Nshɛ 62:5 - EBƆRƐ BE KAWƆL

⁵ Enyɛnpe Ebɔrɛ na nawule e naa sa kagbenewushi; amoso mo so nɛ ma tama yil so.

Nshɛ 62:5 ပူးပေါင်းရင်းမြစ်များ

Nshɛ 104:1

Ma kagbene kikɛ nɛ n ta a kpaŋ fo, Enyɛnpe Ebɔrɛ na, ŋkpal manɛ so, kemaŋkuragboŋ nɛ kela kikɛ buu fo fanɛ kuwurpiŋi nna,

Nshɛ 104:35

Shin nɛ alubiworapoana kikɛ e mur ashi kasawule ere so, n shin nɛ kumukpakpasowuraana e sa maŋ naa wɔtɔ kuraa. Meeŋ kpaŋ fo Enyɛnpe Ebɔrɛ na ashi ma kagbene to kikɛ.

Nshɛ 146:1

Men baa kpaŋ Enyɛnpe Ebɔrɛ na! Meeŋ ta ma kagbene kikɛ ŋ kpaŋ Enyɛnpe Ebɔrɛ na!

Nshɛ 37:34

Ta fo yirda n wɔtɔ Enyɛnpe na to, nsaa bɛ mo so. E beeŋ shin nɛ fo chena kasawule ere so n wu kananɛ belubiworapo beeŋ mur.

Nshɛ 39:7

Naniere, Enyɛnpe Ebɔrɛ, manɛ bre nɛ n naa fin? Ma tama deŋ fo so nna.

Nshɛ 42:11

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo; ma alɛ kraŋ beeŋ di fo epaŋ ŋkpal fo ka chɛ ma to so. Fo e la ma Ebɔrɛ.

Nshɛ 42:5

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo; ma alɛ kraŋ beeŋ di fo epaŋ ŋkpal fo ka chɛ ma to so.

Nshɛ 43:5

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo, ma alɛ kraŋ beeŋ di fo epaŋ ŋkpal fo ka chɛ ma to so. Fo alɛ e la ma Ebɔrɛ.

Nshɛ 71:5

O Enyɛnpetale Ebɔrɛ, fo e la ma tama kikɛ, ma kebifɔlbi to kikɛ nɛ n ta yirda n deŋi fo so.

Jɛremaya 17:17

N yirda fo nna nɛ fo baa kuŋ ma tɔrɔ be jemanɛ. Amoso sa maŋ shin nɛ m baa lɔ kufu.

Jɛremaya 9:7

Ŋkpal loŋ so nɛ Enyɛnpetale Ebɔrɛ na kaŋɛ le; “Ma basa teŋ wora alubi n da ma so. Manɛ nɛ meeŋ wora bumo nɛ mannɛ kelɔŋɛ bumo so fanɛ kananɛ baa lɔŋɛ kebɛlso so na?

Jɛremaya 9:8

Bumo be adonduloŋ du fanɛ atanyembi nɛ e kɔ kɔrtɔ nɛ k bee mɔ nna. Jemanɛ kikɛ baa ku efɛ nna. Ekama bee malga kelɔpo so nna a sa mbe echenashapo, ama kejigbelɛ nɛ e bee sho a nase nɛ e tɔr to na.

Maika 7:7

Ama ma ere bee keni Enyɛnpe Ebɔrɛ na be anishito nna nseŋ ta tama a jo mo nɛ e mɔlga ma. Ma Ebɔrɛ na malɛ beeŋ nu ma kekule.

Habakuk 2:3

Ŋkpal manɛ so, kelaraŋŋini ere bee jo kumo be jemanɛ nna. Kusɔ nɛ k beeŋ wora lalaloge be nchɛ to na be asheŋ nɛ k bee ji. Kumo alɛ maaŋ baa la efɛsheŋ kikɛ. Kewora fanɛ k bee chɛr nna, ama baa kraa jo. Kanaŋ kama nɛ asheŋ du k beeŋ wora m bɔlɔ so.

Zefanaiya 3:8

Menyi ere e jo a keni kachɛ nɛ meeŋ wu efuliana na kulubi nseŋ ji amo demu na. N tiŋ n yili kumo fanɛ meeŋ gama efuliana na nɛ kuwurjiana kikɛ abar so nseŋ shin nɛ ma agbo nɛ k bee suse fanɛ edɛ na e ba bumo so. Meeŋ nya agbo ga m mur durnya ere kikɛ.

Filipaiebi 1:20

Kusɔ nɛ m baa sha ga nsaa tama e la fanɛ m maaŋ pɔ aba ashi ma kushuŋ to, ama saŋkama, fɔnfɔŋ naniere meeŋ baa kɔ kenyɛn nɛnɛ, saŋɛ na so nɛ n wu nna ŋko n wɔ ŋkpa to nna meeŋ ta ma eyur ere kikɛ m bar Yesu Kristo bunyaŋ.