Nshɛ 60:2 - EBƆRƐ BE KAWƆL

² Fo shin nɛ kasawule gbuŋgbuŋ to m baŋɛ to m bugi to. Naniere shin nɛ kasawule na e cha abar so nseŋ yige kebaa gbuŋgbuŋ to.

Nshɛ 60:2 ပူးပေါင်းရင်းမြစ်များ

2 Samuɛl 22:8

Ndoŋ nna nɛ kasawule chicha nseŋ gbuŋgbuŋ to. Nɛ awɔlpa malɛ gba fara a filito nsaa gbuŋgbuŋ to, ŋkpal Ebɔrɛ ka nya agbo so!

2 Samuɛl 8:1

Jemanɛ ko nɛ ewura Deevid naŋ laŋɛ n ya kɔ Filistiebi na m pɔɔ bumo so, amoso b daa maŋ naa kɔ eleŋ Israɛl be kasawule so kikɛ.

1 Kronikɛls 18:12

Ewura Deevid be enapo nɛ baa tre Abishai nɛ mo nio daa la Zuriya na e daŋ kɔ m pɔɔ Edɔmebi nɛ b daa wɔ Nfɔl be ketaŋɛ na ase nseŋ mɔ basa ŋgboŋ kuduaburwa kikɛ.

1 Kronikɛls 18:3

Kumo be kaman nɛ ewura Deevid lar n ya kɔ m pɔɔ Zoba nɛ k mata Hamaf nɛ k wɔ Siriya be efuli so na be ewura nɛ baa tre Hadadeza na so, saŋɛ nɛ e daŋ ya kaa shin nɛ e sɔ Yufreetes be Lɔr na ase be efuli na ŋ ki mo peya na.

1 Kronikɛls 18:5

Siriyaebi nɛ b shi Damaskɔs na ka shuŋi benapo fanɛ b ya chɛ Zoba be ewura Hadadeza to ŋ kɔ kena, nɛ ewura Deevid mɔ bumo be basa ŋgboŋ adunyɔ nɛ anyɔ.

2 Kronikɛls 7:14

nɛ ma basa bar bumo be amu kaseto ŋ chɛrga bumo be nfɛra a laŋɛ alubi nɛ baa wora na be kaplɛa so nseŋ kule ma bre, meeŋ yili esoso n nu bumo be kekule nseŋ ta bumo be alubi m paŋ bumo nseŋ naŋ nɛfa bumo be kasawule n shin nɛ k baa wora adɔjibi nɛnɛ.

Job be kawɔl 5:18

E beeŋ tiŋ m bar doro nɛ ebesa fo so, ama mo alɛ beeŋ naŋ chɔɔ fo achuu nɛ alɔbi na kikɛ n chɛ amo.

Job be kawɔl 9:6

Ebɔrɛ beeŋ tiŋ n shin nɛ kasawule nɛ kumo be gbaltɔlase kikɛ a gbuŋgbuŋ to.

Nshɛ 104:32

Fo baŋ to kenishi ŋ keni kasawule, k bee gbuŋgbuŋ nna. Fo alɛ baŋ beta abee, e bee kaa edishi nna.

Nshɛ 114:7

Enyɛnpe Ebɔrɛ nɛ men nananyɛn Jeekɔb shuŋ dra na baŋ firgi n taga to, kasawule bee gbuŋgbuŋ nna;

Nshɛ 18:7

Nɛ kasawule gbuŋgbuŋ to m baŋɛ, nɛ abeegboŋ be kaseto gbuŋgbuŋ. A gbuŋgbuŋ nna ŋkpal Ebɔrɛ ka nya agbo so.

Nshɛ 89:40

Fo shin nɛ egbal nɛ a kulti kadegboŋ na kikɛ bure nɛ kumo be mboŋ lempoana na kikɛ ki alambure a dese.

Ɛksodɔs 15:11

O Enyɛnpe Ebɔrɛ, wanɛ e du fanɛ fo ashi ebɔrɛana kikɛ to? Fo kecheembiya bee mɔ kɔnɔ nna nɛ fo kemaŋkura shi. Wanɛ e du fanɛ fo? Wanɛ e naaŋ tiŋ n wora emamachisheŋ nɛ ashuŋgboŋ nɛ a baa du fanɛ feya ere?

Aizaaya 30:26

Kufɔl beeŋ fuli to parr fanɛ epeŋi nɛ epeŋi malɛ e fuli to ale ashunu so n ti so, a du fanɛ nchɛnshunu be kefulto na. Kachɛ nɛ Enyɛnpe Ebɔrɛ na beeŋ fɔr nseŋ kre mbe basa be achuu nseŋ chɛ bumo be alɔana na nɛ le beeŋ wora.

Aizaaya 5:25

Enyɛnpe Ebɔrɛ na nya agbo ga nna n wɔtɔ mbe basa nsaa shin nɛ e gberge bumo kusoe kenishipereso. Abee beeŋ gbuŋgbuŋ nɛ basa e wu n dese agbembiana so fanɛ epi na. Ama amo nɛ amo kikɛ Enyɛnpe Ebɔrɛ na be agbo kraa maaŋ wushi. E kraa beeŋ baa sha kegberge menyi kusoe n ti so.

