Nshɛ 59:16 - EBƆRƐ BE KAWƆL

¹⁶ Ama ma ere beeŋ boŋ kasha a laŋɛ fo Ebɔrɛ be eleŋgboŋ na be kaplɛa so. Chipurso kikɛ, meeŋ boŋ kashɛ a laŋɛ fo kasha be kaplɛa so. Ŋkpal manɛ so, fo e la ma ekumpo, kakpa nɛ mee shile a ŋana ashi tɔrɔ be jemanɛ.

Nshɛ 59:16 ပူးပေါင်းရင်းမြစ်များ

2 Samuɛl 22:3

Ma Ebɔrɛ na e la ma kejembugboŋ nɛ ma eŋanakpa. Mo kutɔ nɛ ma kumɔlga bee shi. E bee kuŋ ma nna fanɛ kebɛlso be kusɔkuŋso. Mo e naa kɔ a sa ma, nsaa mɔlga ma. Mo e la ma emɔlgapo. Mo e naa kuŋ ma nsaa mɔlga ma, nsaa ta ma a ŋana basa nɛ baa ta eleŋ a tintiŋ basa na so.

Job be kawɔl 15:23

Baaŋ baa kulti a fin ajibi fanɛ ejita, bumo alɛ nsaa nyi fanɛ tentembiri be kachɛ na taga to.

Job be kawɔl 37:23

Ebɔrɛ be eleŋgboŋ na shi ga, anyi alɛ maaŋ tiŋ n wu mo kenishiso. Ama mo alɛ niŋi nna nsaa maa kpɛa edimɛdi to.

Nshɛ 101:1

O Enyɛnpe Ebɔrɛ, meeŋ boŋ kashɛ a laŋɛ fo kasha nɛ keji asheŋ nɛ amo be ekpa so be kaplɛa so.

Nshɛ 106:8

Ama e daŋ mɔlga bumo, fanɛ kananɛ e nase kɔnɔ na; nseŋ ŋini bumo mbe eleŋgboŋ.

Nshɛ 138:7

Nɛ etɔrɔ baŋ kulti ma n wɔtɔ gba, fo e naa kuŋ ma ashi bedoŋ nɛ b nya agbo n wɔtɔ ma be enɔ to. Fo gbagba be enɔ lempo na e naa shin nɛ mee nya ma kumu a ji.

Nshɛ 143:8

Ŋkpal ŋ ka ta ma yirda n deŋi fo so so, shin nɛ m baa nyiŋi fo kasha nɛ k maa loge na be asheŋ kachipurso kikɛ. Mee kule fo nna nɛ fo ŋini ma ekpa nɛ meeŋ baa bɔla so a wora asheŋ.

Nshɛ 145:11

Baaŋ baa ji fo kuwurji be kemaŋkura be asheŋ; bumo alɛ beeŋ baa malga fo eleŋgboŋ be asheŋ.

Nshɛ 21:13

Enyɛnpe Ebɔrɛ, kemaŋkura e baa la fo peya. Anyeeŋ boŋ nshɛ m maŋkura fo ŋkpal fo eleŋgboŋ na so.

Nshɛ 30:5

E maa nya agbo a chɛr; Mbe kelela bre wɔtɔ nna n sa esa saŋɛ nɛ e wɔ ŋkpa to kikɛ. Kushu beeŋ tiŋ m ba kanyɛso, ama kare tea ka chɛ nɛ kagbenefuli ba.

Nshɛ 31:7

Ma kagbene beeŋ fuli ma, nɛ n ji eyur ŋkpal fo kasha nɛ k maa loge na so. Fo wu ma etɔrɔ nɛ awurfoŋ nseŋ chɛ ma to.

Nshɛ 36:5

Enyɛnpe Ebɔrɛ, fo kashenteŋji nɛ kasha nɛ fo kɔ a sa basa shi ga. Kumo alɛ maa chɛrga; k bee fo kaplɛkama, hale esoso nɛ awɔlpa to kikɛ.

