Nshɛ 53:1 - EBƆRƐ BE KAWƆL

¹ Ewulpo nawule e naa kaŋɛ mbe kagbene to fanɛ Ebɔrɛ maŋ wɔtɔ. Loŋ be basa la basa fuloŋ, nɛ b maa wu kuwɔr nna. Bumo alɛ maa wora asheŋ niŋiso kikɛ.

Nshɛ 53:1 ပူးပေါင်းရင်းမြစ်များ

1 Bewura 12:26

Ndoŋ nna nɛ Jeroboam fɛ le: “Kananɛ asheŋ bee nite naniere, nɛ n shin nɛ ma basa bee yɔ bɔrɛlambu na to ashi Jerusalɛm n ya kaa lara esarga a sa Enyɛnpe Ebɔrɛ, baaŋ shile m bɛ Juda be ewura Rehoboam so nseŋ mɔ ma.”

1 Bewura 14:24

B daa kɔ beche nɛ benyɛn be esakale kakpa nɛ baa shuŋ agbir na nna, nɛ Judaebi na daa wora ekishi be asheŋ nɛ basa nɛ Enyɛnpe Ebɔrɛ daŋ ju kasawule na so dra dra, saŋɛ so nɛ Israɛlebi na daa ba nɛ b ba chena kumo so na, daa wora na nna.

Job be kawɔl 14:4

Dimɛdi kikɛ maŋ wɔtɔ nɛ kulubi maŋ wɔ mo to.

Job be kawɔl 15:16

edimɛdi bre nɛ e beeŋ tiŋ n yirda a? Alubi la fanɛ nchu nna n sa anyi edimɛdi nɛ anyee nuu kapa nɛ kanyɛ.

Nshɛ 10:11

Le nɛ baa kaŋɛ bumo be amu: “Ebɔrɛ be shɛŋ maŋ wɔtɔ. E buu mbe anishi so nna. E maa wu anyi.”

Nshɛ 10:13

Manɛ nna nɛ belubiworapo bee keni fo jiga nsaa kaŋɛ bumo be ŋgbene to le: “Ebɔrɛ maaŋ ji anyi demu ŋ gberge anyi kusoe”?

Nshɛ 10:4

Belubiworapo be shɛŋ maŋ wɔ Enyɛnpe Ebɔrɛ to. Bumo be kamoowu so, b maa fɛ Ebɔrɛ be asheŋ gba kuraa.

Nshɛ 10:6

Le nɛ baa kaŋɛ bumo be ŋgbene to: “Shɛŋ shɛŋ maaŋ tiŋ n wora anyi. Anyi be ŋgbene beeŋ baa fuli saŋkama. Asheŋ lubi maaŋ tu anyi kikɛ.”

Nshɛ 88:1

O Enyɛnpe Ebɔrɛ nɛ fo la ma emɔlgapo, kapa nɛ kanyɛ, fo nɛ mee shu a tre.

Nshɛ 92:6

Esa nɛ e maŋ nyi asheŋ maa pin fo asheŋ to; ewulpo malɛ maaŋ tiŋ m pin amo to fanɛ,

Ezikɛl 16:47

Fo baa maŋ kute bumo be kebaawɔtɔ to nna n wora ekishisheŋ nɛ b wora na nawule, ama fo wora amo nɛ a chɔ bumo peya na gba kuraa.”

Ezikɛl 16:51

Samɛria to be basa bre daŋ maŋ wora asheŋ lubi nɛ fo basa wora ere be barga to gba. Fo basa wora asheŋ keshiso a chɔ bumo be basa, n shin nɛ k wora fanɛ fo kurgepoana na be basa la basa lela a chɔ fo basa.

Matiu 5:22

Ama ma e kaŋɛ menyi na fanɛ ekama nɛ e nya agbo n wora mo barkasa a wɔtɔ gba, baaŋ yɛr mo demujipowura be anishito. Ekama nɛ e tege mo barkasa, baaŋ yɛr mo nshɛrwuraana nɛ baa tre Sanhedrinebi be anishito. Nɛ ekama malɛ nɛ e kaŋɛ mo barkasa le: ‘Ewulpo ere!’ Amodoŋwura wora kulubi n daga Setani be edɛ to be keluri.

Luuk 12:20

Ndoŋ nna nɛ Ebɔrɛ kaŋɛ mo: ‘Ewulpo ere. Kanyɛ ere feeŋ paŋ fo ŋkpa ere. Nɛ fo alɛ paŋ kumo, wanɛ peya nɛ asɔ nɛ fo bela n yili fo kumu ere kikɛ beeŋ ki?’ ”

Romebi 1:21

B nyi Ebɔrɛ be asheŋ, ama bumo alɛ maa ta mo fanɛ Ebɔrɛ a bunyaŋ mo ŋko a chɔrɔ mo. Ama b shin nɛ bumo be nfɛra ki nfɛra fuloŋ nna nɛ bumo be kawuliso be ŋgbene malɛ ki m biri to.

Romebi 1:28

Ade malɛ kikɛ be kaman Ebɔrɛ yige bumo be asheŋ nna n sa bumo ŋkpal b ka kini kenyiŋi kashenteŋ be abɔrɛsheŋ na so nɛ b baa wɔtɔ a wora asheŋ nɛ a maŋ daga kikɛ.

Ɛfesesebi 5:12

Ŋkpal manɛ so, kemalga asheŋ nɛ basa ŋana a wora ere be asheŋ gba kɔ anishinyɔr nna.

Ditɛronɔmi 12:31

Men sa maŋ kaa shuŋ Enyɛnpe menyi be Ebɔrɛ na ekpa nɛ baa bɔla so a shuŋ bumo be agbirana na. Ŋkpal manɛ so, ashi bumo be kagbirshuŋ to baa kaa wora ekishisheŋ nɛ Enyɛnpe Ebɔrɛ na kishi nna. Bumo alɛ bee kaa mɔ bumo mbia a chɔɔ a lara esarga bumo be agbirsureana so nna.

1 Pita 4:3

Naniere bre a daga fanɛ men ka pin fanɛ asɔ nɛ nnyamase bee sha kewora nɛ menyi alɛ gba daa wora amo na be kewora kukwe. Asɔ nɛ men daa wora saŋɛ na e daa la kusɔjigaya be aworbi nɛ kesakalea be kayɛlga be aworbi nɛ kasanuu nɛ keshɛr abar n ji nseŋ boo ana be kebaawɔtɔ nɛ kushuŋ jiga fanɛ kagbirshuŋ be aworbi.