Nshɛ 60:1 - EBƆRƐ BE KAWƆL

¹ Enyɛnpe Ebɔrɛ, fo nya agbo nna n wɔtɔ anyi nseŋ kini anyi, n shin nɛ an tɔr m buri to. Naniere naaŋ sa anyi eleŋ.

Nshɛ 60:1 ပူးပေါင်းရင်းမြစ်များ

2 Samuɛl 10:16

Ewura Hadadeza daŋ shuŋi mbɔ nna n tre Siriyaebi nɛ b wɔ Yufreetes be Lɔr na be epeŋilarkpa be kaba so na nɛ Shobak nɛ e bee juŋkpar ewura Hadadeza be benapo na juŋkpar bumo n yɔ Helaam be kade to.

2 Samuɛl 5:20

Ndoŋ nna nɛ Deevid nɛ mbe benapo ya kɔ m pɔɔ Filistiebi na so nseŋ kaŋɛ le: “Enyɛnpe Ebɔrɛ bure n luri ma doŋana na to fanɛ kananɛ nchu bee bɔlɔ a shile eleŋso na.” Kumo be kaman nɛ e nase kaboŋ na ketre: “Enyɛnpe Ebɔrɛ nɛ e bee bure e luri na.”

2 Samuɛl 8:14

Deevid daŋ yige mbe benapo ko ashi Edɔm be efuli so nna, nɛ ndoŋebi bee shuŋ mo. Kaplɛkama malɛ nɛ Deevid baaŋ yɔ, Enyɛnpe Ebɔrɛ na bee chɛ mo to nna nɛ e bee kɔ a pɔɔ so.

2 Samuɛl 8:3

Ndoŋ nna nɛ ewura Deevid lar a yɔ Yufreetes be Lɔr na ase nɛ e ya ŋini fanɛ ndoŋ la mo peya nna. E ka bee yɔ na, nɛ e ya tu Zoba be ewura nɛ baa tre Hadadeza nɛ mo tuto la Rehob na ŋ kɔ kena m pɔɔ mo so.

2 Bewura 14:7

Amaziya e daŋ mɔ Edɔmebi be benapo ŋgboŋ kudu ashi ketaŋɛ nɛ baa tre Nfɔl be ketaŋɛ na ase saŋɛ nɛ e daa la ewura na. E daŋ kɔ n sɔ kade nɛ baa tre Sɛla na gba nna nseŋ nase kumo be ketre Joktihiil. Loŋ be ketre nɛ kade na kra ji hale kabre.

1 Kronikɛls 18:3

Kumo be kaman nɛ ewura Deevid lar n ya kɔ m pɔɔ Zoba nɛ k mata Hamaf nɛ k wɔ Siriya be efuli so na be ewura nɛ baa tre Hadadeza na so, saŋɛ nɛ e daŋ ya kaa shin nɛ e sɔ Yufreetes be Lɔr na ase be efuli na ŋ ki mo peya na.

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

2 Kronikɛls 25:11

Ndoŋ nna nɛ ewura Amaziya leŋ mbe kumu to nseŋ juŋkpar mbe benapo n yɔ Nfɔl be Ketaŋɛ na to n ya kɔ kena m mɔ Edɔm be efuli so be benapo ŋgboŋ kudu kikɛ,

Nshɛ 108:11

Fo maŋ naa juŋkpar anyi be benapo; fo kini anyi nna n lɛ a?

Nshɛ 44:9

Ama naniere, fo pal kaman n sa anyi n shin nɛ an ki bebɔlpo. Fo maŋ naa tu anyi be benapo a yɔ kena to.

Nshɛ 59:1

Mɔlga ma, Enyɛnpe Ebɔrɛ, kuŋ ma ashi bedoŋ nɛ baa kɔ ma na kutɔ.

Nshɛ 59:11

Ama sa maŋ mɔ bumo. Mannɛ aloŋ ekama beeŋ teŋ so. Ta fo eleŋgboŋ na n shin nɛ b chicha n tɔr. Fo e la kusɔ kuŋsogboŋ a kuŋ fo basa.

