Nshɛ 6:8 - EBƆRƐ BE KAWƆL

⁸ Basa lubi, men shile ma so! Enyɛnpe Ebɔrɛ na, nu ma kushu.

Nshɛ 6:8 ပူးပေါင်းရင်းမြစ်များ

Job be kawɔl 17:7

A ka gbrɛ nɛ n tan, ŋkpal kushu nɛ kagbenejija damta so. Ma eyur ere malɛ maŋ naa du kananɛ k daa du na.

Nshɛ 116:8

Enyɛnpe Ebɔrɛ na daŋ mɔlga ma ashi luwu to nna; mo e daŋ kpra ma anishichubi, nseŋ kuŋ ma nɛ m maŋ fiti n tɔr.

Nshɛ 119:115

Alubiworapoana, men shile ma so! Ma ere beeŋ wora ma Ebɔrɛ be mbraana kasonu.

Nshɛ 139:19

O Ebɔrɛ, fo daa beeŋ shuli m mɔ kumukpakpasowuraana nna nseŋ kuŋ ma ashi bumo be kamɛaŋ to, k daa beeŋ par ma ga.

Nshɛ 145:18

E wɔ bekama nɛ baa tre mo kagbene koŋwule so na kutɔ nna.

Nshɛ 3:4

N shu n tre fo Enyɛnpe Ebɔrɛ na; nɛ fo nu ma kushu ashi fo kebee cheembi na so.

Nshɛ 31:10

Kagbenejija shin nɛ n bel katiŋso; nɛ kebɔltofinfin bee ku ma ŋkpa so. Awurfoŋ shin nɛ ŋ ki esa pɔso, nɛ ma awibi to maŋ naa kɔ eleŋ.

Nshɛ 56:8

Awurfoŋ nɛ mee ji kikɛ be asheŋ bɔɔ fo enɔ nna, nɛ fo nyi ma anishichubi nɛ a lar be asheŋ. Amo kikɛ maŋ belaŋ fo so.

Aizaaya 30:19

Men basa nɛ men wɔ Jerusalɛm to maaŋ naŋ shu kikɛ. Enyɛnpe Ebɔrɛ na la ewɔrwupo nna nɛ men shu n tre mo fanɛ e chɛ menyi to, e beeŋ nu n sa menyi.

Aizaaya 38:3

“Enyɛnpe Ebɔrɛ, baa nyiŋi kananɛ n daŋ shuŋ fo kashenteŋ nɛ kagbene koŋwule so. Ma alɛ wora ania fanɛ meeŋ baa wora kusɔ kama nɛ fee sha.” Kumo be kaman nɛ e shu ga.

Aizaaya 38:5

fanɛ e naŋ bɛta n yɔ ewura Hɛzekaya kutɔ n ya kaŋɛ mo le: “Ma, Enyɛnpe, fo nananyɛn ewura Deevid be Ebɔrɛ na, nu fo kabɔrɛkule nseŋ wu fo anishichubi na. Meeŋ naŋ shin nɛ fo naŋ ji nfɛ kuduanu n ti so.

Nfabel 3:56

Ŋ ka kule fo nɛ fo nu ma kabɔrɛkule.

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Matiu 7:23

Ama le nɛ meeŋ kaŋɛ bumo: ‘Alubiworapoana ere, men shile ma so. Ma ere maŋ nyi menyi.’

Luuk 13:27

Nɛ e kaŋɛ menyi: ‘Ma e kaŋɛ menyi na, m maŋ nyi kakpa nɛ men shi, alubiworapoana ere, men shile ma so.’

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.