Nshɛ 6:6 - EBƆRƐ BE KAWƆL

⁶ Kebɔltofinfin e naa mɔ ma. Kanyɛso kikɛ, ma anishichubi bee pɔ ma gedo nɛ kaputi nna.

Nshɛ 6:6 ပူးပေါင်းရင်းမြစ်များ

Job be kawɔl 10:1

Kebaawɔtɔ lar ma ebɔl! O Ebɔrɛ, nya asoe n nu ma kenishipere be nfubel ere.

Job be kawɔl 16:20

N nekpaana bre kini ma nna n lɛ, ama Ebɔrɛ nɛ mee shu a ŋini.

Job be kawɔl 23:2

“Hale nɛ kabre, ŋ kraa bile asheŋ kenishipereso nna, ŋkpal Ebɔrɛ ka tɔrɔ ma ga nseŋ shin nɛ n ji awurfoŋ so.

Job be kawɔl 7:3

Ebɔrɛ shin nɛ ma nchɛ maŋ naa kɔ tɔnɔ n sa ma nɛ kanyɛso bar ma keboltofinfiŋ damta.

Nshɛ 115:17

Basa nɛ b teŋ wu n yɔ bubuni to maaŋ naŋ tiŋ ŋ kpaŋ Enyɛnpe Ebɔrɛ na.

Nshɛ 30:10

Enyɛnpe Ebɔrɛ, jande, nu ma kekule, nseŋ wu ma kuwɔr n chɛ ma to.

Nshɛ 38:9

Enyɛnpe Ebɔrɛ, fo nyi ma asheŋ tirso nɛ ma kushuto nɛ mee shuto kikɛ.

Nshɛ 39:12

Enyɛnpe Ebɔrɛ, jande, nu ma kekule. Nu ma kushu nseŋ chɛ ma to. Anishichubi e bɔlɔ ma anishi kikɛ to. N du fanɛ efɔ nna ashi fo kutɔ, fanɛ kananɛ n nananyɛnana daa la befɔ na.

Nshɛ 42:3

M ma anishichubi e ki ma kapa nɛ kanyɛ be ajibi. Nɛ saŋkama basa bee bishi ma fanɛ nnɛ nɛ fo Ebɔrɛ na wɔ.

Nshɛ 69:3

N shu n tre fo hale ma eleŋ kikɛ loge, nɛ ma ebɔl to wɔl. N mɛrge anishi ŋ keni fo ekpa, hale ma anishi bee kurge.

Nshɛ 88:11

B maa malga fo kasha nɛ k maŋ kɔ ekar na ŋko fo kashenteŋji be asheŋ ashi bubuni to.

Nshɛ 88:9

Ma alɛ shu nna m puŋi anishi, ŋkpal awurfoŋ nɛ kagbenejijaso. O Enyɛnpe Ebɔrɛ, fo nɛ mee maŋ ma enɔana so a shu a tre karechɛ kikɛ.

Aizaaya 38:18

Esa kama nɛ e wɔ bubuni to maaŋ naŋ tiŋ ŋ kpaŋ fo; bubuni maaŋ naŋ tiŋ n yirda fo kashenteŋji.

Jɛremaya 14:17

Kumo be kaman nɛ Enyɛnpe Ebɔrɛ na kaŋɛ ma kenishipereso fanɛ n ya kaŋɛ basa na kebɔltofinfin nɛ k wɔ ma to be asheŋ. Ndoŋ nna nɛ n ya kaŋɛ bumo le: “Kapa nɛ kanyɛ, ma anishi maa paŋ anishichubi ŋkpal ma basa be awurfoŋ damta nɛ baa ji na so.

Nfabel 1:16

Amoso nɛ anyee shu anishichubi ga na. Esa kikɛ maaŋ tiŋ n lolo anyi n ti anyi kagbene, esa kikɛ malɛ maaŋ tiŋ n leŋ anyi to nɛ an naŋ nya kenyɛn. Ŋkpal manɛ so, an doŋana pɔɔ anyi so nɛ anyi maŋ naa kɔ shɛŋ kebaawɔtɔ to.

Nfabel 1:2

Kanyɛso kikɛ, kumo to be basa bee shu nna nɛ anishichubi bee pɔ bumo be ŋgbuŋ. Kumo beshapo kikɛ maŋ naa wɔtɔ nɛ b lolo kumo n wushi kumo kagbene. Kumo teriana kikɛ lar kumo kaman nseŋ debɔr kumo, naniere b ki kumo be bedoŋ nna.

Nfabel 2:11

M baŋ shu nna m pere anishi hale nɛ ma epun to bee besa. Ma basa ka mur na shin nɛ ma kagbene jija ma hale nɛ m bɛlɛ. Mbi wurbi nɛ mbi popɔrbi kikɛ kreŋ a dese agbembi so ŋkpal esa kikɛ ka maŋ wɔtɔ nɛ e keni bumo so ashi kadegboŋ na to so.

Luuk 7:38

m ba kaa yil Yesu be aya ase a shu anishichubi a wurge Yesu be aya so. Kumo be kaman nɛ e gbir n ta mbe emin m melti anishichubi na nseŋ pipe Yesu be aya na bunyanso nseŋ chulgi tulale lelabi na n wurge mbe aya na so.