Nshɛ 53:6 - EBƆRƐ BE KAWƆL

⁶ Mee jo saŋɛ nɛ esa ko beeŋ shi Zayɔn m ba mɔlga Israɛl nna. Anyi be Ebɔrɛ, fo baŋ naŋ nɛfa fo basa, Jeekɔb be kanaŋ to ebi be ŋgbene beeŋ fuli bumo, nɛ Israɛlebi e ji eyur.

Nshɛ 53:6 ပူးပေါင်းရင်းမြစ်များ

Ɛzra 3:11

Le be kapandi be kashɛ nɛ b daa boŋ a fur Enyɛnpe Ebɔrɛ na: “Enyɛnpe Ebɔrɛ na walɛ; Kasha nɛ e kɔ n sa Israɛl na maŋ kɔ ekar.” Ndoŋ nna nɛ basa na kikɛ fara a kpaŋ Enyɛnpe Ebɔrɛ na awɔrso, ŋkpal b ka tɔl mbe lambu na be gbaltɔlase so.

Nehemaya 12:43

Ebɔrɛ daŋ shin nɛ basa na be ŋgbene fuli bumo nna ga, amoso b daŋ ji bumo be amu nna nseŋ lara esarga damta n sa Ebɔrɛ. Beche nɛ mbia kikɛ daŋ ti kayurji na so nna. Esa daa wɔ kufɔ nɛ Jerusalɛm be kadegboŋ na gba e daa beeŋ nu awɔr nɛ basa na daa wora kagbene fuli so na.

Job be kawɔl 42:10

Job ka kule Ebɔrɛ n sa mo nekpaana na be kaman, nɛ Enyɛnpe Ebɔrɛ na naŋ shin nɛ e naŋ nya asɔ nɛ e daa kɔ nseŋ paŋ amo na be kekama be ntuŋ anyɔso nseŋ naŋ dii kedama ga n ti so.

Nshɛ 14:7

Israɛl be kumɔlga beeŋ shi Zayɔn nna. Enyɛnpe Ebɔrɛ na e naŋ shin nɛ asheŋ e naa nite nɛnɛ n sa bumo; nɛ Israɛlebi be ŋgbene e fuli bumo ga.

Nshɛ 50:2

Ebɔrɛ wɔ kadegboŋ nɛ k walɛ ga, nɛ baa tre kumo Jerusalɛm na to a kpa edɛ pɛlpɛl nna.

Nshɛ 85:1

O Enyɛnpe Ebɔrɛ, fo e nɛfa fo kasawule nseŋ shin nɛ kusɔ kama nite nɛnɛ n sa Israɛlebi nɛ b la Jeekɔb be kaman to ebi na.

Aŋasa 28:1

Basa lubi bee shile nna nsaa gbɛ a keni fanɛ esa ko ka bee ju bumo na, ama basa nɛ baa wora asheŋ niŋiso bre bee nite kenyɛnso nna fanɛ buluŋ na.

Aizaaya 12:6

Esa kama nɛ e wɔ Zayɔn to e boŋ kashɛ awɔrso; ŋkpal manɛ so, Israɛl be Ebɔrɛ cheembi na shi ga, nsaa wɔ mbe basa to a chɛ bumo to.”

Aizaaya 14:32

Nɛ fanɛ kabɔ ko shi Filisti be efuli so m ba menyi kutɔ, a daga fanɛ men kaŋɛ mo le: “Enyɛnpe Ebɔrɛ na e pɔr Zayɔn, nɛ mbe basa to be etirpo gba e nya a wɔ ndoŋ nɛ shɛŋ maaŋ tɔrɔ mo.”

Jɛremaya 30:18

Ade kikɛ be kaman, nɛ Enyɛnpe Ebɔrɛ na kaŋɛ le: “Meeŋ naŋ bɛta ma basa m ba bumo be kasawule so nseŋ wu bumo be kanaŋ kama to be basa kuwɔr. Baaŋ naŋ lɔŋɛ Jerusalɛm nɛ k bure a dese ere m pɔr, nseŋ pɔr kumo to be ewurkpa n yili kumo be kakpa.

Jɛremaya 31:23

Enyɛnpetale, Israɛl be Ebɔrɛ na yɛ: “Ŋ kaŋ bɛta basa na m ba chena bumo gbagba be kasawule so n loge, baaŋ naa kaŋɛ le ashi nde nɛ a wɔ Juda be kasawule so na: ‘Ebɔrɛ e nɛfa Zayɔn be kebee nɛ bɔrɛlambu na nɛ ewura be laŋ yil so ashi Jerusalɛm nɛ k la kakpa cheembi nɛ e wɔ na.’

Jowɛl 3:1

Enyɛnpe Ebɔrɛ na yɛ: “Loŋ be jemanɛ na, meeŋ nɛfa Jerusalɛmebi ashi Juda be efuli so kikɛ, n shin nɛ asheŋ e naŋ nyalɛ n sa bumo.

Levitikɔs 26:17

Ma alɛ beeŋ lar menyi kaman, saŋɛ na so, men doŋana beeŋ pɔɔ menyi so. Basa nɛ b kishi menyi beeŋ ji menyi so kuwura nɛ kufu e pɛ menyi nɛ men baa chicha a shile jemanɛ nɛ ekama maŋ ju a buu menyi so.

Levitikɔs 26:36

Meeŋ shin nɛ kufugboŋ ko e tɔr menyi nɛ men wɔ efuli pɔtɛ nɛ men doŋana nyaŋ menyi nɛ men ya ka wɔ so na. Nɛ afu ber kefantaŋ gba nɛ men nu kumo be egbri menyeeŋ lara keya n shile. Menyeeŋ bir to n shile fanɛ b ka bee ju menyi kena to na n ya tɔr jemanɛ nɛ edoŋ kikɛ maŋ taga menyi to gba.

Eemɔs 9:14

Saŋɛ na so meeŋ naŋ bɛta ma basa m ba bumo be kasawule so. Nɛ b naŋ lɔŋɛ m pɔr bumo be nde nɛ a bure na, nseŋ chena amo to. Baaŋ du asɔrso nɛ baa tre greep na nsaa wora amo be nsa a nu. Baaŋ dɔ ndɔana nsaa ji kusɔ kama nɛ b duu amo to.