Aizaaya 7:8

Ŋkpal manɛ so, Siriya be efuli na maŋ kɔ eleŋ a chɔ kumo be kadegboŋ nɛ baa tre Damaskɔs na, nɛ Damaskɔs malɛ maŋ kɔ eleŋ a chɔ ewura Rezin. Ta a ba nfɛ adeshe nɛ anu be jemanɛ so Israɛl be efuli na bre beeŋ mur a maaŋ naa wɔtɔ gba.

Jɛremaya 10:10

Ama fo, Enyɛnpe Ebɔrɛ na, e la Ebɔrɛ kashenteŋto. Fo e naa sa ŋkpa nsaa wɔ ŋkpa to na; fo alɛ e la ewura nɛ e wɔtɔ mbaanaayɔ na. Fo baŋ nya agbo, durnya kikɛ bee gbuŋgbuŋ to nna, nɛ efuliana bee mur.

Jɛremaya 14:17

Kumo be kaman nɛ Enyɛnpe Ebɔrɛ na kaŋɛ ma kenishipereso fanɛ n ya kaŋɛ basa na kebɔltofinfin nɛ k wɔ ma to be asheŋ. Ndoŋ nna nɛ n ya kaŋɛ bumo le: “Kapa nɛ kanyɛ, ma anishi maa paŋ anishichubi ŋkpal ma basa be awurfoŋ damta nɛ baa ji na so.

Jɛremaya 30:17

Ekama maŋ naa sha fanɛ men ba la mo teri ŋko ekama be shɛŋ maaŋ naa wɔ kusɔ nɛ k wora menyi to. Ama meeŋ chɛ menyi be edoro nɛ men nya eyur be alenfia. Ma, Enyɛnpe Ebɔrɛ e kaŋɛ na.”

Jɛremaya 4:24

Kumo be kaman nɛ ŋ keni n wu abeegboŋ ka bee gbuŋgbuŋ to, nɛ abeebi malɛ bee laŋte a yɔ a ba.

Jɛremaya 48:38

Bumo be achoŋi nɛ alɔnɛ kikɛ so, b baa shu nli nna, ŋkpal manɛ so, ma, Enyɛnpe Ebɔrɛ na farnyaŋ Mowab be basa to nna fanɛ kapuya nɛ esa kikɛ maa sha nɛ b ta n lɛ nɛ k bure na nna.

Nfabel 2:13

O Jerusalɛmebi, manɛ nɛ ŋ kɔ nɛ ŋ kaŋɛ? Nuso bre nɛ meeŋ tiŋ n lɔlɔ menyi? Ŋkpal manɛ so, esa kikɛ maŋ naŋ ji awurfoŋ fanɛ kananɛ men ji ere. Jɛrbi nɛ men ji ere maŋ kɔ ekar fanɛ teku; tama be yiri kikɛ maŋ naa wɔtɔ n sa menyi.

Ezikɛl 34:16

Ma alɛ beeŋ fin bumo be bumo nɛ foe na nseŋ bɛta bumo nɛ yeŋ na m ba. Kumo be kaman nɛ ŋ kre bumo nɛ b doro na be achuu nseŋ chɛ bumo nɛ baa lɔ na. Ama bekama nɛ b ji n daŋ nsaa kɔ eleŋ na bre, meeŋ mur bumo, ŋkpal manɛ so, n la mbolpɔkpapo nɛ e bee wora kusɔ nɛ k daga nna.

Hoziya 6:1

Le nɛ basa na daa kaŋɛ: “Men shin nɛ an bɛta n yɔ Enyɛnpe Ebɔrɛ kutɔ! E doro anyi ga ama mo alɛ beeŋ chɛ anyi. E doro anyi ama mo alɛ beeŋ kre anyi be atamɛ, ŋko e maaŋ wora loŋ?

Eemɔs 8:8

Amoso kasawule beeŋ gbuŋgbuŋ to nɛ kagbenejija e tɔr efuli ere be basa kikɛ so nɛ b baa wora kuwɔr be asheŋ. Efuli na kikɛ beeŋ baga to fanɛ kananɛ lɔrgboŋ nɛ baa tre Nail ashi Ijipt be efuli so na bee kaa ketili a yɔ a ba na.

Habakuk 3:10

Abeegboŋana na ka wu fo nɛ a gbuŋgbuŋ to; nɛ bɔrɛchu shi awɔlpa so n wurge to. Ndoŋ nna nɛ echɛtabo baga to, nɛ amo to be nchu bɔlɔ n dii kepla.

Matiu 27:51

Ndoŋ nna nɛ bɔrɛlambu na to be patisa na yili kumo be esoso n chaŋɛ to m ba kaseto. Nɛ kasawule gbuŋgbuŋ to nɛ afalta baŋɛ m baŋɛ to.