Nshɛ 55:17 - EBƆRƐ BE KAWƆL

¹⁷ Chipurso nɛ kapaso nɛ kanyɛso kikɛ, e bee nu ma nfubel nna.

Nshɛ 55:17 ပူးပေါင်းရင်းမြစ်များ

Job be kawɔl 19:7

Ŋ ka shu ŋ kaŋɛ fanɛ e wora n da ma so, m maŋ nya esa nɛ e tuge ma. Ŋ ka shu n fin kechɛto, esa kikɛ maŋ ji ma asheŋ n sa ma.

Nshɛ 119:62

Mee koso kiidiso nna a kpaŋ fo, ŋkpal fo mbra niŋiso na so.

Nshɛ 141:2

Nu ma kekule fanɛ duwu be efɛa belbelso, nseŋ wu ma enɔana nɛ m maŋ so ere fanɛ kaaseso be sarga nɛ mee lara a sa fo.

Nshɛ 72:12

Ŋkpal manɛ so, e beeŋ kɔ n suge betentaŋasepo nɛ bekama nɛ b wɔ tɔrɔ to nseŋ shu n tre mo na n yige.

Nshɛ 77:2

Enyɛnpe Ebɔrɛ na nɛ mee kule tɔrɔ be jemanɛ; mee maŋ ma enɔana so kanyɛ na kikɛ nna ashi kabɔrɛkule to, ama n daa maŋ nya kagbenewushi.

Nshɛ 88:13

Ama fo Enyɛnpe Ebɔrɛ na nɛ mee shu a tre kachipurso kikɛ fanɛ fo chɛ ma to.

Nshɛ 92:2

Keber mbe kasha be asheŋ be kebomboŋ kachipurso, nɛ mbe kashenteŋji be asheŋ kanyɛso gba walɛ ga.

Nfabel 3:8

Ŋ ka shu awɔrso ŋ kule mo fanɛ e chɛ ma to, e kini kenu ma kekule nna.

Danɛl 6:10

Danɛl ka nu mbra na be asheŋ nɛ e yɔ epe. Mbe laŋ to be kuchoŋi be esoso be ebu be etokuro malɛ daŋ shoŋi Jerusalɛm be kaba so nna. Ndoŋ nna nɛ e gbir etokuro na ase a kule Ebɔrɛ fanɛ kananɛ e chɛr a wora na. E bee kaa gbir ndoŋ nna a kule Ebɔrɛ ale asa karechɛ kikɛ.

Danɛl 6:13

Ndoŋ nna nɛ b kaŋɛ ewura na le: “Basa nɛ b pɛ kena to ashi Juda m ba nfe na be emo nɛ baa tre Danɛl na bre maa bunyaŋ fo kuwura ŋko a bɛ mbra nɛ fo nase na so. Karechɛ kikɛ ale asa nɛ e bee kule Ebɔrɛ.”

Maak 1:35

Ŋklade kachipurdidi pɔɛŋ nɛ kaboŋ bugi to nɛ Yesu koso n lar kowu n yɔ ketamanto mo nawule n ya kule Ebɔrɛ.

Maak 6:46

E ka kela bumo n loge nɛ e yɔ kebeebi ko so nɛ e ya kule Ebɔrɛ.

Maak 6:48

E wu fanɛ ekuloŋ na be kefar ka bee nu mbe bebɛsopo, ŋkpal manɛ so, afu daa kpata kumo nna. Amoso, koshinyɛn juŋkparso e nite nchu na so m ba bumo kutɔ.

Ashuŋ Shunso 10:3

Kachako kapaso, fanɛ kerfi asa be jemanɛ nɛ e ku bɔrɛdare ko n wu Ebɔrɛ be malaika geeŋ ka ba kaŋɛ mo: “Kɔɔnilias.”

Ashuŋ Shunso 10:30

Nɛ Kɔɔnilias kaŋɛ: “Kachɛnawase be kapaso, kerfi asa, saŋɛ ere so nɛ mee kule Ebɔrɛ ashi ma pe nɛ kanyɛn ko buu asɔ fuful m ba yili ma anishito nseŋ kaŋɛ ma:

Ashuŋ Shunso 10:9

Kumo be ŋklade b ka ya taga to Jɔpa nɛ Pita malɛ dii kuchoŋi kapaso be jemanɛ nɛ e ya kule Ebɔrɛ.

Ashuŋ Shunso 3:1

Kachako Pita nɛ Jɔn ka bee yɔ bɔrɛlambu na to kapaso kerfi asa, jemanɛ nɛ basa daa yɔ n ya kaa bunyaŋ Ebɔrɛ bumo be kabɔrɛkule to na

Ɛfesesebi 6:18

Jemanɛ kikɛ, men baa kule Ebɔrɛ ashi kiyoyu na to a ta kabɔrɛkule be yiri kikɛ nɛ asheŋ nɛ menyee sha fanɛ a wora kikɛ a kule Ebɔrɛ. Men baa kɔ le be asheŋ ere men be ŋgbene to nsaa keni so a de so nsaa kule Ebɔrɛ saŋkama a sa Ebɔrɛ be basa kikɛ.

1 Tɛsalɔnikaebi 5:17

a kule Ebɔrɛ saŋkama.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.