Nshɛ 60:10

Enyɛnpe Ebɔrɛ, fo kini anyi kashenteŋto nsaa maaŋ naŋ juŋkpar anyi be benapo nna a?

Nshɛ 74:1

O Ebɔrɛ, manɛ nna nɛ fo kplaŋ anyi so loŋ? Feeŋ baŋ nya agbo n wɔtɔ fo basa mbaanaayɔ a?

Nshɛ 79:5

O Enyɛnpe Ebɔrɛ, fo nya agbo n wɔtɔ anyi nna mbaanaayɔ a? Fo agbo kraa beeŋ baa suse fanɛ edɛ nna a?

Nshɛ 79:9

O Ebɔrɛ nɛ fo la anyi be emɔlgapo, chɛ anyi to! Ŋkpal fo ketre be kemaŋkura so, mɔlga anyi nseŋ ta anyi be alubi m paŋ anyi.

Nshɛ 80:1

O Israɛl be ekenipo, nu anyi be kekule! Fo nɛ fee juŋkpar Josɛf be kaman to ebi fanɛ mbolpɔ nseŋ chena fo kuwurputi so ashi asɔ pɔrso nɛ baa tre chɛrubim na be nferinto na,

Nshɛ 80:3

O Ebɔrɛ, naŋ shin nɛ an nya eleŋ! Mushe n wɔtɔ anyi nseŋ mɔlga anyi.

Nshɛ 85:4

O Ebɔrɛ nɛ fo la anyi be emɔlgapo, naŋ bɛta anyi m ba fo kutɔ, nsaa maŋ nya agbo n wɔtɔ anyi!

Nshɛ 89:19

Le nɛ fo daŋ bɔla bɔrɛdare to ŋ kaŋɛ fo bebɛsopo nɛ baa ji kashenteŋ a sa fo na: “Ma e naa sa enapo eleŋ. Ma alɛ e ta kuwurputi na n sa esa nɛ ŋ gbagba lara ashi ma basa to.

Nshɛ 89:3

Fo yɛ: “Ma nɛ esa nɛ n lara na wora kɔnɔkoŋwule be ŋkre nna. Ma alɛ nase kɔnɔ nna n sa ma kayɛrbi Deevid fanɛ

Nshɛ 89:38

Ama naniere fo, Ebɔrɛ na nya agbo nna n wɔtɔ ewura nɛ fo lara na nseŋ kini mo n lɛ, nseŋ pal kaman n sa mo.

Nshɛ 89:7

Fo nɛ ekama bee ŋana ga ashi ebɔrɛso ndoŋ. Fo asheŋ malɛ bee keta kufu nsaa kɔ bunyaŋ ga a chɔ bekama nɛ b wɔ ebɔrɛso.

Nshɛ 90:13

Enyɛnpe Ebɔrɛ, chɛ anyi to! Sa maŋ naŋ jo gbrɛbi kama! Wu fo nyɛrbi kuwɔr, n shu anyi so!

Zakareya 10:6

Meeŋ sa Juda be basa eleŋ, nseŋ mɔlga Israɛl be basa. Meeŋ wu bumo kuwɔr nseŋ bɛta bumo kikɛ m ba epe. Baaŋ baa du fanɛ basa nɛ m maŋ naŋ kini ŋ ku so nna. Ma e la Enyɛnpe bumo be Ebɔrɛ na; ma alɛ beeŋ nu bumo be kabɔrɛkule.

1 Samuɛl 13:11

Nɛ Samuɛl bishi mo le: “Manɛ nɛ fo wora ere?” Nɛ Sɔɔl kaŋɛ: “Ma benapo na bee pesaŋ to nna a yɔ, fo alɛ maŋ ba saŋɛ nɛ k daga fanɛ fo ba na. Kumo be kaman Filistiebi na bee gama abar nna ashi Mikmash.

1 Samuɛl 4:17

Nɛ kanyɛn nɛ e bar baru na kaŋɛ le: “Filisti be benapo pɔɔ Israɛl be benapo na so, anyi alɛ be kekɔntɔr na shibi ga! Kumo alɛ be kaman fo mbinyɛnsobi Hofni nɛ Finihas gba wu nɛ b ta Ebɔrɛ be ŋkre be deka na gba n choŋ.”