Nshɛ 58:10 - EBƆRƐ BE KAWƆL

¹⁰ Nɛ belelaworapo baŋ wu alubiworapoana ka nya bumo be alubi be kasogberge, bumo be ŋgbene beeŋ fuli bumo nɛ b fɔr bumo be aya ashi bumo doŋana na be ŋklaŋ to.

Nshɛ 58:10 ပူးပေါင်းရင်းမြစ်များ

Job be kawɔl 22:19

Ebɔrɛ be basa be ŋgbene bee fuli basa nɛ b kini Ebɔrɛ be kasogberge so nna nɛ baa ji eyur kagbenefuliso a kaŋɛ le,

Job be kawɔl 29:6

N daa nya kenyipochu damta ga nna ashi ma ana nɛ mboe to, nseŋ daa nya ŋku ga ashi ma ɔlif be ndibi be asɔrso to.

Nshɛ 107:42

Menyeeŋ wu le be asheŋ ere nɛ menyi be ŋgbene e fuli, ŋkpal men ka bee wora Enyɛnpe Ebɔrɛ na kasonu so. Ama kumukpakpasowuraana bre maaŋ nya nnɔ bugi gba.

Nshɛ 52:6

Nɛ basa cheembi e wu loŋ be kusɔ nɛ k bee keta kufu ere nseŋ mushe ŋ kaŋɛ le:

Nshɛ 64:10

Basa nɛ baa wora asheŋ niŋiso na beeŋ ji eyur ŋkpal kusɔ nɛ Enyɛnpe na wora so; nseŋ ta bumo be amu ŋ ŋana Enyɛnpe na to.

Nshɛ 68:23

Saŋɛ na so anyeeŋ chichi bumo be ŋklaŋ to nɛ an be njɔnɔ malɛ e bure bumo be awibi to.

Nshɛ 91:8

Fo anishi nɛ feeŋ ta n wu kasogberge nɛ kumukpakpasowuraana beeŋ nya.

Aŋasa 10:25

Afugboŋ bee ba nna m ba kaa ber alubiworapoana a lɛ, ama beshenteŋjipo bre bee nya kumɔlga nna saŋkama.

Aŋasa 11:10

Beshenteŋjipo baŋ dii dama, bumo be kade to ebi kikɛ be ŋgbene bee fuli bumo nna. Alubiworapo malɛ baŋ wu mbe kade to ebi be ŋgbene bee fuli bumo nna.

Ditɛronɔmi 32:43

Efuli pɔtɛana be basa, a daga fanɛ men tu Enyɛnpe Ebɔrɛ na be basa n ji eyur, ŋkpal manɛ so, e bee gberge bekama nɛ b mɔ mbe basa kusoe nna. Mo e naa bishi mo doŋana kuwule nsaa ta mbe basa be alubi a paŋ bumo na.”

Kelaraŋŋini 14:20

Nɛ b nyaŋ asɔrso na ashi kusɔ nyaŋasɔrso na to ashi kadegboŋ na be ekarso nɛ ŋklaŋ lar asɔ na to ashi amo be kemaŋ na to n teŋi to n dese n fo emayɛl alfa anyɔ nɛ amo be jeŋgreŋ malɛ daŋ fo fanɛ kekargato be ayadra anu.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

Demujipoana 5:31

Enyɛnpe Ebɔrɛ, shin nɛ fo doŋana kikɛ e mur fanɛ Sisɛra na! Ama shin nɛ bekama nɛ baa sha fo na e baa du fanɛ epeŋi ka bee pete na! Ndoŋ nna nɛ kayurwushi naŋ ba efuli na so beeŋ wora nfɛ adena.