Nshɛ 53:2 - EBƆRƐ BE KAWƆL

² Ebɔrɛ wɔ esoso nna a keni kaseto a fin enyiashempo nɛ e bee fin mo ere Ebɔrɛ!

Nshɛ 53:2 ပူးပေါင်းရင်းမြစ်များ

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

2 Kronikɛls 15:2

nɛ e yɔ ewura Asa kutɔ n ya kaŋɛ mo le: “Ewura Asa nɛ Juda nɛ Bɛnjamin be basa, men kikɛ e nu nfe! Men baa nu a sa Enyɛnpe Ebɔrɛ na, mo alɛ beeŋ baa wɔ menyi kutɔ saŋkikɛ. Men baa fin mo, menyeeŋ wu mo, ama nɛ men baŋ pal kaman n sa mo bre, mo alɛ beeŋ yige menyi to.

2 Kronikɛls 19:3

Ama amo nɛ amo kikɛ asheŋ lela ko wɔ fo to. Fo jija kegbirche Ashira be mpɔrduli nɛ basa bee shuŋ na kikɛ, fo alɛ gbagba nsaa wora ania a bɛ Ebɔrɛ be ekpa so.”

Job be kawɔl 28:28

Kumo be kaman nɛ e kaŋɛ edimɛdi le: “Kanyiasheŋ e la keta bunyaŋ gboŋ n sa ma, Enyɛnpe Ebɔrɛ na. Nɛ kelar alubi to malɛ la asheŋ be kepin to.”

Nshɛ 10:4

Belubiworapo be shɛŋ maŋ wɔ Enyɛnpe Ebɔrɛ to. Bumo be kamoowu so, b maa fɛ Ebɔrɛ be asheŋ gba kuraa.

Nshɛ 102:19

“Ebɔrɛso nɛ Enyɛnpe Ebɔrɛ na wɔ nsaa to kenishi a keni kasawule so.

Nshɛ 11:4

Enyɛnpe Ebɔrɛ na wɔ mbe bɔrɛlambu cheembi na to. E tase mbe kuwurputi so ashi ebɔrɛso nna a keni basa kaplɛkama. E bee wu kusɔ nɛ ekama bee wora.

Nshɛ 111:10

Men baa bunyaŋ Enyɛnpe Ebɔrɛ na, ŋkpal manɛ so, ekpa nɛ esa beeŋ bɔla so n nya kanyiasheŋ nna na. Bekama nɛ baa bɛ mbe mbraana so na e naa pin asheŋ to nɛnɛ. Kapandi e baa la mo peya mbaanaayɔ.

Nshɛ 27:8

N yili ma kagbene to nna fanɛ meeŋ fin fo; amoso nɛ m pere kenishi nɛ n wu fo na.

Aizaaya 55:6

Men fin Enyɛnpe Ebɔrɛ na nseŋ kule mo saŋɛ nɛ e taga menyi to ere.

Jɛremaya 16:17

Mee wu kusɔ kama nɛ baa wora nɛ shɛŋ maŋ ŋana ma so. Bumo be alubi maa baŋ ma kenishi so.

Jɛremaya 23:24

Kaplɛkama maŋ wɔtɔ nɛ esa e ŋana ndoŋ nɛ m maaŋ wu mo. Ŋkpal manɛ so, n wɔ ebɔrɛso nɛ kasawule so be kaplɛkama nna.

Ditɛronɔmi 4:6

Men ya ta kashenteŋji n wora amo kasonu nɛ efuli pɔtɛ so be basa na e wu kananɛ menyi be kanyiasheŋ du. Nɛ b kaŋ nu mbraana ere be asheŋ, baaŋ kaŋɛ le: ‘Efuligboŋ ere be basa nyi asheŋ nsaa pin asheŋ to pasaa!’ ”