Nshɛ 60:12 - EBƆRƐ BE KAWƆL

¹² Fo Ebɔrɛ nawule e naŋ tiŋ n shin nɛ an kɔ m pɔɔ so, nɛ fo fifɛa an doŋana m mata kasawule.

Nshɛ 60:12 ပူးပေါင်းရင်းမြစ်များ

2 Samuɛl 10:12

Baa kɔ eleŋ nseŋ naa leŋ fo kumu to kpakpa! Men shin nɛ an pere kenishi ŋ kɔ n sa anyi be basa nɛ Ebɔrɛ be nde, nseŋ shin nɛ Enyɛnpe Ebɔrɛ malɛ be aparsheŋ a wora!”

1 Kronikɛls 19:13

Baa kɔ eleŋ nsaa leŋ fo kumo to kpakpa! Men shin nɛ an pere kenishi ŋ kɔ n sa anyi be basa nɛ Ebɔrɛ be nde, nɛ Enyɛnpe Ebɔrɛ be aparsheŋ e wora.”

Nshɛ 118:16

Enyɛnpe Ebɔrɛ na be eleŋgboŋ na e shin nɛ an kɔ m pɔɔ so. Enyɛnpe Ebɔrɛ na kɔ eleŋ pasaa!”

Nshɛ 144:1

Meeŋ kpaŋ fo, Enyɛnpe Ebɔrɛ! Fo e la ma kefalta gboŋ. Fo alɛ e naa ŋini ma kananɛ meeŋ baa kɔ kena.

Nshɛ 44:10

Fo shin nɛ an bɛta n shile an doŋana be anishito nɛ b ba muu anyi be asɔ.

Nshɛ 44:5

Fo eleŋgboŋ na e shin nɛ an ŋmɛa an doŋana n lɛ nseŋ chichi bumo so.

Aizaaya 10:6

N shuŋi Asiriyaebi nna fanɛ b ya kɔ efuli nɛ b kini ma n shin nɛ n nya agbo na kena. Ma e shuŋi bumo fanɛ b ya suge, nseŋ fuu bumo be asɔ eleŋso nsaa chichi bumo be basa so fanɛ agbembi so be depɔ na.”

Aizaaya 63:3

Nɛ Enyɛnpe Ebɔrɛ na kaŋɛ le: “Ma e nyaŋ efuliana na fanɛ asɔrso nɛ baa tre greeps na nɛ esa kikɛ maŋ chɛ ma to. N nya agbo nna n nyaŋ bumo fanɛ asɔrso, nɛ bumo be ŋklaŋ gbiti ma asɔbuuso.

Zakareya 10:5

Juda be basa beeŋ sɔ kelempo fanɛ benapo nɛ b kɔ m pɔɔ bumo doŋana so nsaa chichi bumo so fanɛ ekpa to be depɔ na. Ŋkpal Enyɛnpe Ebɔrɛ na ka wɔ bumo kutɔ so, baaŋ kɔ m pɔɔ bedoŋ nɛ b dii egbaŋɛ a kɔ gba so.

Malakai 4:3

Kachɛ nɛ meeŋ ba ji asheŋ nɛ amo be ekpa so na, menyeeŋ pɔɔ belubiworapoana so nɛ b ki fanɛ menyi be aya to be shishɛr. Ma Enyɛnpetale na e malga na.

Joshuwa 1:9

Nyiŋi fanɛ n teŋ kaŋɛ fo fanɛ fo baa leŋ fo kumu to nsaa kɔ kagbene. Sa maŋ shin nɛ kufu e pɛ fo nɛ fo pɔ aba, ŋkpal manɛ so, kaplɛkama nɛ fo wɔ, ma, Enyɛnpe fo Ebɔrɛ na wɔ fo kaman.”

Joshuwa 14:12

Naniere ta kebeeso be efuli nɛ Enyɛnpe Ebɔrɛ nase kɔnɔ kamɔnchɛ afanɛ e beeŋ sa ma na n sa ma. An teŋ kaŋɛ fo fanɛ basa tenteŋ gboŋgboŋi nɛ baa tre Anakebi na e wɔ ndegboŋ nɛ b pɔr egbal ŋ kulti na to ashi efuli na kikɛ so. Ashere Enyɛnpe Ebɔrɛ beeŋ yili ma kaman nɛ n ju bumo n lar fanɛ kananɛ Enyɛnpe Ebɔrɛ kaŋɛ na gbagba chap.”

Kelaraŋŋini 19:15

Ndoŋ nna nɛ tokobi jiso ko mo nɛ e beeŋ ta ŋ ŋe efuliana so ebi n nase lar mbe kɔnɔ to. E beeŋ ta kagbene kpakpaso n ji kuwura bumo so. Mo gbagba e naaŋ nyaŋ asɔ nɛ a wɔ Enyɛnpetale Ebɔrɛ be agbo be kusɔ nyaŋasɔrso na to.