Nshɛ 51:1 - EBƆRƐ BE KAWƆL

¹ Enyɛnpe Ebɔrɛ, wu ma kuwɔr ŋkpal fo kasha nɛ k maa loge na so. Kpra ma alubi ŋkpal fo kuwɔrwu na so.

Nshɛ 51:1 ပူးပေါင်းရင်းမြစ်များ

2 Samuɛl 11:2

Kachako kaaseso Deevid ka di ŋ koso nseŋ dii mbe kuchoŋi so e nite a kulti nseŋ keni kaseto n wu kache lela kebita ko ka bee bɛr.

Nehemaya 4:5

Sa maŋ kaŋ ta bumo be alubi nɛ kekeni jiga nɛ b keni bepɔrpo na m paŋ bumo kikɛ.”

Nshɛ 106:45

E daŋ nyiŋi mbe kɔnɔkoŋwule be ŋkre na nna, nseŋ kpal kashagboŋ nɛ e kɔ n sa bumo na so n chɛrga mbe nfɛra a maŋ gberge bumo kusoe.

Nshɛ 106:7

An nanaana ka daa wɔ Ijipt be efuli so na, bumo be lakal daa maa wɔ Ebɔrɛ be mamachi be asheŋ woraso so; ŋko kasha so. Jemanɛ nɛ b daa dii teku peper na, b daŋ pal kaman nna n sa mo.

Nshɛ 109:21

Enyɛnpetale Ebɔrɛ, chɛ ma to, fanɛ kananɛ fo nase kɔnɔ na; nseŋ mɔlga ma ŋkpal fo kasha nɛ k maa loge na so.

Nshɛ 119:124

Ŋini fo kayɛrbi fo kasha nɛ k maa loge na, nseŋ ŋini ma fo mbraana na.

Nshɛ 145:9

Enyɛnpe Ebɔrɛ na bee wora ekama kelela nsaa kɔ kashagboŋ a sa mbe asɔ to so kikɛ nna.

Nshɛ 4:1

Enyɛnpe Ebɔrɛ nɛ fo la ma ekumpo, nu ma kekule. N daa wɔ tɔrɔ to nna nɛ fo chɛ ma to. Amoso wu ma kuwɔr nseŋ nu ma kekule.

Nshɛ 40:11

Enyɛnpe Ebɔrɛ, n nyi fo ka maaŋ yige kebaawu ma kuwɔr. Fo kasha nɛ k maa chɛrga na nɛ fo kashenteŋji e naa kuŋ ma saŋkama.

Nshɛ 5:7

Ama ŋkpal fo kuwɔrwu ka shi so, meeŋ tiŋ m ba fo bɔrɛlambu to; m ba gbir bunyanso, m maŋkura fo.

Nshɛ 51:9

Kplaŋ ma alubi so nseŋ da m buu ma kewora n da so so.

Nshɛ 69:13

Ama fo Enyɛnpe na nɛ mee shu a tre. Nu ma kekule saŋɛ nɛ k par fo nseŋ yili fo kashagboŋ na so m mɔlga ma.

Nshɛ 69:16

Enyɛnpe Ebɔrɛ, nu ma kekule, ŋkpal fo ka walɛ nsaa la esa so. Chɛ ma to, ŋkpal fo kuwɔrwu gboŋgboŋi na so.

Nshɛ 77:9

Ama Ebɔrɛ teŋ so kananɛ baa wu kuwɔr nna a? E kpal agbo so m pɛ mbe kuwɔrwu be kasha nna ere a?”

Aizaaya 43:25

Ma, e naa ta menyi be alubi a paŋ menyi, ŋkpal esa nɛ e la ma so. Ma alɛ maŋ naa nyiŋi alubi nɛ men wora ŋ gbiti ma na.

Aizaaya 44:22

Ma e fuge menyi be alubi fanɛ afu ka ber kuwɔlpa n ya lɛ na nna. Men bɛta m ba ma kutɔ. Ma e la esa nɛ e bee mɔlga menyi.”

Aizaaya 63:15

Enyɛnpe Ebɔrɛ, jande chena fo kuwurputigboŋ na so ashi fo kakpa cheembi nɛ k kɔ kemaŋkura na ŋ keni kusɔ nɛ k bee wora anyi. Fo shɛŋ maŋ naa wɔ anyi to nna a? Nnɛ nɛ fo eleŋgboŋ na wɔ? Ŋini anyi fanɛ anyi be asheŋ tir fo nseŋ wu anyi kuwɔr!

Aizaaya 63:7

Meeŋ malga Enyɛnpe Ebɔrɛ na be alelasheŋ be asheŋ nseŋ kpaŋ mo ŋkpal asɔ nɛ e bee wora a sa anyi so. E nɛfa Israɛl be basa ga nna ŋkpal mbe kuwɔrwu nɛ kasha nɛ k wɔtɔ jemanɛ kikɛ na so.

Jɛremaya 18:23

Ama Enyɛnpe Ebɔrɛ, fo nyi ejina nɛ b to a laŋɛ ma kemɔ be kaplɛa so be asheŋ. Amoso nya agbo n wora bumo nsaa maŋ ta bumo be alubi m paŋ bumo. Shin nɛ b kɔ n tɔr.”

Nfabel 3:32

Hale nɛ e shin nɛ awurfoŋ ba anyi so gba, e kraa kɔ kushuso n sa anyi ŋkpal mbe kasha ka shi ga so.

Danɛl 9:18

O Ebɔrɛ, kaŋ kusoe n nu anyi be kekule nseŋ keni etɔrɔ nɛ awurfoŋ nɛ anyee ji ashi kade nɛ fo ketre deŋ so na to. Anyee kule fo nna ŋkpal fo ka bee wu kuwɔr so, mannɛ an ka la basa cheembi so.

Danɛl 9:9

Kashenteŋ nna fanɛ an kini kenu n sa fo nseŋ wora kumu kpakpaso, ama fo kraa wu anyi kuwɔr nsaa ta anyi be alubi a paŋ anyi.

Ashuŋ Shunso 3:19

Amoso, men lar menyi be alubi to nseŋ bɛta m ba Ebɔrɛ kutɔ nɛ e kpra menyi be alubi kikɛ n lɛ.

Kɔlɔsiebi 2:14

An kini kewora kusɔ nɛ Ebɔrɛ sibɛ mbe mbra na to na, ama e kplaŋ loŋ be kulubi na so ŋ kpra anyi be kemur nɛ Ebɔrɛ be mbra na kaŋɛ anyi fanɛ anyeeŋ mur na, kumo e la fanɛ Ebɔrɛ ta an be alubi nna n lɛ ŋkpal b ka gbir Yesu Kristo m mata kedibi largato na so so.