Nshɛ 50:7 - EBƆRƐ BE KAWƆL

⁷ Ma basa, men nu. Israɛlebi, menyi be Ebɔrɛ na bee ji demu nna a gbiti menyi.

Nshɛ 50:7 ပူးပေါင်းရင်းမြစ်များ

1 Bewura 18:39

Basa na kikɛ ka wu loŋ, nɛ b jɔŋɛ kasawule nseŋ boŋto ŋ kaŋɛ le: “Enyɛnpe na nawule e la Ebɔrɛ! Enyɛnpe nawule e la Ebɔrɛ!”

2 Bewura 17:13

Amoso Enyɛnpe Ebɔrɛ daŋ shuŋi mbɔ nɛ anebiana nna fanɛ b ya kpele Israɛl nɛ Juda be efuli so ebi na kusoe. E yɛ: “Men yige men be asheŋ lubi na be kebaawora, nseŋ bɛ ma mbra nɛ ma keŋini so. N ta amo nna n sa men nananyɛnana nseŋ kaŋɛ ma anebiana nɛ ma nyɛrbiana fanɛ b ta amo n sa menyi alɛ gba.”

2 Kronikɛls 28:5

Ŋkpal ewura Ahaz ka wora kulubi nɛ Juda be basa malɛ kini Enyɛnpe bumo nananyɛnana be Ebɔrɛ na so, Ebɔrɛ shin nna nɛ Siriya be ewura kɔ m pɔɔ mo so nseŋ pɛ Judaebi be basa damta n yɔ kabuti to ashi Damaskɔs. Enyɛnpe Ebɔrɛ na daŋ naŋ shin nna nɛ Israɛl be ewura Pɛka nɛ e la Remaliya pibinyɛn na kɔ m pɔɔ ewura Ahaz so nseŋ mɔ Juda be benapo nɛ b kɔ kenyɛn ga na be ŋgboŋ kalfa nɛ adunyɔ kachɛ koŋwule be epeŋi to.

Nshɛ 49:1

Esa kama nɛ e wɔ durnya to, e kaŋ kusoe n nu kusɔ nɛ mee kaŋɛ ere.

Nshɛ 81:8

O ma basa, men nu ma kasokpele ere. Israɛlebi, n daa beeŋ baa sha fanɛ men nu n sa ma!

Nshɛ 81:9

Men sa maŋ kaŋ shuŋ efuli pɔtɛ kikɛ be kegbir, ŋko kegbir kikɛ nɛ menyi maŋ nyi shɛŋ a laŋɛ kumo kaplɛa so!

Ɛksodɔs 20:2

“Ma e la Enyɛnpe Ebɔrɛ, men be Ebɔrɛ mo nɛ e lara menyi ashi Ijipt be kasawule so, kakpa nɛ men daa wɔ kenyaya to na.

Aizaaya 1:18

Ade be kaman nɛ Enyɛnpe Ebɔrɛ na naŋ kaŋɛ le: “Naniere, men shin nɛ an ji kesheŋ na. Kulubi shin nɛ men pere kpeŋ fanɛ ŋklaŋ, ama meeŋ fɔr menyi so nɛ men fuli parr a chɔ ateebi.

Jɛremaya 2:9

Ŋkpal loŋ so, ma, Enyɛnpe Ebɔrɛ beeŋ yɛr ma basa demujikpa n ya kute kusɔ nɛ bumo nɛ bumo kaman to ebi wora n da ma so ashi bumo be anishito.

Ezikɛl 20:5

nseŋ naŋ kaŋɛ bumo fanɛ kusɔ nɛ Enyɛnpetale Ebɔrɛ na bee kaŋɛ e la fanɛ kachɛ nɛ e lara menyi nɛ men baa la mbe basa na, e daŋ bɔ ntaŋ nna n nase kɔnɔ n sa Jeekɔb nɛ men tutoana nseŋ lara mbe kumu ŋ ŋini bumo ashi Ijipt be efuli so ŋ kaŋɛ fanɛ e beeŋ baa la menyi nɛ men be kaman to ebi be Ebɔrɛ.

Ezikɛl 20:7

Kumo be kaman, nɛ e naŋ kaŋɛ bumo fanɛ bumo be ekama e yige agbirana nɛ men ta menyi be anishi n yuu so, nɛ amo be asheŋ bee nu ma agbo nɛ ŋ kishi amo ga na be kebaashuŋ; saŋɛ na so, menyi maaŋ ta Ijipt be efuli so be agbirana n jija menyi be kebaawɔtɔ. Ŋkpal manɛ so, ma e la Enyɛnpe menyi be Ebɔrɛ na.”

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”