Nshɛ 66:13 - EBƆRƐ BE KAWƆL

^13-14 Meeŋ wora m bɛ kɔnɔ nɛ n nase n sa fo saŋɛ so nɛ n daa wɔ tɔrɔ to na so. Meeŋ ba lara sarga ashi fo bɔrɛlambu to n sa fo.

Nshɛ 66:13 ပူးပေါင်းရင်းမြစ်များ

Job be kawɔl 22:27

Ebɔrɛ beeŋ nu fo kabɔrɛkule, nɛ fo alɛ e wora m bɔlɔ nnɔ naseso nɛ fo nase n sa mo na so.

Nshɛ 100:4

Men bɔla mbe bɔrɛlambu na be mbunagboŋ to n luri mbe kelɔnɛ so m ba di mo epaŋ, nseŋ kpaŋ mo.

Nshɛ 116:14

Jemanɛ nɛ mbe basa kikɛ beeŋ shɛr abar so na nɛ meeŋ tia nnɔ nɛ n nase n sa mo na kikɛ.

Nshɛ 118:19

Men bugi kebaawɔtɔ niŋiso be mbunagboŋ n sa ma nɛ n luri to n di Enyɛnpe Ebɔrɛ na epaŋ.

Nshɛ 118:27

Enyɛnpe Ebɔrɛ na e la Ebɔrɛ, mo e shin nɛ mbe kefulto nyaŋɛ n yuu anyi so! Men shin nɛ an ta abii be ayabi ŋ keta enɔ to nseŋ bɛ abar so a ji eyur a kulti bɔrɛsure na.

Nshɛ 22:25

Saŋɛ nɛ ma nɛ fo basa shɛr na, nɛ meeŋ fur fo ŋkpal kusɔ nɛ fo wora so; nseŋ tia nnɔ nɛ n nase n sa fo na ashi bumo be anishito.

Nshɛ 56:12

Enyɛnpe ma Ebɔrɛ, meeŋ bɛ kɔnɔ nɛ n nase n sa fo na so. Meeŋ ta ma kechɔrɔ be kakɛ m bar fo.

Nshɛ 65:2

Ekama beeŋ ba fo kutɔ ŋkpal fo ka bee nu kekule so.

Kaŋinichiŋgeliŋ 5:4

Amoso nɛ fo baŋ nase kɔnɔ Ebɔrɛ be anishito, a daga fanɛ fo tia kumo manaŋ. Ŋkpal manɛ so, Ebɔrɛ be shɛŋ maa ji bewulpo to. Amoso baa wora a bɔlɔ fo nnɔ naseso so.

Jona 2:9

Ama ma ere beeŋ boŋ nshɛ n di fo, Enyɛnpe Ebɔrɛ na, epaŋ nseŋ lara sarga n sa fo. Meeŋ wora m bɔlɔ ma kɔnɔ naseso so, ŋkpal manɛ so, fo e kɔ eleŋ a tiŋ a mɔlga.”

Nahum 1:15

Judaebi, men keni, kabɔ ko kɔ baru lela n shi kebeegboŋ na so a ba! Kayurwushi be baru nɛ e kɔ a ba. Amoso men ji menyi be nchɛgboŋ nseŋ wora m bɔlɔ nnɔ nɛ men nase n sa Ebɔrɛ na so. Kumukpakpaso wuraana maaŋ naaŋ kɔ n sɔ menyi be kasawule kikɛ, ŋkpal manɛ so, b mur cheche kuraa.

Ditɛronɔmi 23:22

Nɛ esa maŋ nase Enyɛnpe Ebɔrɛ na kɔnɔ k maŋ la kulubi n sa mo.

Ditɛronɔmi 23:23

Ama nɛ esa nase kɔnɔ mbe keparso, a daga fanɛ e tia kumo, ŋkpal manɛ so, mannɛ esa ko e tintiŋ mo nɛ e nase kɔnɔ na.

Ditɛronɔmi 23:24

Nɛ menyi be eko bɔla esa ko be ndibi sɔrso be kudɔ to a choŋ, e beeŋ tiŋ n chuge asɔrso na be ako n ji kanaŋkamaso nɛ e bee sha, ama e sa maŋ chuge amo n wɔtɔ kusɔ to n yɔ.

Hibruwebi 13:15

Amoso, men shin nɛ an baa di Ebɔrɛ epaŋ saŋkikɛ fanɛ anyi be sarga mo nɛ anyee bɔla Yesu so a ta anyi be nnɔ a ji mbe ketre be eleŋ be shɛda na.

Demujipoana 11:35

E ka baŋ wu mo pibiche na nɛ e kpɛa mbe piŋi to a ŋini mbe kagbene ka jija mo ga nseŋ boŋ to ŋ kaŋɛ le: “O! M pibiche! Fo tɔrɔ ma n shin nɛ ma kagbene ji ebesa pasaa! Ŋkpal manɛ so, n nase kɔnɔ n sa Enyɛnpe Ebɔrɛ na nna. Ma alɛ maaŋ tiŋ ŋ kini kumo be kewora m bɔlɔ so!”