Nshɛ 53:5 - EBƆRƐ BE KAWƆL

⁵ Kufu beeŋ pɛ menyi a chɔ kananɛ k daŋ pɛ menyi dra na. Ebɔrɛ beeŋ farnyaŋ mo doŋana be awibi to nɛ anishinyɔr e pɛ menyi ŋkpal Ebɔrɛ ka kini menyi so.

Nshɛ 53:5 ပူးပေါင်းရင်းမြစ်များ

Job be kawɔl 15:21

Asheŋ nɛ e bee keta kufugboŋ na nawule be asheŋ nɛ baa nu saŋkikɛ. Jemanɛ nɛ asheŋ bee nite nɛnɛ a sa bumo na nɛ beyu nɛ baa suge basa be asɔ na bee baa kaa suge bumo be asɔ.

Nshɛ 14:5

Menyi alɛ nɛ kufu nɛ keyeŋiyeŋi nna, ŋkpal manɛ so, Ebɔrɛ wɔ basa nɛ baa wora asheŋ niŋiso kutɔ nna.

Nshɛ 141:7

Kananɛ baa baŋɛ ndibi to wurwurbi na nɛ bumo be awibi beeŋ buri to n dese nchaŋ be nnɔ ase.

Nshɛ 2:4

Ebɔrɛ tase mbe kuwurputi so esoso nna ŋ kplaŋ bumo so, nsaa mushe bumo.

Nshɛ 35:26

Shin nɛ bumo nɛ bumo be ŋgbene bee fuli ŋkpal ma awurfoŋ so na be nfɛra e wea to nɛ b kɔ n tɔr cheche. Shin nɛ bumo nɛ baa kaŋɛ fanɛ b bɔ ma na e ji nyɔmɔ nseŋ sipa.

Nshɛ 35:4

Shin nɛ bekama nɛ baa fin ma nɛ b mɔ na e ji anishinyɔr nseŋ kɔ n tɔr. Shin nɛ bekama nɛ baa kre ma ŋkre lubi na kikɛ e wulto m bɛta kaman.

Nshɛ 40:14

Wul basa nɛ baa fin ma nɛ b mɔ na be nfɛra to nseŋ shin nɛ b ji anishinyɔr. Shin nɛ bekama nɛ baa fin ma luwu na e sipa.

Nshɛ 73:20

Baaŋ baa du fanɛ edare nɛ kare beeŋ chɛ nɛ k choŋ na nna. O Enyɛnpe Ebɔrɛ, fo baŋ kpa n niŋi to, baaŋ foe fanɛ afu.

Aŋasa 28:1

Basa lubi bee shile nna nsaa gbɛ a keni fanɛ esa ko ka bee ju bumo na, ama basa nɛ baa wora asheŋ niŋiso bre bee nite kenyɛnso nna fanɛ buluŋ na.

Jɛremaya 49:15

Enyɛnpe Ebɔrɛ na malɛ beeŋ shin nɛ men ki basa pɔso nɛ esa kama maaŋ naa sa menyi bunyaŋ.

Nfabel 2:6

E daŋ shin nɛ mbe bɔrɛlambu nɛ anyee shuŋ mo kumo to na daŋ bure n tɔr nna fanɛ kudɔtobuu na. Nseŋ shin nɛ nchɛgboŋ nɛ kewushiachɛ na be keji ba ekar. Mbe agbogboŋ na so, e daŋ kini ewura na nɛ bɔrɛmatapo na gba nna n lɛ.

Ezikɛl 6:5

Meeŋ pesaŋ Israɛl be basa be bubuni to ashi bumo be agbirana be anishito nseŋ pesaŋ bumo be awibi to ŋ kulti agbirsure na.

Levitikɔs 26:17

Ma alɛ beeŋ lar menyi kaman, saŋɛ na so, men doŋana beeŋ pɔɔ menyi so. Basa nɛ b kishi menyi beeŋ ji menyi so kuwura nɛ kufu e pɛ menyi nɛ men baa chicha a shile jemanɛ nɛ ekama maŋ ju a buu menyi so.

Levitikɔs 26:36

Meeŋ shin nɛ kufugboŋ ko e tɔr menyi nɛ men wɔ efuli pɔtɛ nɛ men doŋana nyaŋ menyi nɛ men ya ka wɔ so na. Nɛ afu ber kefantaŋ gba nɛ men nu kumo be egbri menyeeŋ lara keya n shile. Menyeeŋ bir to n shile fanɛ b ka bee ju menyi kena to na n ya tɔr jemanɛ nɛ edoŋ kikɛ maŋ taga menyi to gba.

1 Samuɛl 14:15

Ndoŋ nna nɛ kufu pɛ Filisti be benapo na ga. Bumo nɛ b wɔ keeyi na to na nɛ bumo nɛ b wɔ kade na be kupuŋ to na gba nɛ benapo nɛ baa ta kena a purgi basa na nɛ benapo nɛ b wɔ anishito a kuŋ keeyi na kikɛ daa chicha kufuso nna, nɛ Ebɔrɛ shin nɛ kasawule gbuŋgbuŋ nɛ keyeŋiyeŋi tɔr bumo so.