Nshɛ 51:15 - EBƆRƐ BE KAWƆL

¹⁵ Enyɛnpe Ebɔrɛ, bugi ma kɔnɔ nɛ n fur fo.

Nshɛ 51:15 ပူးပေါင်းရင်းမြစ်များ

Jɛnesis 44:16

Ndoŋ nna nɛ Juda kaŋɛ: “To, naniere, manɛ nɛ an naa kɔ nɛ an kaŋɛ fo, an nyɛnpe? Manɛ nɛ anyeeŋ naŋ tiŋ ŋ kaŋɛ ŋko manɛ nɛ anyeeŋ naŋ tiŋ n wora ŋ ŋini fanɛ anyi maŋ tɔr kapɔŋ? Ebɔrɛ shin nɛ fo anya be alubi di efuli, amoso naniere an ki fo anya, anyi nɛ emo nɛ b wu kusɔnuunchu na mbe kusɔ to na kikɛ.”

Nshɛ 119:13

Meeŋ bugi kɔnɔ ŋ kaŋɛ beko awɔrso fo mbraana nɛ fo sa na kikɛ be asheŋ.

Nshɛ 9:14

nɛ n yili Jerusalɛmebi be anishito n fur fo ŋ kaŋɛ asɔ nɛ fo wora, nseŋ ji eyur ŋkpal fo kumɔlga so.

Ɛksodɔs 4:11

Nɛ Enyɛnpe Ebɔrɛ bishi mo: “Wanɛ e wora dimɛdi be kɔnɔ? Wanɛ e naaŋ tiŋ n shin nɛ esa e ki kpawu ŋko neemu ŋko wanɛ e naa sa esa anishi ŋko a shin nɛ esa bee ki tanpo? Mannɛ ma, Enyɛnpe Ebɔrɛ a?

Ezikɛl 16:63

Meeŋ ta fo alubi m paŋ fo, ama feeŋ baa nyiŋi amo nɛ nyɔmɔ e pɛ fo nɛ fo maaŋ naŋ tiŋ m bugi kɔnɔ. Ma, Enyɛnpetale Ebɔrɛ e kaŋɛ na.”

Ezikɛl 29:21

Nɛ kumo be loŋ kaŋ wora, meeŋ shin nɛ Israɛl be basa e nya eleŋ, nɛ fo, Ezikɛl, e yili kakpa nɛ ekama beeŋ nu fo ebɔl nseŋ malga, saŋɛ na so baaŋ pin fanɛ ma e la Enyɛnpe Ebɔrɛ na.”

Ezikɛl 3:27

Ama kachɛ nɛ meeŋ malga fo kutɔ na kaŋ fo, meeŋ bugi fo kɔnɔ nɛ fo malga bumo kutɔ saŋɛ na so feeŋ kaŋɛ bumo kusɔ nɛ ma, Enyɛnpetale Ebɔrɛ na kaŋɛ. Beko beeŋ nu nɛ beko malɛ e kini kenu, ŋkpal manɛ so, b la basa nɛ b kini ma nseŋ pal kaman n sa ma nna.”

Ezikɛl 33:11

Kaŋɛ bumo fanɛ, ŋ ka la Enyɛnpetale Ebɔrɛ nɛ e bee sa ŋkpa so, ma kagbene maa fuli alubiworapoana be luwu so. B ka yige bumo be alubi be kewora nseŋ ji efute e naa fuli ma kagbene. Amoso nɛ Israɛl be basa na bee sha keji efute, kumo ere b yige bumo be asheŋ lubi na nseŋ bɛta m ba ma kutɔ.

Matiu 22:12

Nɛ e bishi mo le: ‘N teri, nuso nɛ fo wora n luri nfe ŋkaa maa kɔ kejafɔ to be asɔbuuso?’ Nɛ kanyɛn na la to.

Maak 7:34

Kumo be kaman nɛ Yesu keni esoso n shu to ŋ kaŋɛ kanyɛn na be asoe: “Ɛfata!” Kumo e la fanɛ “Men bugi to!”

Romebi 3:19

Ama an nyi fanɛ kusɔ kama nɛ mbra na bee kaŋɛ, basa nɛ b wɔ kumo to na to nɛ k de, saŋɛ na so esa kikɛ maaŋ nya kɔnɔ m bugi. Loŋ malɛ e naaŋ shin nɛ Ebɔrɛ e ji durnya kikɛ demu.

Hibruwebi 13:15

Amoso, men shin nɛ an baa di Ebɔrɛ epaŋ saŋkikɛ fanɛ anyi be sarga mo nɛ anyee bɔla Yesu so a ta anyi be nnɔ a ji mbe ketre be eleŋ be shɛda na.

1 Samuɛl 2:9

Fo e naa kuŋ fo basa nɛ baa bɛ fo so kashenteŋto na, ama belubiworapoana bre, tentembiri to nɛ baaŋ wu n dese. Anyi gbagba be eleŋ maaŋ tiŋ n shin nɛ an kɔ m pɔɔ so.