Nshɛ 60:5 - EBƆRƐ BE KAWƆL

⁵ Enyɛnpe Ebɔrɛ, nu anyi be kekule nseŋ ta fo enɔ lempo na m mɔlga anyi nɛ an la fo basa shaso na.

Nshɛ 60:5 ပူးပေါင်းရင်းမြစ်များ

Nshɛ 127:2

Kewule ŋ koso a shuŋ a fin kusɔ jiso hale nɛ saŋko e ya fo na gba la jiga nna; Ŋkpal manɛ so, Enyɛnpe Ebɔrɛ na e naa sa basa nɛ e bee sha asɔ jemanɛ nɛ b dese a di gba.

Nshɛ 17:7

Ŋini fo mamachi be kasha na. Fo enɔ lempo na nɛ fee ta a mɔlga bumo nɛ baa shile a ba fo kutɔ ashi bumo doŋana be enɔ to.

Nshɛ 18:35

Mo e naa kuŋ ma nsaa mɔlga ma. Mbe enɔ lempo na e naa pɛ ma to. Mbe kechɛto so nɛ e ki esagboŋ.

Nshɛ 20:6

N nyi geeŋ fanɛ Enyɛnpe Ebɔrɛ na beeŋ mɔlga mbe ewura lara so. E beeŋ yili mbe ebɔrɛso cheembi na n nu ma kekule nseŋ ta mbe enɔ lempo na m mɔlga ma.

Nshɛ 22:8

“Fo yɛ fo yirda Ebɔrɛ nna, nɛ manɛ nna nɛ e maŋ mɔlga fo? Nɛ fo asheŋ bee bɔlɔ mo kenishi, manɛ nna nɛ e maŋ chɛ fo to.”

Nshɛ 60:12

Fo Ebɔrɛ nawule e naŋ tiŋ n shin nɛ an kɔ m pɔɔ so, nɛ fo fifɛa an doŋana m mata kasawule.

Nshɛ 71:20

Fo shin nɛ n ji awurfoŋ damta, ama fo naŋ wɔtɔ ma eleŋ; nseŋ kuŋ ma nɛ m maŋ wu n yɔ nchaŋ to.

Nshɛ 74:11

Manɛ nna nɛ fo kini kechɛ anyi to? Manɛ nna nɛ fo maaŋ gberge bumo kusoe?

Nshɛ 75:9

Ama ma ere beeŋ baa malga fo, Jeekɔb be Ebɔrɛ na, be asheŋ, nsaa boŋ nshɛ a kpaŋ fo mbaanaayɔ.

Ɛksodɔs 15:6

O, Enyɛnpe Ebɔrɛ, fo enɔ jisa so nɛ kumo be eleŋ kɔ kufu ga na nɛ fo ta m buri fo doŋana to cheche.

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 51:17

Jerusalɛm to ebi, men koso! Kasogberge nɛ Enyɛnpe Ebɔrɛ na nya agbo n shin nɛ k ba menyi so na shi ga. Kasogberge na shin nna nɛ menyee nite a lente fanɛ basa nɛ b boo nsa na.

Jɛremaya 11:15

Kede be kaman, nɛ Enyɛnpe Ebɔrɛ na naŋ kaŋɛ ma fanɛ ŋ kaŋɛ Juda be basa le: “Men la ma basa laraso nna, ama menyi maŋ kɔ ekpa nɛ men baa wɔ ma bɔrɛlambu to a wora asheŋ lubi lubi ere. Esarga nɛ menyee lara a sa ma ere maaŋ tiŋ ŋ kuŋ menyi ashi kemurgboŋ na to, amoso men yige kusɔ nɛ menyee wora ere.

Matiu 17:5

E kraa malga nna nɛ kuwɔlpa nyɛkpɛso ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nɛ ma kagbene fuli mo so ga nde. Men baa nu mbe kɔnɔ.”

Matiu 3:17

Kumo be kaman nɛ ebɔl shi esoso ŋ kaŋɛ le: “M Pibinyɛn shaso nɛ ma kagbene bee fuli mo so ga nde.”

Ditɛronɔmi 33:12

Le nɛ Mosis kaŋɛ a laŋɛ Bɛnjamin be yiri be kaplɛa so: “Yiri nɛ Enyɛnpe Ebɔrɛ na bee sha nsaa kuŋ nde; kapa nɛ kanyɛ kikɛ nɛ e bee kuŋ bumo. Mo alɛ nɛ bumo e wɔtɔ.”

Ditɛronɔmi 33:3

Enyɛnpe Ebɔrɛ na bee sha mbe basa nna, nsaa kuŋ bekama nɛ b la mo peya. Amoso anyeeŋ gbir m bunyaŋ mo nseŋ wora kusɔ nɛ e kaŋɛ kenishipere so na kasonu.