Nshɛ 57:4 - EBƆRƐ BE KAWƆL

⁴ N wɔ bedoŋ nɛ b du fanɛ ebuluŋ, nɛ baa kpɛa basa to na to nna. Bumo be anyii du fanɛ atanyembi nɛ akpa nna. Nɛ bumo be adonduloŋ bee ji fanɛ etokobi.

Nshɛ 57:4 ပူးပေါင်းရင်းမြစ်များ

Job be kawɔl 41:14

Esa kikɛ maŋ shuli m bugi kumo be kɔnɔ, ŋkpal manɛ so, kumo be kɔnɔ to be anyi bee keta kufu nna.

Nshɛ 10:9

Baa jo bumo be eŋanakpa nna fanɛ buluŋ na, a tɛ basa nɛ b maaŋ tiŋ m mɔlga bumo be amu nɛ b tɔr bumo be ajigbelɛ to, nɛ b pɛ bumo.

Nshɛ 35:17

Enyɛnpe Ebɔrɛ, feeŋ ba tase a keni nɛ b baa wora ma le a? Mɔlga ma ashi basa lubi ere be enɔ to. Mɔlga ma ŋkpa ashi basa nɛ b du fanɛ ebuluŋ ere be enɔ to.

Nshɛ 43:3

Shin nɛ fo kefulto nɛ k bee shin nɛ mee pin fo na, nɛ fo kashenteŋ na e baa ŋini ma fo ekpa na. Shin nɛ a baa juŋkpar ma a ba fo lambu nɛ fo wɔ kumo to ashi kebee cheembi nɛ baa tre Zayɔn nɛ k wɔ Jerusalɛm na to.

Nshɛ 52:2

Asheŋ lubi nɛ fee kre saŋkikɛ; fo kudonduloŋ fɛpo na bee ji fanɛ bɔrfɔ nna.

Nshɛ 55:21

Mbe kamalga wɔ ebel nna fanɛ mushoŋ; ama kekishi e bɔlɔ mbe kagbene to nɛ e wora shiriya nɛ e ta tokobi ŋ kɔ ma.

Nshɛ 58:6

Mee ŋana bedoŋ nna fanɛ ebuluŋ na. Enyɛnpe Ebɔrɛ, buri bumo anyii nɛ a du fanɛ ebuluŋ be anyii na.

Nshɛ 59:7

Nu mmalga nɛ a bee lar bumo be nnɔ to. Asɔ nɛ baa kaŋɛ bee besa nna fanɛ b ka da esa kasaŋɛ na. Baa kaŋɛ bumo be amu nna fanɛ esa kama maa nu kusɔ nɛ baa kaŋɛ na.

Nshɛ 64:3

Bumo be atuwebi bee besa nna fanɛ b ka ŋe esa kasaŋɛ na, nɛ bumo be mmalga du fanɛ b ka da esa ketanyembi na.

Aŋasa 12:18

Esa nɛ e maa fɛ nfɛra pɔɛŋ nsaa malga be mmalga bee besa nna fanɛ b ka ŋe esa kasaŋɛ nna, ama enyiashempo be mmalga bre bee wushi ebesa nna.

Aŋasa 25:18

Keji efɛ be shɛda ŋ gbiti esa du nna fanɛ fo ka da mo kasaŋɛ ŋko ketanyembi ŋko ŋ ŋe mo kedibi nna.

Aŋasa 28:15

Ewura lubi nɛ e bee tɔrɔ betirpo du nna fanɛ buluŋ nɛ e bee ponte to na, ŋko shishiri nɛ akoŋ kɔ.

Aŋasa 30:14

Basa ko be kebaawɔtɔ e la kebaa kɔ kumu kpakpaso a mɛaŋ betirpo nɛ bebɔlpo.

Jeems 3:6

To, nyiŋgbasa be kudonduloŋ malɛ gba du fanɛ edɛ nna. K la kusɔbi nna a wɔ esa be kɔnɔ to, ama kumo alɛ kulubi be yiri kikɛ e bɔla kumo to a shin nɛ alubi na bee sɔ mbe eyur kikɛ to a jija mbe kebaawɔtɔ kikɛ nyam. K du fanɛ kudonduloŋ na ka kɔ edɛ nna nɛ edɛ na malɛ shi Setani gbagba kutɔ a chɔɔ basa.

Kelaraŋŋini 19:15

Ndoŋ nna nɛ tokobi jiso ko mo nɛ e beeŋ ta ŋ ŋe efuliana so ebi n nase lar mbe kɔnɔ to. E beeŋ ta kagbene kpakpaso n ji kuwura bumo so. Mo gbagba e naaŋ nyaŋ asɔ nɛ a wɔ Enyɛnpetale Ebɔrɛ be agbo be kusɔ nyaŋasɔrso na to.

Demujipoana 9:20

Ama nɛ fanɛ kusɔ nɛ men wora Gidiɔn nɛ mbe kanaŋ ere maŋ daga, kumo ere edɛ e shi Abimelɛk kutɔ m ba chɔɔ menyi, Shɛkɛm be benimu nɛ bɔrɛmatapoana nɛ benapo nimusoana na m mur. Kumo be kaman nɛ edɛ e shi menyi alɛ gba kutɔ n chɔɔ Abimelɛk m mur!”