Nshɛ 51:4 - EBƆRƐ BE KAWƆL

⁴ Kashenteŋto, fo nɛ n wora n da so. N wora n jija ŋkpal ŋ ka kini kewora fo kasonu so. Amoso k daga nna nsaa walɛ fanɛ fo gberge ma kusoe n niŋi ma ekpa.

Nshɛ 51:4 ပူးပေါင်းရင်းမြစ်များ

Jɛnesis 20:6

Ndoŋ nna nɛ Ebɔrɛ kaŋɛ mo ashi edare na to le: “Kashenteŋ, n nyi fo ka wora kusɔ nɛ fo wora na nɛ nfɛra lela, amoso nɛ mee kuŋ fo nɛ fo sa maŋ kaŋ wora kulubi ŋ gbiti ma na.

Jɛnesis 38:7

Ama Ɛra daa la esa lubi nna ashi Enyɛnpe be anishito nɛ Enyɛnpe Ebɔrɛ shin nɛ wu.

Jɛnesis 39:9

Kenimu be kaplɛa so, esa kama maŋ chɔ ma laŋ ere to. N nyɛnpe maa mɔn ma shɛŋ shɛŋ laŋ ere to ama fo nawule nɛ e maŋ ta m bɔɔ ma enɔ, ŋkpal manɛ so, mbe eche e la fo. To, nɛ nuso nɛ meeŋ tiŋ n nya kagbene kpakpaso n wora le be kulubi ŋ gbiti Ebɔrɛ?”

Jɛnesis 9:6

Esa kama nɛ e mɔ dimɛdi, baaŋ mɔ amodoŋwura gba n tal to, ŋkpal manɛ so, Ebɔrɛ pɔr dimɛdi nna fanɛ mbe kaduli.

2 Bewura 17:17

B daa ta bumo be mbia nna a chɔɔ a lara esarga nnyamase be agbir so nseŋ ki belejipo a kpal. Kusɔ nɛ Enyɛnpe Ebɔrɛ kishi na nɛ baa wora nɛ mbe agbo nyaŋɛ to.

2 Bewura 21:6

E daŋ ta mo gbagba pibinyɛn nna n lara sarga chɔɔso ashi ketaŋɛ nɛ baa tre Hinnɔm na to. E daa wora kegbaya nɛ ŋkilgisheŋ nna nsaa yɔ belejipoana kutɔ n ya ka kpal nsaa shuŋ bubuni gba a ti so. E daŋ wora alubi damta nna ŋ gbiti Enyɛnpe Ebɔrɛ n shin nɛ mbe agbo kaa ga.

Nshɛ 50:4

E tre esoso nɛ kasawule kikɛ fanɛ eshɛdajipo nna, nɛ b keni kananɛ e bee ji mbe basa demu.

Nshɛ 50:6

Esoso bee ŋini anyi nna fanɛ Ebɔrɛ bee ji basa be asheŋ nɛ amo be ekpa so nna.

Aizaaya 43:25

Ma, e naa ta menyi be alubi a paŋ menyi, ŋkpal esa nɛ e la ma so. Ma alɛ maŋ naa nyiŋi alubi nɛ men wora ŋ gbiti ma na.

Levitikɔs 5:19

K la kewora n jija be sarga nɛ e lara n sa Enyɛnpe Ebɔrɛ na ŋkpal kulubi nɛ e wora na so nna.”

Luuk 15:21

Nɛ kebinyɛnbi na kaŋɛ mo le: ‘N tuto, n wora alubi ŋ gbiti fo nɛ Ebɔrɛ. A maŋ naŋ daga b ka naa tre ma fo pibi.’

Luuk 7:29

Basa nɛ b daŋ nu mbe kamalga na kikɛ nɛ elamposɔpoana na sɔ Jɔn kabɔrɛbɛrpo be kabɔrɛbɛr na ŋ ŋini kananɛ b shuli fanɛ ekpa nɛ Ebɔrɛ nase na e la kashenteŋ.

Ashuŋ Shunso 17:31

Ŋkpal manɛ so, e lara kachako n yili a sha keshin nɛ esa ko nɛ e lara n yili na e ji durnya ere demu kumo be ekpa so. Mo alɛ ŋini ekama nyam kumo be loŋ n shin nɛ amodoŋwura tiŋi luwu to.”

Romebi 2:5

Ama ŋkpal fo kagbene ka du kpakpa a maa sha kechɛrga na so, fo wɔ fo alubi na to nna a shin nɛ Ebɔrɛ be agbo bee kaa a ti so a jo kachɛ nɛ mbe agbo nɛ mbe demuji kashenteŋ be ekpa so na bee lar efuli na.

Romebi 3:4

Kaarɛ fanɛ loŋ e tiŋ n wora. Nɛ nyiŋgbasa bre la efɛpo, Ebɔrɛ bre la kashenteŋjipo nna saŋkama fanɛ kananɛ abɔrɛsibɛ na bee kaŋɛ na. A yɛ: “Fo mmalga to e naa ŋini fo ka kɔ kashenteŋ, fo alɛ beeŋ baa ji a lar fo edemu to.”

Jeems 2:11

Ŋkpal manɛ so, Ebɔrɛ koŋwule nɛ e kaŋɛ fanɛ: “Men sa maa kɔ kesakalea” na koŋwule na e kaŋɛ le: “Men sa maa mɔ abar.” Amoso, nɛ esa maŋ tɔr kesakalea be ntaŋ gba nseŋ mɔ esa, e tɔr Ebɔrɛ be ntaŋana na kikɛ.

Jeems 2:9

Ama nɛ fo kpal kananɛ basa du so a bunyaŋ bumo nsaa fɛl beko, kulubi nɛ fee wora na, Ebɔrɛ malɛ kutɔ fo tɔr ntaŋ.

Kelaraŋŋini 16:5

Ndoŋ nna nɛ n nu malaika mo nɛ e daa kɔ nchuana na be eleŋ na ka kaŋɛ le: “Fo nɛ fo daa wɔtɔ nseŋ kraa wɔtɔ na, wora asheŋ m bɔla ekpa ashi le be demuji ere to.

Kelaraŋŋini 19:11

Ndoŋ nna nɛ n wu ebɔrɛso ka bugi nɛ gbaŋɛ fuful yil. Kumo be ediipo be ketre e la Kebaayɛawora nɛ Kashenteŋ. Ekpa niŋiso nɛ e bee bɔla a ji demu nsaa kɔ kumo a kɔ kena.