Nshɛ 50:5 - EBƆRƐ BE KAWƆL

⁵ E yɛ: “Men tre ma basa nɛ baa ji kashenteŋ a sa ma nsaa lara sarga a sa ma na, nɛ ma nɛ bumo e wora kɔnɔkoŋwule be ŋkre.”

Nshɛ 50:5 ပူးပေါင်းရင်းမြစ်များ

Nshɛ 30:4

Menyi nɛ menyee ji kashenteŋ na e boŋ nshɛ n chɔrɔ Enyɛnpe Ebɔrɛ, ŋkpal asɔ lela nɛ e wora n sa anyi na so.

Nshɛ 97:10

Bekama nɛ baa sha Enyɛnpe Ebɔrɛ na kishi kulubi nna. Ŋkpal manɛ so, mo e naa kuŋ mbe basa nɛ baa ji kashenteŋ a sa mo na be ŋkpa nsaa kɔ a suge bumo ashi kumukpakpasowuraana be enɔ to.

Aŋasa 2:8

Mo e naa kuŋ basa nɛ baa wora asheŋ nɛ a daga, nsaa ŋini bekama nɛ baa shuŋ mo nɛ kagbene koŋwule na ekpa.

Aizaaya 13:3

N tre ma benapo lempoana nɛ b yirda bumo be amu n lar nɛ b ya kɔ kena ŋ gberge basa nɛ n nya agbo n wɔtɔ na kusoe.

Zakareya 14:5

Kumo be kaman nɛ men bɔla ketaŋɛ nɛ kebee na baŋɛ to anyɔ n dese n ya fo kakpa nɛ baa tre Azɛl na n shile. Kananɛ men nanaana daŋ shile saŋɛ nɛ kasawule daŋ gbuŋgbuŋ Juda be ewura Uziya be jemanɛ so na gbagba chap nɛ menyi alɛ gba beeŋ shile m mɔlga menyi be amu. Kumo be kaman nɛ Enyɛnpe Ebɔrɛ na nɛ mbe emalaika kikɛ e ba.

Matiu 24:31

Kumo be kaman nɛ b foŋ kabelgboŋ na awɔrso nɛ ma, Nyiŋgbasa Pibinyɛn na e shuŋi ma emalaika durnya ere to be abonfu ana na to nɛ b ya yili esoso be kebonfu ko to n chala ma basa laraso n ya fo kuko to m ba ma kutɔ.

Matiu 26:28

Ma ŋklaŋ nɛ a lar a sa basa damta na nde. Amo e naa ti Ebɔrɛ nɛ dimɛdi be kɔnɔkoŋwule be ŋkre na so a bar alubi be ketampaŋ na.

1 Tɛsalɔnikaebi 3:13

Loŋ nɛ e beeŋ shin nɛ yirda kpakpaso e baa wɔ men be ŋgbene to nɛ men maaŋ baa kɔ kulubi kikɛ, ama menyeeŋ baa du cheembi ashi an be Ebɔrɛ Etuto na be anishito saŋɛ nɛ an Nyɛnpe Yesu Kristo nɛ bumo nɛ b la mo peya na kikɛ beeŋ ba na.

2 Tɛsalɔnikaebi 2:1

To, bekurgepoana, an Nyɛnpe Yesu Kristo be kebɛta m ba na nɛ anyi be kechala a wɔ mo kutɔ na malɛ be asheŋ nde:

Hibruwebi 12:24

Men ba Yesu nɛ e la kɔnɔkoŋwule be ŋkre popɔr be elɔŋɛpo nsaa la esa nɛ b ta mbe ŋklaŋ ŋ ŋmenyaŋ n wurge nɛ ŋklaŋ na bee ji kusɔ nɛ k chɔ Ebel be ŋklaŋ na be asheŋ peya na kutɔ.

Hibruwebi 13:20

Ebɔrɛ bɔla ŋklaŋ nɛ a bee ti kɔnɔkoŋwule be ŋkre nɛ k maŋ kɔ ekar na so n tiŋi an Nyɛnpe Yesu nɛ e la mbolpɔkenipogboŋ nɛ e bee keni mbe mbolpɔ so na ashi luwu to.

Juud 1:14

Le malɛ be basa ere be asheŋ nɛ Inɔk nɛ e la esa nɛ e yili Adam be jemanɛ na so m bɛ so esa shunusopo na daŋ wu ŋ kaŋɛ na fanɛ: “Men keni Enyɛnpe nɛ mbe emalaika ŋgboŋ to ŋgboŋ to ba