Nshɛ 54:1 - EBƆRƐ BE KAWƆL

¹ Enyɛnpe Ebɔrɛ, ta fo eleŋ na m mɔlga ma, ŋ ŋini fanɛ m maŋ wora n jija.

Nshɛ 54:1 ပူးပေါင်းရင်းမြစ်များ

2 Kronikɛls 20:6

nseŋ kule Ebɔrɛ le: “O Enyɛnpe nɛ fo la an nananyɛnana be Ebɔrɛ. Fo e naa ji ebɔrɛso nɛ durnya ere be efuli kikɛ so kuwura. Fo alɛ kɔ eleŋ ga nɛ esa kikɛ maŋ wɔtɔ nɛ e beeŋ tiŋ m pɔɔ fo so.

Nshɛ 20:1

Enyɛnpe Ebɔrɛ na, e nu fo kekule saŋɛ so nɛ kebaawɔtɔ ki fo so jiga na. An nananyɛn Jeekɔb be Ebɔrɛ na e baa kuŋ fo.

Nshɛ 26:1

Enyɛnpe shin nɛ n ji n lar; ŋkpal manɛ so, ma kebaawɔtɔ maŋ kɔ mpulɔ kikɛ. Ma yirda kikɛ deŋ fo so nna, ma alɛ maa wora shikashika kikɛ.

Nshɛ 48:10

Fo asheŋ woraso niŋi saŋkama nna, nɛ fo ketre dii nɛ basa bee fur fo ashi durnya ere be kaplɛkama.

Nshɛ 79:9

O Ebɔrɛ nɛ fo la anyi be emɔlgapo, chɛ anyi to! Ŋkpal fo ketre be kemaŋkura so, mɔlga anyi nseŋ ta anyi be alubi m paŋ anyi.

Nshɛ 99:4

Ewura na la esagboŋ nna, nsaa sha kebaaji asheŋ nɛ amo be ekpa so. Mo e yili keji asheŋ nɛ amo be ekpa so ashi Israɛl be efuli so be kaplɛkama.

Ɛksodɔs 23:21

Men baa kaŋ kusoe a nu mbe ebɔl nsaa wora mo kasonu. Men sa maŋ kaŋ wora kulubi kikɛ ŋ gbiti mo. Nɛ men baŋ wora kulubi ŋ gbiti mo, e maaŋ yige m paŋ menyi, ŋkpal manɛ so, ma eleŋ wɔ mo so nna.

Aŋasa 18:10

Enyɛnpe Ebɔrɛ du fanɛ ketempreŋ kuŋso nna nɛ basa nɛ baa wora asheŋ niŋiso bee shile a yɔ mo kutɔ n ya kaa nya kekuŋ.

Aŋasa 23:11

Enyɛnpe Ebɔrɛ gbagba e naa kɔ a mɔlga bumo. Mo alɛ beeŋ yili bumo be katelamu n ji bumo be demu n sa bumo.

Aizaaya 30:27

Enyɛnpe Ebɔrɛ na be eleŋgboŋ nɛ kemaŋkura shi kufɔ kufɔ a ba. Edɛ nɛ edishi e naa ŋini mbe agbo. E malga nɛ mbe kɔnɔ to be mmalga bee chɔ fanɛ edɛ na.

Jɛremaya 50:34

Ama esa nɛ e beeŋ sɔ bumo n yige na kɔ eleŋ. Mbe ketre e la Enyɛnpetale Ebɔrɛ na. Mo gbagba e naaŋ sɔ bumo be kɔnɔ so n shin nɛ kayurwushi e ba bumo be kasawule so nseŋ bar etɔrɔ Babilɔn be basa so.”

Matiu 1:21

E beeŋ kurge ebinyɛn nɛ men nase mo ketre Yesu, ŋkpal manɛ so, mo e naaŋ mɔlga mbe basa ashi bumo be alubi to.”

Matiu 1:23

E yɛ: “Kasuŋgurbia nɛ e maŋ nyi enyɛn beeŋ di kedampo ŋ kurge ebinyɛn nɛ b nase mo ketre Emanuɛl. Kumo be kifito e la fanɛ Ebɔrɛ wɔ anyi kutɔ.”

Matiu 10:21

Basa beeŋ ta bumo niopibiana gbagba n sa nɛ b mɔ nɛ betuto e wora bumo be bibi loŋ. Mbia beeŋ wu bumo nioana nɛ bumo tutoana kedoŋ n ta bumo n sa nɛ b mɔ.

Ashuŋ Shunso 4:12

Yesu na nawule so nɛ anyeeŋ tiŋ n nya kumɔlga. Ebɔrɛ maŋ ta esa kikɛ be ketre durnya ere to n sa basa nɛ b bɔla kumo so n nya kumɔlga she Yesu Kristo nawule peya.”

1 Samuɛl 26:1

Basa ko daŋ shi Ziif nna m ba Sɔɔl kutɔ ashi Gibia m ba kaŋɛ mo fanɛ Deevid ŋana kebeegboŋ nɛ baa tre Hakila nɛ k mata Jeshimɔn na ase ashi Juda be efuli so be kiyi to be ekarso.