Nshɛ 62:1 - EBƆRƐ BE KAWƆL

¹ Enyɛnpe Ebɔrɛ na to nɛ ma kiyoyu bee nya ewushi. Mo nawule e naa mɔlga ma.

Nshɛ 62:1 ပူးပေါင်းရင်းမြစ်များ

1 Kronikɛls 25:1

Ewura Deevid nɛ Livaiebi be bejuŋkparpoana daŋ lara Asaf nɛ Heman nɛ Jedutum nna fanɛ b baa la bɔrɛlambu to be beshɛbompo. Bumo e naŋ baa laŋ ejaŋjilaŋ nɛ echakachaka nɛ egoji a maŋkura Ebɔrɛ nsaa juŋkpar basa a bunyaŋ Ebɔrɛ. Basa nɛ b lara fanɛ b baa juŋkpar basa a bunyaŋ Ebɔrɛ na be atre nde.

1 Kronikɛls 25:3

Jedutum malɛ e daa juŋkpar mbe mbinyɛnsobi ashe nɛ baa laŋ ejaŋjilaŋ nsaa boŋ nshɛ a maŋkura Enyɛnpe Ebɔrɛ na. Bumo e daa la Gedaliya nɛ Zeeri nɛ Jeshaya nɛ Shimei nɛ Hashabia nɛ Matatiya.

Nshɛ 121:2

Ma kechɛto bee shi Enyɛnpe Ebɔrɛ nɛ e to esoso nɛ kasawule na kutɔ nna.

Nshɛ 123:2

Mbita bee keni bumo b bechepeana be anishito nna. Ama anyi ere bee keni fo, Enyɛnpe, anyi be Ebɔrɛ na, nɛ fo wu anyi kuwɔr nna.

Nshɛ 25:5

Ta fo kashenteŋ na n ŋini ma ekpa. Ŋkpal manɛ so, fo e la Ebɔrɛ a mɔlga ma, nɛ ma tama deŋ fo so saŋkikɛ.

Nshɛ 27:14

Yirda Enyɛnpe Ebɔrɛ na. Baa kɔ eleŋ nseŋ nya kagbene a keni mbe anishito.

Nshɛ 33:20

Enyɛnpe Ebɔrɛ na to nɛ anyi be tama wɔ. Mo e la anyi be ekumpo nɛ echɛtopo.

Nshɛ 37:39

Enyɛnpe Ebɔrɛ na e naa kuŋ mbe basa, nsaa mɔlga bumo tɔrɔ be saŋɛ.

Nshɛ 37:7

Baa kɔ kanyiti a jo Enyɛnpe be saŋɛ. Sa maŋ shin nɛ k baa tɔrɔ fo ŋkpal asheŋ ka bee nite nɛnɛ a sa belubiworapo so.

Nshɛ 39:1

Ŋ kaŋɛ fanɛ meeŋ baa de so, nɛ ma kudonduloŋ maaŋ wora alubi. N yɛ, meeŋ kre ma kɔnɔ so, saŋɛ nɛ ma nɛ basa lubi wɔtɔ na.

Nshɛ 40:1

N ta kanyiti nna n jo Enyɛnpe Ebɔrɛ na fanɛ e chɛ ma to, nɛ e nu ma kekule nseŋ chɛ ma to.

Nshɛ 62:2

Mo e la kefaltagboŋ nɛ emɔlgapo. Mo e la ma ekuŋkpa lempo a kuŋ ma.

Nshɛ 65:1

Anyi be Ebɔrɛ, k daga fanɛ an fur fo ashi Zayɔn to. Ndoŋ nɛ anyeeŋ bɛ nnɔ nɛ an nase n sa fo na so.

Nshɛ 77:1

N shu n tre Ebɔrɛ nna a fin kechɛto. Ŋ ka shu n tre mo, nɛ e nu ma kushu na.

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Aizaaya 30:18

Ama amo nɛ amo kikɛ Enyɛnpe Ebɔrɛ na kraa jo nɛ e wu menyi kuwɔr nna. E wora shiriya nɛ e shu menyi so ŋkpal e kaa bee wora asheŋ nɛ a daga jemanɛ kikɛ na so. Kagbenefuli la bekama nɛ bumo be yirda wɔ Enyɛnpe Ebɔrɛ na to na peya nna.

Aizaaya 40:31

Ama bekama nɛ b yirda Enyɛnpe Ebɔrɛ na beeŋ nya eleŋ popɔr. Baaŋ ber atɛ to ŋ koso n firgi n yɔ awɔlto fanɛ ejɔnɔkoso; bumo alɛ beeŋ shile ga, ama b maaŋ gben a chul to; baaŋ nite ekpa tenteŋ, ama b maaŋ gben m bɛlɛ.

Jɛremaya 3:23

Nnyamase be agbirana nɛ an shuŋ abee be awɔlto na bre maŋ chɛ anyi to kuraa. Kechɛ to nɛ Israɛl be basa bee nya kikɛ bee shi Enyɛnpe anyi be Ebɔrɛ na kutɔ nna.

Nfabel 3:25

Enyɛnpe Ebɔrɛ na la esa nna n sa ekama nɛ e ta mbe yirda n wɔtɔ mo to nsaa wora mo kasonu.

Nfabel 3:38

Kulubi nɛ kelela be ketiŋ wora kikɛ yil kusɔ nɛ Enyɛnpetale Ebɔrɛ na yili so nna.

Jeems 5:7

Ŋ kurgepoana, ŋkpal le so, men baa ji kanyiti a jo saŋɛ nɛ an Nyɛnpe beeŋ naŋ bɛta m ba na. An ta fanɛ edɔpo ŋ keni kananɛ e bee kaa ji kanyiti. E bee kaa jo nna le nɛ bɔrɛ e ba nɛ mbe asɔ e kɔr n daŋ n wora nɛ e teŋi amo be alela na.