Nshɛ 58:3 - EBƆRƐ BE KAWƆL

³ Yili men be kakurgeachɛ kikɛ m ba fo mbre, men wɔtɔ nna a wora alubi nsaa ku efɛ.

Nshɛ 58:3 ပူးပေါင်းရင်းမြစ်များ

Job be kawɔl 15:14

Dimɛdi kikɛ maŋ wɔtɔ nɛ e maŋ wora kulubi nsaa la esa niŋiso Ebɔrɛ be anishito.

Nshɛ 22:10

B ka kurge ma kikɛ fo enɔ to nɛ n wɔ; fo alɛ e la ma Ebɔrɛ saŋkikɛ.

Nshɛ 51:5

Kachɛ nɛ b kurge ma na kikɛ nɛ n la alubiworapo.

Nshɛ 55:10

B du nna fanɛ bekumpo ka kulti kumo be egbal n wɔtɔ kapa nɛ kanyɛ na. Asheŋ lubi nɛ tɔrɔ e bɔlɔ kadegboŋ na to.

Aŋasa 22:15

Kasogberge be kuchuchɔ e naa ju kawulisheŋ nɛ k bɔlɔ kebia to.

Aizaaya 46:3

Israɛl be basa, nɛ men la ma basa nɛ b ka a wɔ ŋkpa to, men nu nfe! Jemanɛ nɛ b kurge menyi m ba fo mbre na kikɛ nɛ mee keni menyi so.

Aizaaya 48:8

N nyi menyi ka la basa nɛ esa maaŋ tiŋ n yirda, nseŋ naa la basa nɛ baa lar ma kaman, yili jemanɛ nɛ n ta menyi ŋ ki efuli n sa ma kumu na. Amoso nɛ menyi maŋ wora ania nɛ men nu kusɔ nɛ ŋ kaŋɛ menyi na.

Maika 2:1

Asheŋ maaŋ nyalɛ n sa bekama nɛ baa dese bumo be edesekpa a kre asheŋ lubi be kewora be ŋkre na. Kanyɛso nɛ baa kaa kre loŋ be asheŋ na, nɛ kare e chɛ nɛ b wora amo ŋkpal b ka kɔ eleŋ so.

Ɛfesesebi 2:3

Loŋ malɛ nɛ anyi kikɛ gba daa du saŋko a wɔ amo to a wora anyi be kapɔr lubi ere be aparsheŋ nsaa wora kumo be ayɛlgasɔ a fɛ kumo be nfɛra. Ŋkpal anyi be kapɔr lubi ere so anyi alɛ gba daa du fanɛ ekama nna a wɔ Ebɔrɛ be demuji be agbo to.