Nshɛ 65:5 - EBƆRƐ BE KAWƆL

⁵ An be Ebɔrɛ, fo mɔlga anyi, nɛ fo aworbi nɛ a bee keta kufu na shin nɛ an pin fanɛ fo nu kekule nɛ anyee kule a fin kashenteŋji na. Fo e naa sa durnya ere be basa kikɛ tama, hale bumo nɛ b wɔ teku be kaba nɛ anyi maŋ nyi na kikɛ gba.

Nshɛ 65:5 ပူးပေါင်းရင်းမြစ်များ

Nshɛ 107:23

Menyi to be beko be kebaawɔtɔ baa yil kebaa luri nchu so be ekuloŋgboŋ to a nite teku so a ji yawu so nna.

Nshɛ 145:17

Enyɛnpe Ebɔrɛ na be kesheŋ wora kikɛ niŋi nna, mo alɛ kɔ kasha nna n sa mbe asɔ to so kikɛ.

Nshɛ 22:27

Efuliana kikɛ so ebi beeŋ nyiŋi Enyɛnpe Ebɔrɛ na, nɛ basa e shi durnya be kaplɛkama, ŋ kilgi m bɛ mo so a bunyaŋ mo.

Nshɛ 36:9

Fo kutɔ nɛ ŋkpa kikɛ shi; nɛ fo kefulto bee bugi anyi be anishi nɛ anyee pin fo.

Nshɛ 45:4

Nseŋ dii fo kediiso bunyaŋ so ŋ kɔ m pɔɔ so a laŋɛ kashenteŋ nɛ kuwɔrwu nɛ keji asheŋ nɛ amo be ekpa so be kaplɛa so. Ta fo enɔjiso lempo na n wora asheŋ nɛ a bee mɔ kɔnɔ.

Nshɛ 66:3

Men kaŋɛ Ebɔrɛ fanɛ mbe aworbi kikɛ kɔ kufu nna, nɛ mbe eleŋgboŋ na bee shin nɛ mo doŋana bee chicha a jɔŋɛ mo ase kufuso.

Nshɛ 84:5

Kagbenefuli la bekama nɛ baa nya eleŋ fo kutɔ nsaa pere kenishi a yɔ Zayɔn be kebee so n ya kaa shuŋ fo na peya nna.

Nshɛ 85:4

O Ebɔrɛ nɛ fo la anyi be emɔlgapo, naŋ bɛta anyi m ba fo kutɔ, nsaa maŋ nya agbo n wɔtɔ anyi!

Aizaaya 37:36

Ade kikɛ be kaman nɛ Enyɛnpe Ebɔrɛ na shin nɛ mbe malaika yɔ Asiriya be basa be keeyi to n ya mɔ benapo ŋgboŋ kalfa nɛ aduburwa nɛ anu. Kare ka chɛ kachipurdidi, nɛ bumo kikɛ wu a dese!

Aizaaya 45:22

Mee pla enɔ a tre durnya kikɛ to be basa nna, nɛ b kilgi m ba ma kutɔ nseŋ nya kumɔlga. N nawule kpeŋ e la Ebɔrɛ a wɔtɔ.

Aizaaya 51:5

Meeŋ nya manaŋ m ba mɔlga bumo; ŋkpal manɛ so, ma kekɔmpɔɔso be jemanɛ taga to. Efuliana nɛ a wɔ keplasawule so kufɔ kufɔ na bee keni ma ekpa nna; ŋkpal manɛ so, baa tama fanɛ meeŋ baa mɔlga bumo nseŋ ji kuwura bumo so nna.

Aizaaya 60:5

Menyi alɛ beeŋ wu loŋ nɛ men be ŋgbene e fuli menyi ga. Kagbenefuli be ga beeŋ shin nɛ men baa chicha. Baaŋ sulɔ efuli pɔtɛana nɛ awɔ teku be kaba ndoŋ na be asɔ lela nɛ kanya m ba sa menyi.

Aizaaya 66:19

nseŋ pin fanɛ ma e naa gberge bumo kusoe. Ama meeŋ yige bumo be beko nseŋ yɛr bumo efuli pɔtɛana fanɛ Speen nɛ Libiya nɛ Tubal nɛ Griis nɛ nsawule nɛ a wɔ kufɔ kufɔ nɛ b maŋ naŋ nu ma asheŋ ŋko n wu ma keshi nɛ eleŋgboŋ na so. Baaŋ ya bɔ ma kemaŋkura nɛ keshi be kubɔya n sa ndoŋebi.

Zefanaiya 2:11

Enyɛnpe Ebɔrɛ na be asheŋ beeŋ pɛ bumo kufu, jemanɛ nɛ e beeŋ mur kasawule na so be agbirana kikɛ na. Efuliana nɛ a wɔ teku ase kikɛ be basa beeŋ bunyaŋ Enyɛnpe Ebɔrɛ na ashi bumo gbagba be nsawule so.

Heegai 2:23

Ama kaŋɛ ma kayɛrbi Zerubabel fanɛ ma, Enyɛnpetale Ebɔrɛ na e lara mo nɛ e ji kuwura ma ketre to.” Ma, Enyɛnpetale Ebɔrɛ na e malga na.

Zakareya 9:10

Enyɛnpe Ebɔrɛ na yɛ: “Meeŋ lara kena to be egbaŋɛturko nɛ egbaŋɛ ashi Israɛl be efuli so nɛ Jerusalɛm to. Ata nɛ b lɔŋɛ ŋkpal kena so na beeŋ buri to. Meeŋ bar kayurwushi efuliana na so, nɛ menyi be ewura e yili teku ko ase a ji kuwura n ya fo teku nyɔsopo ase. Mbe kuwurji beeŋ shi Yufreetes be Lɔr na ase n ya fo durnya be ekar kikɛ.”

Romebi 2:5

Ama ŋkpal fo kagbene ka du kpakpa a maa sha kechɛrga na so, fo wɔ fo alubi na to nna a shin nɛ Ebɔrɛ be agbo bee kaa a ti so a jo kachɛ nɛ mbe agbo nɛ mbe demuji kashenteŋ be ekpa so na bee lar efuli na.

Ditɛronɔmi 10:21

Men baa kpaŋ mo, ŋkpal manɛ so, mo e la menyi be Ebɔrɛ nɛ menyi alɛ gbagba wu asheŋgboŋ nɛ a bee mɔ kɔnɔ nɛ e wora kenishiso.

Ditɛronɔmi 4:34

Kegbir ko malɛ daŋ ber kagbene fanɛ k beeŋ ya lara basa ko ashi efuli ko so m ba ki kumo gbagba be basa fanɛ kananɛ Enyɛnpe Ebɔrɛ na wora ashi Ijipt be efuli so na a? Menyi gbagba be anishito nɛ Enyɛnpe Ebɔrɛ na bɔla mbe yukugboŋ nɛ eleŋ so n shin nɛ alɔ mɔso nɛ kena nɛ emamachisheŋ be yiri yiri wora nseŋ naŋ shin nɛ asheŋ nɛ a bee keta kufu wora nɛ men wu amo.

Kelaraŋŋini 16:5

Ndoŋ nna nɛ n nu malaika mo nɛ e daa kɔ nchuana na be eleŋ na ka kaŋɛ le: “Fo nɛ fo daa wɔtɔ nseŋ kraa wɔtɔ na, wora asheŋ m bɔla ekpa ashi le be demuji ere to.