Nshɛ 56:7 - EBƆRƐ BE KAWƆL

⁷ Enyɛnpe Ebɔrɛ, sa maŋ shin nɛ b ta bumo be amu n ji kikɛ. Ŋkpal manɛ so, fo baaŋ nya agbo, fee mur efuliana na nna.

Nshɛ 56:7 ပူးပေါင်းရင်းမြစ်များ

Nshɛ 36:12

Keni kakpa nɛ belubiworapoana, tɔr a dese. Bumo alɛ maaŋ naŋ tiŋ n wora shɛŋ kikɛ.

Nshɛ 37:32

Belubiworapo bre bee ŋana nna a fin basa lela nɛ b mɔ.

Nshɛ 49:6

Bumo ere yirda asɔ nɛ b kɔ nna nsaa puchi ŋkpal bumo be kedamaya so.

Nshɛ 55:15

Alubi e naa ji bekama nɛ b kishi ma na so eleŋ. Amoso shin nɛ luwu e purgi bumo nɛ b yɔ nchaŋ to nɛ b kraa keni.

Nshɛ 55:23

Ama fo Enyɛnpe Ebɔrɛ beeŋ ta basa nɛ b maa shu basa so na bre n lɛ kemaŋ chiŋgeliŋ nɛ k maŋ kɔ ekar na to, pɔɛŋ nɛ bumo be saŋɛ e fo. Ma ere yirda fo nna.

Nshɛ 55:9

Enyɛnpe Ebɔrɛ, shin nɛ ma doŋana e wulto to. Jija bumo be ŋkre kikɛ. Kumukpakpaso nɛ kebaamaashu basa so nawule nɛ mee wu, ashi kadegboŋ na to.

Nshɛ 59:4

M maŋ wora kulubi kikɛ, ama b wora shiriya nɛ b kɔ ma. Keni ma awurfoŋ nɛ mee ji ere so nseŋ wora kusɔ ko n chɛ ma to.

Kaŋinichiŋgeliŋ 8:8

Esa kama maŋ kɔ eleŋ luwu so ŋko nɛ e tiŋ n chɛrga mbe kaluwuachɛ. Luwu la kena nɛ esa kama maaŋ tiŋ n shile kumo nna, loŋ koŋwule na e la esa nɛ e bee wora alubi. Mbe alubi beeŋ ba dii efuli kachɛ ko.

Aizaaya 28:15

Menyee ka kaŋɛ fanɛ menyi ere nɛ luwu wora kɔnɔ nna, nɛ menyi nɛ basa nɛ b wu n yɔ bubuni to be nnɔ wora kukoŋwule. Men yirda fanɛ jɛrbi kama nɛ k beeŋ ba maaŋ wora menyi shɛŋ ŋkpal efɛ nɛ kafule be kebaawɔtɔ nɛ men wɔtɔ na so.

Jɛremaya 10:25

Shin nɛ fo agbo e laŋɛ efuliana nɛ b kini kesɔ fo fanɛ bumo be Ebɔrɛ a maa shuŋ fo na. Ŋkpal manɛ so, b mɔ fo basa m mur cheche n shin nɛ anyi be efuli bure a dese fuloŋ.

Jɛremaya 7:10

Menyi alɛ naa wora asheŋ nɛ ŋ kishi nna nsaa ba m ba kaa yili ma anishi to ashi ma bɔrɛlambu to a kaŋɛ le, ‘Sheŋ maaŋ wora anyi!’

Habakuk 1:13

Ama fo maaŋ tiŋ a keni nɛ kulubi e baa wora a yɔ. Fo anishi du cheembi ga nɛ a baa wu asheŋ lubi. Ama fo wora shruum a keni basa lubi nɛ b maŋ kɔ yirda ere nɛ baa mur basa nɛ b niŋi a chɔ bumo.