Nshɛ 62:10 - EBƆRƐ BE KAWƆL

¹⁰ Sa maŋ ta fo tama n deŋi kapuni be asɔ so, ŋko a wu fo kumu ŋkpal kayu be asɔ so. Loŋ beeŋ tiŋ n sa fo asɔ damta, ama sa maŋ ta fo kagbene n deŋi amo so.

Nshɛ 62:10 ပူးပေါင်းရင်းမြစ်များ

Job be kawɔl 20:29

Kusɔ nɛ Ebɔrɛ kre n yili n sa kumukpakpaso wuraana nna na.”

Nshɛ 39:6

K bee choŋ manaŋ manaŋ nna fanɛ kiyoyul na. Awurfoŋ nɛ anyee ji ere kikɛ la fuloŋ nna. Anyee fin asɔ nna a deŋi abar so a yili nsaa maŋ nyi esa nɛ e beeŋ ba ji amo be kapetɛ kachako so.

Nshɛ 4:3

Men nyi fanɛ Enyɛnpe Ebɔrɛ na, ta basa nɛ baa wora asheŋ niŋiso nna ŋ ki mbe mbia; saŋkama nɛ n shu n tre mo, e bee nu ma kekule nna.

Nshɛ 49:6

Bumo ere yirda asɔ nɛ b kɔ nna nsaa puchi ŋkpal bumo be kedamaya so.

Nshɛ 52:7

“Men keni basa nɛ b kini keta bumo be yirda n deŋi Ebɔrɛ so, nseŋ ta bumo be yirda n deŋi bumo be kedamaya nɛ asheŋ lubi be kewora so na.”

Nshɛ 91:14

Enyɛnpe Ebɔrɛ yɛ: “Nɛ fee sha ma nsaa nyi esa nɛ e la ma kashenteŋto, meeŋ mɔlga fo nsaa kuŋ fo.

Aŋasa 23:5

Ŋkpal manɛ so fo amansherbi beeŋ tiŋ n loge epul to, fanɛ kananɛ kusore beeŋ yili epul to n firgi n choŋ na.

Aizaaya 28:15

Menyee ka kaŋɛ fanɛ menyi ere nɛ luwu wora kɔnɔ nna, nɛ menyi nɛ basa nɛ b wu n yɔ bubuni to be nnɔ wora kukoŋwule. Men yirda fanɛ jɛrbi kama nɛ k beeŋ ba maaŋ wora menyi shɛŋ ŋkpal efɛ nɛ kafule be kebaawɔtɔ nɛ men wɔtɔ na so.

Aizaaya 30:12

Ama kusɔ nɛ Israɛl be Ebɔrɛ cheembi na kaŋɛ nde: “Men kplaŋ kusɔ nɛ ŋ kaŋɛ menyi so nseŋ ta menyi be yirda n deŋi kanyaŋ nɛ efɛsheŋ so.

Aizaaya 40:15

Efuliana na maŋ la shɛŋ Enyɛnpe Ebɔrɛ bre kutɔ, a du fanɛ nchu ka do bokiti nɛ nchu to nna; ŋko kalabɛr nɛ a deŋ kusɔ nɛ b kɔ a karga asɔ be egbɛ so nna. Aplasawule nɛ e wɔ kufɔ kufɔ na kikɛ du fanɛ enɔ be bɔlɔ be eshishɛr nna.

Aizaaya 40:17

Efuliana na kikɛ maŋ la shɛŋ n sa Ebɔrɛ, mo ere bee ta amo nna fanɛ asɔ fuloŋ.

Aizaaya 47:10

Men daŋ ta asheŋ lubi be kewora nna fanɛ kebɛlso be kusɔ kuŋkumuso a kaŋɛ le: ‘Esa kama maa wu anyi!’ Men be kanyiasheŋ nɛ kashennyi e fule menyi, nɛ men yirda fanɛ men nawule e baa la ashi durnya to, esa kikɛ maŋ naa du fanɛ menyi.

Aizaaya 59:4

Men baŋ yɛra asheŋ demujikpa gba, men maa nya kashenteŋ ashi menyi be edemu be keji to. Efɛ nɛ menyee ku a ji lar edemuji na to. Basa be keji awurfoŋ be ŋkre e wɔ menyi to nɛ menyee wora a bɔlɔ so.

Aizaaya 61:8

Ŋkpal manɛ so, Enyɛnpe Ebɔrɛ na bee sha kebaawora asheŋ nɛ amo be ekpa so nna. Ama kasuge nɛ kapuni bre, e kishi amo. Mo e nase mbe basa kɔnɔ kashenteŋto fanɛ e beeŋ nɛfa bumo mbaanaayɔ na.

Jɛremaya 13:25

E yɛ kusɔ nɛ k beeŋ nya menyi nna na. Kusɔ nɛ e kre kewora fo basa nna na, ŋkpal b ka teŋ mo so nseŋ yirda agbirana nɛ e maŋ kɔ kashenteŋ so.

Jɛremaya 17:11

Esa kama nɛ e bee puni a nya amansherbi du fanɛ kabuibi nɛ e bee pugi afule nɛ e maŋ to so nna. Jemanɛ nɛ e beeŋ daŋ n yili na nɛ e beeŋ paŋ amansherbi na, kumo be lalaloge nɛ e ki fanɛ ewulpo.

Maak 10:23

Ndoŋ nna nɛ Yesu kilgi ŋ keni mbe bebɛsopo na nseŋ kaŋɛ bumo: “Kashenteŋto, a beeŋ nu damawuraana ga pɔɛŋ nɛ b luri Ebɔrɛ be kuwura na to.”

1 Timoti 6:10

Ŋkpal manɛ so, amansherbi be kasha ga to nɛ kulubi be yiri kikɛ bee shi. Ŋkpal amansherbi be kasha ga so basa ko foe yirda be ekpa na so n luri kagbenejija damta to.

1 Timoti 6:17

Ŋini bumo nɛ b kɔ dama durnya ere to na fanɛ b sa maa wu bumo be amu ŋko a ta bumo be yirda a deŋi bumo be asɔ so, ŋkpal manɛ so, esa kikɛ maaŋ tiŋ m pin kananɛ mbe asɔ beeŋ chɛr a wɔ mo kutɔ. Kusɔ nɛ k daga damawuraana ka wora e la b ka yirda Ebɔrɛ, ŋkpal manɛ so, mo e naa bugi kagbene a kɛ anyi asɔ yɛlyɛla so nɛ an baa ta a wushi an be ŋgbene.