaŋɛ basa nɛ b wɔ Jerusalɛm to na kusɔ nɛ Enyɛnpe, anyi be Ebɔrɛ na wora.”

Malakai 3:16

Ndoŋ nna nɛ bekama nɛ baa ŋana Enyɛnpe Ebɔrɛ na bee malga kumo be asheŋ nɛ Enyɛnpe na nu kusɔ nɛ b kaŋɛ na kikɛ nseŋ shin nɛ b sibɛ bumo nɛ baa ŋana mo nsaa sa mo bunyaŋ na be atre n wɔtɔ kawɔl to n nase kanyiŋi so.

1 Jɔn 1:3

Asɔ nɛ an wu nseŋ nu nɛ anyee ta a kaŋɛ menyi alɛ gba na, saŋɛ na so menyeeŋ tu anyi a wɔ kɔnɔkoŋwule be kebaawɔtɔ mo nɛ anyi nɛ Etuto Ebɔrɛ nɛ mo Pibinyɛn Yesu Kristo kɔ na to.