Nshɛ 4:1

Enyɛnpe Ebɔrɛ nɛ fo la ma ekumpo, nu ma kekule. N daa wɔ tɔrɔ to nna nɛ fo chɛ ma to. Amoso wu ma kuwɔr nseŋ nu ma kekule.

Nshɛ 46:1

Ebɔrɛ e la anyi be ekumpogboŋ saŋkikɛ, nsaa sa anyi eleŋ. Mo e wɔtɔ saŋkama a chɛ anyi to tɔrɔ be jemanɛ.

Nshɛ 5:3

Kachipurso kikɛ fee nu ma kekule nna. Mee ta ma asheŋ tirso nna a ba kaa nase fo anishito, nsaa jo fo atuwebi.

Nshɛ 77:2

Enyɛnpe Ebɔrɛ na nɛ mee kule tɔrɔ be jemanɛ; mee maŋ ma enɔana so kanyɛ na kikɛ nna ashi kabɔrɛkule to, ama n daa maŋ nya kagbenewushi.

Nshɛ 86:13

Ŋkpal manɛ so, kasha nɛ fo kɔ n sa ma na shi alegaiso! Fo mɔlga ma ashi luwu gbagba to.

Nshɛ 88:13

Ama fo Enyɛnpe Ebɔrɛ na nɛ mee shu a tre kachipurso kikɛ fanɛ fo chɛ ma to.

Nshɛ 89:1

O Enyɛnpe Ebɔrɛ, meeŋ baa boŋ nshɛ a laŋɛ fo kasha nɛ k maŋ kɔ ekar na be kaplɛa so jemanɛ kikɛ. Ma alɛ beeŋ naa ber fo kashenteŋji na be kebomboŋ mbaanaayɔ.

Ɛksodɔs 15:6

O, Enyɛnpe Ebɔrɛ, fo enɔ jisa so nɛ kumo be eleŋ kɔ kufu ga na nɛ fo ta m buri fo doŋana to cheche.

Jɛremaya 30:7

Ma basa, k maŋ chɛr, menyeeŋ ji awurfoŋ nɛ k chɔ kekama nɛ men daŋ ji ŋ ku so, ama ma alɛ beeŋ mɔlga menyi.”

Romebi 15:9

Loŋ e naaŋ shin nɛ nnyamase e maŋkura Ebɔrɛ ŋkpal mbe kuwɔr so fanɛ kananɛ abɔrɛsibɛ na bee kaŋɛ le na: “Ŋkpal le so meeŋ baa wɔ nnyamase to a di fo Ebɔrɛ epaŋ. Meeŋ boŋ nshɛ n dele fo ketre.”

2 Kɔrintebi 1:10

Loŋ be kenishipere lubi be asheŋ na to nɛ e daŋ mɔlga anyi ashi to, mo alɛ beeŋ naŋ mɔlga anyi. An ta anyi be tama nna n deŋi mo so fanɛ e beeŋ naŋ lɔŋɛ m mɔlga anyi

Ɛfesesebi 3:20

Kemaŋkura e baa wɔ Ebɔrɛ nɛ mbe eleŋ wɔ anyi to a tiŋ a wora asheŋ ga a chɔ kananɛ anyeeŋ tiŋ m pin ŋ kule mo ŋko n tiŋ n fɛ amo be nfɛra gba na so.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.

1 Samuɛl 17:37

Enyɛnpe Ebɔrɛ na ka baŋ mɔlga ma ashi ebuluŋ nɛ eshishiri to ere bre, e beeŋ mɔlga ma ashi Filisti be kanyɛn ere gba be enɔ to.” Nɛ Sɔɔl malɛ kaŋɛ mo le: “Enyɛnpe Ebɔrɛ na beeŋ chɛ fo to, amoso baa yɔ n ya kɔ mo.”