Nshɛ 6:4 - EBƆRƐ BE KAWƆL

⁴ Enyɛnpe, ba mɔlga ma. Wu ma kuwɔr, nseŋ mɔlga ma ashi luwu to.

Nshɛ 6:4 ပူးပေါင်းရင်းမြစ်များ

Nshɛ 116:4

Ndoŋ nna nɛ n shu n tre Enyɛnpe Ebɔrɛ na, fanɛ e jande e mɔlga ma!

Nshɛ 116:8

Enyɛnpe Ebɔrɛ na daŋ mɔlga ma ashi luwu to nna; mo e daŋ kpra ma anishichubi, nseŋ kuŋ ma nɛ m maŋ fiti n tɔr.

Nshɛ 120:2

O Enyɛnpe Ebɔrɛ, mɔlga ma ashi befɛpo nɛ kafulewuraana be enɔ to.

Nshɛ 121:7

Enyɛnpe Ebɔrɛ na e naŋ kuŋ fo ashi kusɔ kama nɛ k beeŋ tiŋ n doro fo, ŋko m mɔ fo. Saŋɛ na so, shɛŋ shɛŋ maaŋ wora fo.

Nshɛ 13:2

Nchɛ afanɛ nɛ fee sha fanɛ ma nfɛra e sa maŋ dese ma? Nchɛ afanɛ nɛ fee sha fanɛ kagbenejija e baa wɔ ma to? Feeŋ shin nɛ n doŋana e pɔɔ ma so n chɛr a?

Nshɛ 17:13

Enyɛnpe Ebɔrɛ koso ŋ kɔ m pɔɔ bumo so. Ta fo tokobi m mɔlga ma ashi amu kpakpasowuraana be enɔ to.

Nshɛ 22:20

N doŋana du fanɛ njɔnɔ nna. Mɔlga ma nɛ b sa maŋ mɔ ma.

Nshɛ 25:7

Ta ma kebiato be alubi nɛ kusoe kpakpaso be asheŋ woraso m paŋ ma, nseŋ nyiŋi ma ŋkpal fo kasha nɛ fo alelasheŋ so.

Nshɛ 69:13

Ama fo Enyɛnpe na nɛ mee shu a tre. Nu ma kekule saŋɛ nɛ k par fo nseŋ yili fo kashagboŋ na so m mɔlga ma.

Nshɛ 74:10

O Ebɔrɛ, saŋɛ mo nɛ an doŋana beeŋ yige kebaa tege anyi nɛ kebaawora fo eyur to?

Nshɛ 79:5

O Enyɛnpe Ebɔrɛ, fo nya agbo n wɔtɔ anyi nna mbaanaayɔ a? Fo agbo kraa beeŋ baa suse fanɛ edɛ nna a?

Nshɛ 80:14

O Enyɛnpetale Ebɔrɛ, naŋ bɛta m ba anyi kutɔ! Shi ebɔrɛso n to kenishi ŋ keni anyi nseŋ ba mɔlga fo basa!

Nshɛ 86:13

Ŋkpal manɛ so, kasha nɛ fo kɔ n sa ma na shi alegaiso! Fo mɔlga ma ashi luwu gbagba to.

Nshɛ 90:13

Enyɛnpe Ebɔrɛ, chɛ anyi to! Sa maŋ naŋ jo gbrɛbi kama! Wu fo nyɛrbi kuwɔr, n shu anyi so!

Aizaaya 38:17

Ma nɛnɛ so nɛ fo shin nɛ asheŋ kpakpaso ere tu ma. Ama fo kasha kuŋ ma, nɛ m maŋ wu n yɔ bubuni to. Fo alɛ kpele fo anishi n lɛ ashi ma alubi so.

Danɛl 9:18

O Ebɔrɛ, kaŋ kusoe n nu anyi be kekule nseŋ keni etɔrɔ nɛ awurfoŋ nɛ anyee ji ashi kade nɛ fo ketre deŋ so na to. Anyee kule fo nna ŋkpal fo ka bee wu kuwɔr so, mannɛ an ka la basa cheembi so.

Malakai 3:7

Men nananyɛnana be jemanɛ so kikɛ nɛ men kplaŋ ma mbra so hale kabre. Men bɛta m ba ŋ kutɔ nɛ ma alɛ gba e bɛta m ba menyi kutɔ. Ama kusɔ nɛ menyee bishi e la fanɛ, ‘Nuso nɛ anyeeŋ wora m ba fo kutɔ?’

Ɛfesesebi 1:6

Men shin nɛ an baa di Ebɔrɛ epaŋ ŋkpal mbe le be mamachi be kuwɔr be kakɛ nɛ e bɔla mo Pibinyɛn shaso so n ta ŋ kɛ anyi na so.