Nshɛ 56:6 - EBƆRƐ BE KAWƆL

⁶ Baa ŋana a pugi nna a kɔ ma. Baa dara keya kama nɛ n tia nna, a fin kananɛ baa nya ma m mɔ.

Nshɛ 56:6 ပူးပေါင်းရင်းမြစ်များ

Job be kawɔl 14:16

Kumo be kaman nɛ fo baa keni aya nɛ meeŋ baa tia, ama fo maaŋ baa karga ma alubi a nase.

Job be kawɔl 16:10

Basa bee gbɛlɛ ma nna nsaa mɛr nnɔ a ŋini ma. Baa gama nna a kpa ma anishito etaŋ nsaa wora ma eyurto.

Job be kawɔl 31:4

Mo alɛ nyi kusɔ kama nɛ mee wora, nsaa wu keya kama nɛ mee tia.

Nshɛ 140:2

Ŋkre lubi e wɔ bumo be ŋgbene to, nɛ baa bar kebagato karechɛ kikɛ.

Nshɛ 37:32

Belubiworapo bre bee ŋana nna a fin basa lela nɛ b mɔ.

Nshɛ 57:6

Bedoŋ bee fe ma ajigbelɛ nna a da ma a lɛ. Baa kur amaŋ chiŋgeliŋ ma ekpa to nna, nsaa kilgi a tɔr amo to bumo gbagba.

Nshɛ 59:3

Enyɛnpe Ebɔrɛ, keni kananɛ b ŋana m pugi a jo ma. Basa lubi bee kre ma ŋkre lubi nna, a fin ma nɛ b mɔ. Ma alɛ maŋ wora bumo shɛŋ, ŋko n wora kulubi ko n da bumo so.

Nshɛ 71:10

Bedoŋ bee malga a gbiti ma nna; b shɛr nna a kre ma kemɔ be nia.

Nshɛ 89:51

O Enyɛnpetale Ebɔrɛ, fo doŋana bee tege ewura nɛ fo lara n sa fo kumu nna na. Kaplɛkama nɛ e yɔ, baa tege mo nsaa wora mo eyurto nna.

Aŋasa 24:15

Sa maa kɔ kumu kpakpaso fanɛ belubiworapo nɛ baa yuri basa lela be asɔ, ŋko a suge bumo be nwu na.

Aizaaya 54:15

M maaŋ naŋ shin nɛ esa kikɛ e kɔ kena ashi fo kadegboŋ na to. Bekama nɛ baaŋ kɔ menyi kena maaŋ tiŋ m pɔɔ menyi so kikɛ.

Jɛremaya 20:10

Mee nu ekama ka bee kuli a kaŋɛ le: “Kufugboŋ e sɔ kaplɛkama! Amoso men shin nɛ an potii Jɛremaya n sa benimuana na!” N teri kpakpasoana gba bee jo nna nɛ n wora n da so. Kusɔ nɛ baa kaŋɛ e la fanɛ: “Ashere esa beeŋ tiŋ n fule Jɛremaya nɛ e wora n da so nɛ an nya mo m pɛ ŋ ka mo kukɔ.”

Danɛl 6:4

Amoso Danɛl mo braana nɛ b ka na nɛ egomena na daa fin kananɛ baaŋ wora n nya kusɔ ko nna m malga, ŋ gbiti mo nna. Bumo alɛ daa maŋ nya shɛŋ, ŋkpal manɛ so Danɛl daa la kashenteŋjipo nna nsaa wora asheŋ nɛ amo be ekpa so.

Matiu 26:57

Basa nɛ b daŋ pɛ Yesu na daŋ ta mo nna n yɔ bɔrɛmatapo nimuso Kayafas pe. Ndoŋ nɛ mbraŋinipoana na nɛ benimuana na daŋ ya shɛr.

Matiu 27:1

Kare ka chɛ chipurdidi nɛ bɔrɛmatapowuraana na kikɛ nɛ basa na be benimuana na ya kre Yesu be kemɔ be nia.

Luuk 20:20

Ama bumo alɛ daa ŋana basa na nna. Nɛ b fara a tɛ mo nseŋ shuŋi basa fanɛ b kute n yɔ mo kutɔ fanɛ b ka la basa lela na n ya lute mo kɔnɔ nɛ e malga n da so nɛ b ta mo m bɔɔ gomena nɛ e daa ji na enɔ.