Nshɛ 65:11 - EBƆRƐ BE KAWƆL

¹¹ Fo e naa shin nɛ adɔjibi bee wora nɛnɛ nɛ mpuro bee bɔlɔ a wurge.

Nshɛ 65:11 ပူးပေါင်းရင်းမြစ်များ

Job be kawɔl 36:28

Mo e naa shin nɛ bɔrɛwɔlpa bee ba bɔrɛchu damta a sa edimɛdi kikɛ.

Job be kawɔl 5:10

Mo e naa shin nɛ bɔrɛ bee ba nɛ adɔsawule bee nya kayul.

Nshɛ 103:4

nsaa kuŋ anyi ashi luwu to. Mbe kuwɔrwu nɛ kasha malɛ shi anyi so ga.

Nshɛ 104:13

Fo e naa shin nɛ bɔrɛchu bee shi awɔlpa so a ba abee so nɛ kasawule bee nya kayul nɛnɛ.

Nshɛ 104:3

Fo alɛ e pɔr fo kowu n shin nɛ tekugboŋ wɔ kumo be kaseto. Bɔrɛwɔlpa nɛ k bee bɔla afu so a nite na du fanɛ gbaŋɛturko nna n sa fo.

Nshɛ 25:10

E bee ji kashenteŋ nna nsaa kɔ kasha. E bee juŋkpar bekama nɛ baa wora asheŋ niŋiso nsaa wora mbe mbra kasonu nna.

Nshɛ 36:8

Fee wora kejigboŋ nna a sa fo befɔ ashi fo laŋ to. Fo kasha nɛ fo kɔ a sa anyi na baŋ anyi be nfɛra so.

Nshɛ 5:12

Enyɛnpe Ebɔrɛ, fee nɛfa bekama nɛ baa wora fo kasonu nsaa wora asɔ nɛ niŋi nna. Fee kuŋ bumo nna fanɛ kananɛ kebɛlso be kusɔ kuŋso bee kuŋ benapo na.

Nshɛ 68:10

Nɛ fo basa chena kumo so, nɛ fo sa bumo to be bumo nɛ b maŋ kɔ shɛŋ na kusɔ jiso.

Aŋasa 14:18

Ewulpo bee ji mbe kawuli be tɔnɔ nna, ama enyiashempo bre bee nya kenyi nna a ti so.

Jowɛl 2:14

Nɛ men lar men be alubi to ashere Enyɛnpe, men be Ebɔrɛ na beeŋ chɛrga mbe nfɛra nseŋ nɛfa menyi nɛ men be adɔjibi e wora nɛnɛ ga. Loŋ nɛ menyeeŋ tiŋ n nya adɔjibi nɛ asɔ nuuso n lara sarga n sa mo.

Heegai 2:19

Kashenteŋ nna fanɛ aboyu maŋ naa wɔtɔ nɛ ndibisɔrso na malɛ be kekama maŋ naŋ sɔr asɔrso kikɛ, ama yili kabre a yɔ meeŋ nɛfa menyi.”

Malakai 3:10

Men ta menyi be kudukudusopo kikɛ m ba Enyɛnpe Ebɔrɛ be lambu to, saŋɛ na so ajibi damta beeŋ baa wɔ ndoŋ. Men wora ma ŋ keni, nɛ m bugi Ebɔrɛso be etokuro n chulgi enɛfa be yiri yiri alegaiso n sa menyi nɛ menyi maaŋ nya kakpa gba n yili amo.

Romebi 11:17

B ka fɛta ɔlifs be kedibi fɛaso be keyabi nɛ k bee nya kekeni nseŋ ta menyi nɛ men du fanɛ ɔlifs be kukɔrbua n yuu n chɔga ɔlifs be kedibi na so nɛ menyee nu kedibi na be ebel ere,

Ditɛronɔmi 11:12

Enyɛnpe menyi be Ebɔrɛ na gbagba e naa keni kasawule na so kafɛ kikɛ.