Nshɛ 51:11 - EBƆRƐ BE KAWƆL

¹¹ Sa maŋ ju ma ashi fo anishito. Ŋko n lara fo kiyoyu cheembi na ashi ma to.

Nshɛ 51:11 ပူးပေါင်းရင်းမြစ်များ

Jɛnesis 4:14

Keni, naniere fo ju ma ashi kasawule ere so nɛ e na durnya ere to chamcham. Ma alɛ maaŋ naŋ tiŋ m ba fo anishito gba. Amoso esa kama nɛ e tu ma kaplɛkama beeŋ mɔ ma.”

Jɛnesis 6:3

Kachako nɛ Enyɛnpetale kaŋɛ: “M maaŋ shin nɛ kiyoyu nɛ n ta n wɔtɔ dimɛdi to na e baa wɔ mo to mbaanaayɔ, ŋkpal manɛ so, e la eyur nɛ ŋklaŋ nna, amoso e beeŋ ji nfɛ kalfa nɛ adunyɔ nawule nna durnya ere to.”

2 Samuɛl 7:15

Ma alɛ maaŋ lar mo kaman fanɛ kananɛ n lar Sɔɔl nɛ n daŋ lara nɛ e ki ewura pɔɛŋ nɛ e ba chena so na kaman na.

2 Bewura 13:23

Enyɛnpe Ebɔrɛ na daa wu Israɛlebi kuwɔr nna nsaa maa sha b ka mur ŋkpal mo nɛ bumo nananyɛnana Eebraham nɛ Aizek nɛ Jeekɔb be kɔnɔkoŋwule be ŋkre na so.

2 Bewura 23:27

Amoso le nɛ Enyɛnpe Ebɔrɛ na daŋ kaŋɛ: “Meeŋ wora Juda gba kusɔ nɛ n wora Israɛl na. Meeŋ ju Juda be basa ashi ma anishito nseŋ kini Jerusalɛm nɛ k la ma kade na nɛ bɔrɛlambu nɛ baa bunyaŋ ma kumo to ere.”

2 Bewura 24:20

Ewura Zɛdikaya daŋ wora kusoe kpakpaso nna nseŋ kini kenu n sa Babilɔn be ewura Nebukadneeza. Enyɛnpe Ebɔrɛ na malɛ daŋ nya agbo ga nna n wɔtɔ Juda nɛ Jerusalɛm be basa nseŋ pal kaman n sa bumo. Amoso nɛ asheŋ lubi bee tu bumo na.

Nshɛ 43:2

Fo e la ma ekumpo lempo; manɛ nna nɛ fee ju ma a lɛ? Sa maŋ shin bedoŋ e baa mɛaŋ ma n shin nɛ ma kagbene e baa jija.

Nshɛ 71:18

Naniere, nɛ m bel n fuli kumu, sa maŋ pal kaman n sa ma, O Ebɔrɛ. Shin nɛ m baa kraa wɔtɔ a malga fo eleŋgboŋ be asheŋ a sa kaman to ebi nɛ baa ba na.

Nshɛ 71:9

Mee kule fo nna, nɛ fo sa maŋ pal kaman n sa ma jemanɛ nɛ m bel ŋko ŋ kini ma n lɛ jemanɛ nɛ ma eleŋ loge.

Jɛremaya 7:15

Meeŋ ju menyi n lar ma anishi to fanɛ kananɛ n daŋ ju men kurgepoana, Israɛl be nnaŋ kudu nɛ b daa wɔ kelargato be esoso be kaba so na. Ma Enyɛnpe Ebɔrɛ na e kaŋɛ.”

Luuk 11:13

Nɛ menyi ere ka la basa lubi le nsaa nyi asɔ lela be kebaata a sa menyi be mbia, nɛ Etuto nɛ e wɔ ebɔrɛso na a? Mo ere maaŋ shuli n sa bekama nɛ b kule mo Kiyoyu Cheeŋ na a?”

Baru lela nɛ Jɔn kute na 14:26

Ama Echɛtopo na, mo e la Kiyoyu Cheeŋ nɛ n Tuto beeŋ shuŋi ma ketre to na kaŋ ba, e beeŋ ŋini menyi kusɔ kama nseŋ nyiŋi menyi asɔ nɛ ŋ kaŋɛ menyi kikɛ.

Romebi 1:4

Kebaawɔtɔ cheembi be Kiyoyu malɛ be kaplɛa so, Ebɔrɛ ta eleŋgboŋ ŋ ŋini e ka la mo Pibinyɛn saŋɛ nɛ e tiŋi mo luwu to na.

Romebi 8:9

Ama naniere bre, mannɛ asɔ nɛ menyi be kapɔr lubiana bee ŋini menyi na to nɛ men wɔ, asɔ nɛ Kiyoyu Cheeŋ na bee ŋini menyi na to nɛ men wɔ nɛ Ebɔrɛ be Kiyoyu na baa wɔ menyi to nna na, ŋkpal manɛ so, esa kama nɛ e maŋ kɔ Kristo be Kiyoyu na maŋ la Kristo na peya.

Ɛfesesebi 4:30

Menyi alɛ e sa maa jija Ebɔrɛ be Kiyoyu Cheeŋ nɛ Ebɔrɛ ta n dulgi menyi n yili kesɔnyigeachɛ na.

2 Tɛsalɔnikaebi 1:9

Baaŋ nya kemur be kasogberge mbaanaayɔ nɛ Ebɔrɛ e barga bumo ashi mo kutɔ nɛ mbe eleŋ be kemaŋkuragboŋ na to.

Demujipoana 13:25

Kachako Samsɔn ka daa wɔ mboŋ nɛ baa tre Zora nɛ Ɛshtaɔl be kefɛato ashi Dan be keeyi to na nɛ Enyɛnpe Ebɔrɛ na be Kiyoyu na fara a sa mo eleŋ.

Demujipoana 15:14

B ka ta Samsɔn m ba ka fo Lehi be kade to nɛ Filistiebi na yarase a ponte to a ba mo kutɔ. Epul to nɛ Enyɛnpe Ebɔrɛ na be Kiyoyu gbelge Samsɔn so n shin nɛ e nya eleŋ nɛ efɔl nɛ b ta ŋ kre mbe enɔ nɛ aya na kikɛ tuge to n tɔr fanɛ nyaŋkpaŋfɔl wuso na.

Demujipoana 16:20

Kumo be kaman nɛ Delaila tre: “Samsɔn, Filistiebi na e naa ba fo so na!” Nɛ e yeŋi n tiŋi edi to nseŋ yaŋ fɛ mbe kumu to le: “Meeŋ yaŋ kpa n niŋi to n suge ma kumu.” Ama e daa maŋ nyi fanɛ Enyɛnpe Ebɔrɛ na lar mbe kaman.

1 Samuɛl 10:10

Sɔɔl nɛ mbe kayɛrbi ka fo Gibia, nɛ anebiana be katuŋ ko ba tu bumo epul to na to nɛ Ebɔrɛ be kiyoyu gbelge mo so eleŋso nɛ mo alɛ gba fara a wu asheŋ a kaŋɛ.

1 Samuɛl 16:14

Nɛ Enyɛnpe Ebɔrɛ be kiyoyu lar Sɔɔl to, nɛ kiyoyu lubi ba luri mo to a tɔrɔ mo ga.