Nshɛ 60:6 - EBƆRƐ BE KAWƆL

⁶ An Nyɛnpe nɛ anyi be Ebɔrɛ, fo nase kɔnɔ fanɛ feeŋ barga kadegboŋ nɛ baa tre Shɛkim na to, nseŋ chige ketaŋɛ nɛ baa tre Sukɔf na to.

Nshɛ 60:6 ပူးပေါင်းရင်းမြစ်များ

Jɛnesis 12:6

B ka ya fo Keenan nɛ Eebram nite ŋ kulti kasawule na so hale n ya fo More be kedibigboŋ na ase, ashi Shɛkɛm. Kumo be saŋɛ malɛ nɛ Keenanebi kraa tase kasawule na so.

2 Samuɛl 3:18

Naniere bre men nya loŋ be ekpa. Men baa nyiŋi kusɔ nɛ Ebɔrɛ kaŋɛ na.” E yɛ: “Meeŋ bɔla ma kayɛrbi Deevid so m mɔlga ma basa Israɛlebi ashi bumo doŋana kutɔ, fɔŋfɔŋ Filisti be basa na.”

Nshɛ 119:162

Fo nnɔ naseso bee fuli ma kagbene nna fanɛ esa nɛ e nya yawu kpakpaso be asɔ lela kena to nna.

Nshɛ 132:11

Fo e daŋ bɔ ntaŋ n nase kɔnɔ n sa mo; kumo alɛ la kɔnɔ naseso nɛ feeŋ wora m bɔlɔ so nna. Fo yɛ: “Jemanɛ kikɛ meeŋ shin nɛ fo kaman to ebi e baa ji kuwura.

Nshɛ 56:4

Meeŋ fur fo ŋkpal fo kɔnɔ naseso so. N yirda fo, amoso kufu maŋ kɔ ma. Manɛ nɛ dimɛdi beeŋ tiŋ n wora ma?

Nshɛ 89:19

Le nɛ fo daŋ bɔla bɔrɛdare to ŋ kaŋɛ fo bebɛsopo nɛ baa ji kashenteŋ a sa fo na: “Ma e naa sa enapo eleŋ. Ma alɛ e ta kuwurputi na n sa esa nɛ ŋ gbagba lara ashi ma basa to.

Nshɛ 89:35

Kelekoŋwule pati nɛ n ta ma Ketre cheembi na m bɔ ntaŋ fanɛ, m maaŋ ku efɛ n sa Deevid kikɛ.

Jɛremaya 23:9

M baa fɛ kusɔ nɛ anebiana na be asheŋ, k bee chinchiŋ ma nna nsaa shin nɛ mee chicha fanɛ esa nɛ e nuu nsa m boo m baŋ so; ŋkpal Enyɛnpe Ebɔrɛ nɛ mbe mmalga cheembi na so.

Eemɔs 4:2

Le nɛ Enyɛnpetale cheembi na nase kɔnɔ ŋ kaŋɛ: “Kachako bedoŋ beeŋ ta akɔltobi ŋ gberge menyi n yɔ. Baaŋ pɛ menyi be ekama fanɛ kekɔltobi ka pɛ kɔrɔtɔ na.

Joshuwa 1:6

Leŋ fo kumu to nsaa kɔ kagbene, ŋkpal manɛ so, fo e naaŋ juŋkpar basa ere n ya sɔ kasawule nɛ n nase kɔnɔ fanɛ meeŋ ta n sa bumo nananyɛnana na.

Joshuwa 13:27

n ta Bɛf Haraam, nɛ Bɛfnimra, nɛ Sukɔf nɛ Zafɔn nɛ a wɔ Jɔɔdan be ketaŋɛ na to na, nɛ ewura Sihɔn ashi Hishbɔn be efuli be kaba nɛ k ka na. Bumo be epeŋitɔrkpa be kaba so be kasawule be ekar daŋ yili Jɔɔdan be lɔr na nna n ya fo kelargato be esoso ashi Galili be teku na.

Joshuwa 17:7

Manase be kasawule daŋ yili Ashɛr nna n ya fo Mikmetaf nɛ k wɔ Shɛkɛm be epeŋilarkpa na. K daŋ yili ndoŋ nna n dese n ya fo kelargato be kaseto be kaba so be kakpa nɛ Entapuwa be basa wɔ na.

Joshuwa 20:7

Amoso nde nɛ b lara ashi Jɔɔdan be lɔr na be epeŋitɔrkpa e daa la Kadɛsh nɛ k wɔ Galili ashi Naftali be abee be efuli so na nɛ Shɛkɛm nɛ kumo alɛ wɔ Efrayim be abee be efuli so na, nɛ Hibrɔn nɛ k wɔ Juda be abee be efuli so na.

Joshuwa 24:1

Ndoŋ nna nɛ Joshuwa tre Israɛl be eyiriana na kikɛ m ba Shɛchem. Bumo be benimuana nɛ bejuŋkparpo nɛ demujipoana nɛ ekrachiana nɛ e daŋ tre m ba Ebɔrɛ be anishito

Joshuwa 24:32

Kasawule nɛ Jeekɔb daŋ tɔ Shɛchem pibi Hamɔn be mbia kutɔ gbiti be ndarbi kalfa na so nɛ Israɛlebi na daŋ ta Josɛf be awibi ashi Ijipt m ba puli. Josɛf be kanaŋ to ebi e naa ji kasawule na be kapetɛ.