1 Enyɛnpe Ebɔrɛ, jande nu ma kushu nɛ ma kabɔrɛkule!
Nu ma kekule, nseŋ wu ma kuwɔr n chɛ ma to!
O Enyɛnpe Ebɔrɛ, nu ma kekule ere; ŋkpal ŋ ka maŋ wora n da so so, Nu ma kushu. Kaŋ kusoe n nu ma kabɔrɛkule. Mannɛ efɛ be kudonduloŋ to nɛ k shi.
Jande, nu ma kekule, saŋɛ so nɛ m maŋ ma enɔana so n shoŋi fo bɔrɛlambu cheembi na a bunyaŋ fo nsaa kule fo, a fin kechɛto ere.
Enyɛnpe Ebɔrɛ nɛ fo la ma ekumpo, nu ma kekule. N daa wɔ tɔrɔ to nna nɛ fo chɛ ma to. Amoso wu ma kuwɔr nseŋ nu ma kekule.
Enyɛnpe Ebɔrɛ, ta fo eleŋ na m mɔlga ma, ŋ ŋini fanɛ m maŋ wora n jija.
Enyɛnpe Ebɔrɛ, sa maŋ nya agbo ŋ kaŋɛ fanɛ n wora n jija, nseŋ gberge ma kusoe agbo so.
Enyɛnpe Ebɔrɛ, nu ma nfubel, nseŋ kuŋ ma ashi bedoŋ be enɔ to.
O Enyɛnpe Ebɔrɛ, kaŋ kusoe n nu ma kabɔrɛkule, nseŋ wu ma kuwɔr n chɛ ma to.
Men sa maa fɔŋ kusɔ kama so men be kebaawɔtɔ to, ama kusɔ kama to men baa kaŋɛ Ebɔrɛ men be asheŋ tirso be asheŋ a kule mo fanɛ e chɛ menyi to nsaa chɔrɔ mo.
