Nshɛ 64:2 - EBƆRƐ BE KAWƆL

² Jande, kuŋ ma ashi kumukpakpaso wuraana nɛ basa lubi be katuŋ na be ŋkre nɛ baa kre ma na to.

Nshɛ 64:2 ပူးပေါင်းရင်းမြစ်များ

Jɛnesis 4:6

Ndoŋ nna nɛ Enyɛnpe Ebɔrɛ na bishi Keen le: “Manɛ e ba nɛ fo nya agbo n tiŋ to loŋ?

Nshɛ 143:9

O Enyɛnpe Ebɔrɛ, mɔlga ma ashi bedoŋ be enɔ to, ŋkpal manɛ so, fo kutɔ nɛ mee ba nsaa nya kekuŋ.

Nshɛ 2:2

Nɛ manɛ nna nɛ amo be bewura nɛ bejuŋkparpoana bee wora kɔnɔ a kini kenu n sa Enyɛnpe Ebɔrɛ nɛ mbe esa lara so na?

Nshɛ 27:5

Saŋɛ na so e beeŋ baa kuŋ ma tɔrɔ be jemanɛ; a ta ma a ŋana mbe bɔrɛlambu to. E beeŋ ta ma n yili kefaltagboŋ so, nɛ n nya kekuŋ.

Nshɛ 3:1

N nyɛnpe Ebɔrɛ, ŋ kɔ bedoŋ damta ga. Basa damta e naa kɔ ma.

Nshɛ 31:20

Fee kuŋ bumo ashi basa nɛ baa kre bumo ŋkre lubi be enɔ to nna, nsaa ta bumo a gelge katege nɛ asheŋ nɛ bedoŋ bee ku a deŋi bumo.

Nshɛ 56:6

Baa ŋana a pugi nna a kɔ ma. Baa dara keya kama nɛ n tia nna, a fin kananɛ baa nya ma m mɔ.

Nshɛ 59:2

Kuŋ ma ashi kumukpakpasowuraana nɛ baa fin ma nɛ b mɔ na kutɔ.

Aizaaya 32:2

Ewura na nɛ benimuana na beeŋ baa du fanɛ kusɔ kuŋ afu nɛ kakpa nɛ esa beeŋ shile n ya ŋana bɔrɛfu so nna. Bumo alɛ beeŋ baa du fanɛ mbombi ashi kiyi to nɛ kefaltagboŋ nɛ k bee kuŋ epeŋi a sa kayul.

Jɛremaya 11:19

N daa du fanɛ kpakpafɔlbi nɛ e du boeŋ nɛ b kɔ a yɔ nɛ b ya mɔ nna. N daa maŋ nyi fanɛ ma so nɛ b daa kre asheŋ lubi na. Le nɛ b daa kaŋɛ a laŋɛ ma kaplɛa so: “Men shin nɛ an mɔ mo nseŋ lara mo ashi basa keniso to, saŋɛ na so esa kikɛ maaŋ naa nyiŋi mbe asheŋ.”

Jɛremaya 18:19

Ndoŋ nna nɛ Jɛremaya kule Ebɔrɛ ŋ kaŋɛ le: “Enyɛnpe Ebɔrɛ, nu kusɔ nɛ mee kaŋɛ fo ere nseŋ naŋ nu kusɔ nɛ ma doŋana bee malga a laŋɛ ma kaplɛa so.

Jɛremaya 18:23

Ama Enyɛnpe Ebɔrɛ, fo nyi ejina nɛ b to a laŋɛ ma kemɔ be kaplɛa so be asheŋ. Amoso nya agbo n wora bumo nsaa maŋ ta bumo be alubi m paŋ bumo. Shin nɛ b kɔ n tɔr.”

Ashuŋ Shunso 24:9

Ndoŋ nna nɛ Juwebi na kikɛ shuli n chɛ Tetales to ŋ kaŋɛ fanɛ alubi nɛ b kaŋɛ fanɛ Pɔɔl wora na kikɛ la kashenteŋ nna.

Ashuŋ Shunso 25:3

Kumo be kaman nɛ b kule Fɛstes fanɛ e wora ania n chɛ bumo to n shin nɛ Pɔɔl e ba Jerusalɛm. B ka daŋ kre Pɔɔl be kemɔ ekpa to be nia so nɛ b daŋ kaŋɛ loŋ na.