Nshɛ 56:12 - EBƆRƐ BE KAWƆL

¹² Enyɛnpe ma Ebɔrɛ, meeŋ bɛ kɔnɔ nɛ n nase n sa fo na so. Meeŋ ta ma kechɔrɔ be kakɛ m bar fo.

Nshɛ 56:12 ပူးပေါင်းရင်းမြစ်များ

Nshɛ 118:6

Enyɛnpe Ebɔrɛ na ka wɔ ŋ kutɔ so, m maaŋ naa ŋana kufu. Manɛ nɛ dimɛdi beeŋ tiŋ n wora ma?

Nshɛ 119:106

M bɔ ntaŋ n nase kɔnɔ nsaa yil kumo so fanɛ meeŋ wora fo mbra niŋisoana na kasonu.

Nshɛ 21:13

Enyɛnpe Ebɔrɛ, kemaŋkura e baa la fo peya. Anyeeŋ boŋ nshɛ m maŋkura fo ŋkpal fo eleŋgboŋ na so.

Nshɛ 50:14

Ma e la Enyɛnpetale Ebɔrɛ na. Kechɔrɔ, nɛ k baa nase nnɔ nsaa bɛ amo so be esarga nɛ mee sha.

Nshɛ 76:11

Men nase nnɔ n sa Enyɛnpe, menyi be Ebɔrɛ na. Menyi alɛ e wora m bɔlɔ men be nnɔ naseso na so. Enyɛnpe Ebɔrɛ na e daga keŋana, mo e daga fanɛ efuli pɔtɛana nɛ a kulti anyi na kikɛ be basa ka bar ŋkɛ m ba sa mo.

Aizaaya 12:1

Kachako bee ba nɛ basa e boŋ kashɛ ŋ kaŋɛ le: “Mee kpaŋ fo nna, Enyɛnpe Ebɔrɛ! Fo daŋ nya agbo nna n wɔtɔ ma, ama fo yige fo kanya agbo na nsaa lɔlɔ ma.

1 Samuɛl 1:11

nseŋ nase kɔnɔ ŋ kaŋɛ le: “Enyɛnpetale, n la fo kebita nna! Ama kebaawɔtɔ ki ma jiga. Nɛ fo baa maŋ teŋ ma so nseŋ chɛ ma to nɛ n nya ebinyɛn, kumo ere ma alɛ beeŋ laŋɛ mo n sa fo nɛ e baa wɔ fo kutɔ hale n ya fo mbe luwuachɛ. Kusɔ nɛ k beeŋ ŋini fanɛ n ta kebia na ŋ kɛ fo e la fanɛ b maaŋ she mbe emin kikɛ.”