Nshɛ 62:3 - EBƆRƐ BE KAWƆL

³ Nchɛ afanɛ nɛ menyeeŋ ta m bri esa? Menyeeŋ yili egbal nɛ k kulti ere so n ta mo n lɛ to a?

Nshɛ 62:3 ပူးပေါင်းရင်းမြစ်များ

Nshɛ 125:1

Bekama nɛ b yirda Enyɛnpe Ebɔrɛ na, du fanɛ Zayɔn be kebee na nna ashi Jerusalɛm to, nɛ k maa gbuŋgbuŋ na nna. K yil nna mbaanaayɔ.

Nshɛ 140:2

Ŋkre lubi e wɔ bumo be ŋgbene to, nɛ baa bar kebagato karechɛ kikɛ.

Nshɛ 16:8

Enyɛnpe Ebɔrɛ na be asheŋ deŋ ma kagbene so nna saŋkama. Ŋkpal e ka taga ma to so, shɛŋ shɛŋ maa keta ma kufu.

Nshɛ 18:3

Meeŋ di Enyɛnpe Ebɔrɛ na epaŋ; ŋkpal e ka mɔlga ma ashi ma doŋana be enɔ to.

Nshɛ 21:11

Kanaŋkama so nɛ b kre fo ŋkre lubi gba; b maaŋ tiŋ m pɔɔ fo so kikɛ.

Nshɛ 38:12

Bumo nɛ baa fin ma luwu bee sho ma ajigbelɛ nna; nɛ bumo nɛ baa fin ma nɛ b jija malɛ bee kre ma ŋkre lubi karechɛ kikɛ.

Nshɛ 4:2

Saŋɛ mo nɛ menyi basa ere beeŋ yige ma katege? Saŋɛ mo nɛ menyeeŋ yige asheŋ fuloŋ be kasha, nɛ kebaaju a buu efɛ so?

Nshɛ 82:2

“A maŋ daga men baa ji demu a kpɛa beko to; men sa maa ji a chɛ kumukpakpaso wuraana to!

Ɛksodɔs 10:3

Ndoŋ nna nɛ Mosis nɛ Ɛɛrɔn naŋ yɔ Fɛɛro kutɔ n ya kaŋɛ mo fanɛ Enyɛnpe Ebɔrɛ, Israɛlebi be Ebɔrɛ na yɛ: “Shin nɛ ma basa e yɔ, saŋɛ na so, baaŋ ya bunyaŋ ma.

Ɛksodɔs 16:28

Ndoŋ nna nɛ Enyɛnpe Ebɔrɛ bishi Mosis: “Manɛ nna nɛ men wɔtɔ a kini kebɛ ma mbraana so?

Aŋasa 1:22

“Ewulpo, fee sha fanɛ fo baa la ewulpo saŋkikɛ nna nsaa keni kenyi jiga a? Fo kini kenyi be kekoya nna a? Saŋɛ mo nɛ feeŋ fara a koya asheŋ?

Aŋasa 6:9

Etɔlpo, nuso be ewushi nɛ fee sha nɛ fo wushi? Saŋɛ mo nɛ feeŋ tiŋi edi to ŋ koso n shuŋ?

Jɛremaya 4:14

Jerusalɛm to ebi, men lara asheŋ lubi men be ŋgbene to nseŋ yige nfɛra lubi be kebaafɛ, saŋɛ na so menyi beeŋ nya kumɔlga.

Hoziya 7:15

Ma e bela bumo n shin nɛ b nya eleŋ, ama baa wu ma kulubi nna.

Matiu 17:17

Nɛ Yesu bishi bebɛsopo na: “O menyi mbreebi, nuso be basa lubi e la menyi nɛ men maŋ kɔ yirda ere bre? Nuso be kechɛr nɛ menyee sha fanɛ n chɛr menyi kutɔ? Nɛ nuso be kanyiti nɛ menyee sha fanɛ n naŋ ta ŋ keta menyi? Men bar kebia na ma kutɔ nfe.”

Ashuŋ Shunso 24:9

Ndoŋ nna nɛ Juwebi na kikɛ shuli n chɛ Tetales to ŋ kaŋɛ fanɛ alubi nɛ b kaŋɛ fanɛ Pɔɔl wora na kikɛ la kashenteŋ nna.

1 Samuɛl 26:10

Enyɛnpe Ebɔrɛ nɛ e la ma shɛdajipo ere be ketre to, n nyi fanɛ mo ere Enyɛnpe Ebɔrɛ na gbagba beeŋ shin nɛ Sɔɔl e wu saŋɛ ŋko kachɛ nɛ e yili n sa mo ŋko n shin nɛ b mɔ mo kena to.