Nshɛ 61:7 - EBƆRƐ BE KAWƆL

⁷ Shin nɛ e baa ji kuwura fo anishito mbaanaayɔ nɛ fo kasha nɛ kashenteŋji e baa kuŋ mo.

Nshɛ 61:7 ပူးပေါင်းရင်းမြစ်များ

Jɛnesis 24:27

ŋ kaŋɛ: “Kapandi e baa la Enyɛnpetale n nyɛnpe Eebraham be Ebɔrɛ na peya, ŋkpal manɛ so e maŋ teŋ mbe kelela be kɔnɔ naseso nɛ e sa n nyɛnpe na so. Mo e juŋkpar ma le m ba luri n nyɛnpe mo kurgepoana gbagba pe.”

Jɛnesis 32:10

N nyi ŋ ka maŋ daga kuwɔrwu nɛ kashenteŋji nɛ fo wu ma fo kenya ere kikɛ. Kekpabi nawule nɛ n daŋ ta n dii Jɔɔdan be lɔr ere n yɔ n wɔpa kutɔ, ama kabre m bɛta a ba nɛ basa nɛ asɔbɔya damta.

2 Samuɛl 7:26

Fo ketre beeŋ dii n sɔ kaplɛkama nɛ basa e baa kaŋɛ saŋkama fanɛ, fo e la Enyɛnpetale nɛ fo la Israɛl be Ebɔrɛ na. Ma alɛ be kanaŋ ere to nɛ feeŋ baa lara bewura saŋkama.

Nshɛ 21:5

E nya bunyaŋ gboŋgboŋi ŋkpal kechɛto nɛ fo sa mo na so. Fo shin nɛ e nya ketre nɛ eleŋ.

Nshɛ 40:11

Enyɛnpe Ebɔrɛ, n nyi fo ka maaŋ yige kebaawu ma kuwɔr. Fo kasha nɛ k maa chɛrga na nɛ fo kashenteŋji e naa kuŋ ma saŋkama.

Nshɛ 41:12

Ŋkpal ŋ kaa bee wora asheŋ niŋiso so, feeŋ chɛ ma to, nseŋ shin nɛ m baa wɔ fo kutɔ saŋkama.

Nshɛ 43:3

Shin nɛ fo kefulto nɛ k bee shin nɛ mee pin fo na, nɛ fo kashenteŋ na e baa ŋini ma fo ekpa na. Shin nɛ a baa juŋkpar ma a ba fo lambu nɛ fo wɔ kumo to ashi kebee cheembi nɛ baa tre Zayɔn nɛ k wɔ Jerusalɛm na to.

Nshɛ 57:3

Feeŋ shin nɛ kechɛto e shi ebɔrɛso m ba sɔ ma n yige. Nseŋ shin nɛ tɔrɔ e tɔr bumo nɛ baa kɔ ma kenishipereso na bre so. Fo la eshinteŋjipo nɛ esa beeŋ tiŋ n yirda nna.

Aŋasa 20:28

Kashenteŋji nɛ kasha e naa shin nɛ bewura bee ji a chɛr.

Maika 7:20

Feeŋ lara fo kashenteŋji nɛ kasha nɛ k maa loge na ŋ ŋini fo basa nɛ b la an nananyɛnana Eebraham nɛ Jeekɔb be kaman to ebi na, fanɛ kananɛ fo chɛr n nase kumo be kɔnɔ n sa bumo na.

Luuk 1:33

E beeŋ ba ki Jeekɔb be kanaŋ to be Ewura mbaanaayɔ. Mbe kuwura maaŋ loge kikɛ.”

Hibruwebi 9:24

Ŋkpal manɛ so, mannɛ lambu cheembi nɛ dimɛdi gbagba daŋ wora nɛ k daŋ duli lambu cheembi gbagba na to nɛ Kristo daŋ luri. Ebɔrɛso gbagba nɛ e daŋ luri n ya kaa yil naniere anyi be katelamu to a shuŋ Ebɔrɛ be anishito.