Nshɛ 51:18 - EBƆRƐ BE KAWƆL

¹⁸ Enyɛnpe Ebɔrɛ, jande, shin nɛ asheŋ e nyalɛ Zayɔn to, nɛ b pɔr Jerusalɛm be egbal na.

Nshɛ 51:18 ပူးပေါင်းရင်းမြစ်များ

Nehemaya 2:17

Ama ŋ ka bɛta n yɔ na nɛ n ya kaŋɛ bumo le: “Menyi alɛ gba wu tɔrɔ nɛ an wɔ kumo to ŋkpal Jerusalɛm ka bure a dese nɛ kumo be mbunagboŋana kikɛ chɔɔ n tɔr nna na! Men wora ania n shin nɛ an pɔr kadegboŋ ere be egbalana nɛ a tɔr ere, saŋɛ na so anyi maaŋ naŋ ji anishinyɔr.”

Nshɛ 102:16

Ŋkpal manɛ so, Enyɛnpe Ebɔrɛ na beeŋ lɔŋɛ Jerusalɛm be kadegboŋ na m pɔr nseŋ shin nɛ mbe kemaŋkura e dii efuli.

Nshɛ 147:2

Enyɛnpe Ebɔrɛ na bee lɔŋɛ Jerusalɛm nna a pɔr; nsaa bɛta mbe basa nɛ b daŋ pɛ n yɔ kenyaya to ashi efuli pɔtɛ wɔfɔ so na a ba epe.

Nshɛ 25:22

O Enyɛnpe Ebɔrɛ, jande mɔlga Israɛlebi ashi bumo be awurfoŋ to.

Nshɛ 40:7

Amoso nɛ ŋ kaŋɛ fanɛ ma nde na. Meeŋ wora asheŋ nɛ b sibɛ n wɔtɔ fo mbra be kawɔl na to fanɛ m bɛ so na; Kumo e kaŋɛ le na:

Nshɛ 69:35

Ebɔrɛ beeŋ sɔ Jerusalɛm n yige nseŋ lɔŋɛ m pɔr Juda be ndeana, nɛ mbe basa e baa wɔ amo to ashi bumo gbagba be kasawule so.

Aizaaya 51:3

Ma, Enyɛnpe Ebɔrɛ na beeŋ lolo basa nɛ b wɔ Jerusalɛm be alambure to na n wushi bumo kagbene. Jerusalɛm ka ki fanɛ keshishɛrsawule a dese ere gba, meeŋ shin nɛ k ki fanɛ kambɔl nɛ n daŋ nase kumo ketre Iden na. Saŋɛ na so kagbenefuli nɛ kagbenewushi beeŋ baa wɔ ndoŋ, nɛ basa e baa boŋ nshɛ a kpaŋ ma nsaa di ma epaŋ.”

Aizaaya 58:12

Menyi be basa beeŋ lɔŋɛ m pɔr mboŋ nɛ e bure a dese n chɛr na n yili amo be egbaltɔlase dra na so. Saŋɛ na so ekama beeŋ pin fanɛ men la basa nɛ baa lɔŋɛ egbalana nɛ alambure a pɔr nna.”

Aizaaya 62:1

Meeŋ malga n leŋ Jerusalɛmebi to. M maaŋ lo ma kɔnɔ kikɛ, ama b nya kumɔlga nna nɛ bumo be kekɔmpɔɔso e dii efuli fanɛ kabulpi nɛ k chɔɔ so kanyɛso nɛ ekama wu kumo na nna.

Jɛremaya 51:50

Nɛ Enyɛnpe Ebɔrɛ na kaŋɛ mbe basa nɛ b wɔ Babilɔn be efuli so na le, Ma basa, jemanɛ nɛ Jerusalɛm daŋ bure na, men daŋ nya n shile m mɔlga menyi be amu nna. Naniere kakpa nɛ men chena ere nɛ epe wɔ kufɔ, ama men yirda ma nseŋ fɛ Jerusalɛm be asheŋ. Men lar Babilɔn be efuli so! Men sa maŋ naŋ chena ndoŋ!

Danɛl 9:25

A daga fo ka pin fanɛ yili saŋɛ nɛ ebɔl beeŋ ba kenishipereso fanɛ b naŋ lɔŋɛ Jerusalɛm m pɔr na, n ya fo saŋɛ nɛ ejuŋkparpo nɛ Ebɔrɛ lara na beeŋ ba na beeŋ baa la nfɛ adushunu be ntuŋ ashunu nna. Kumo be saŋɛ so baaŋ lɔŋɛ abɔrbi ashi Jerusalɛm to nseŋ kur kemaŋ ŋ kulti kumo a kuŋ kumo nɛ k yili n ya fo nfɛ shunu be ntuŋ adeshe nɛ anyɔ. Ama etɔrɔsheŋ damta beeŋ baa wɔ kumo to.

Maika 6:7

N ta mbolpɔ ŋgboŋto ŋgboŋto ŋko ɔlif be ŋku nɛ e du fanɛ lɔr be bɔlɔ m ba mo kutɔ, k beeŋ par mo a? N ta ma wurkoŋnyɛn n lara sarga n sa mo ŋkpal ma alubi so a?

Maika 7:11

O Jerusalɛmebi, saŋɛ fo nɛ b lɔŋɛ kadegboŋ na be egbalana m pɔr. Jemanɛ na kaŋ fo menyi be kasawule be egbaŋ beeŋ kpalga to n ti so.

Zakareya 2:5

Enyɛnpe Ebɔrɛ na nase kɔnɔ fanɛ mo gbagba beeŋ ki fanɛ edɛ be egbal ŋ kulti kadegboŋ na a kuŋ kumo nsaa la kumo be kemaŋkura ashi kumo to.”

Luuk 12:32

Ma basa, men maŋ shi, ama men sa maa lɔ kufu. Ŋkpal manɛ so, men Tuto be keparso nna nɛ e yili kumo fanɛ e beeŋ ta mbe kuwura na n sa menyi.

Ɛfesesebi 1:5

Ŋkpal mbe kasha so, mo ere Ebɔrɛ na yili kumo nna dra dra na kikɛ fanɛ e beeŋ bɔla Yesu Kristo to m bar anyi mo gbagba kutɔ fanɛ mbe mbia. Kusɔ nɛ k baa par mo nseŋ naa la kusɔ nɛ e yili nna na.

Ɛfesesebi 1:9

nseŋ naŋ bugi wulo be kesheŋ naseso nɛ e yili fanɛ e beeŋ bɔla Kristo so n shin nɛ loŋ e wora na n sa anyi.

Filipaiebi 2:13

Ŋkpal manɛ so, Ebɔrɛ e wɔ menyi to a shuŋ saŋkikɛ a shin nɛ menyee sha Ebɔrɛ nsaa tiŋ a nu a sa mo gbagba be aparsheŋ.

2 Tɛsalɔnikaebi 1:11

Amoso nɛ anyee kule anyi be Ebɔrɛ saŋkama a sa menyi fanɛ e shin nɛ men be kebaawɔtɔ e baa du fanɛ kananɛ e tre menyi fanɛ men ba kaa kɔ na. Anyee kule mo fanɛ e ta mbe eleŋ na n shin nɛ men be kelela be kasha na e wora kashenteŋ n shin nɛ men be yirda be kushuŋ na e bɔlɔ so nyam.